బిజినెస్
రెండో రోజూ నష్టాలే
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, అక్టోబర్ 6: యూరోపియన్ యూనియన్‌నుంచి బ్రిటన్ వైదొలగడంపై ఆందోళన కొనసాగుతుండడం, అలాగే ఇటీవలి కాలంలో రాణించిన కంపెనీల షేర్లలో లాభాల స్వీకరణలాంటి కారణాల వల్ల వరసగా రెండో రోజు కూడా దేశీయ మార్కెట్లు నష్టాలతో ముగిశాయి. ఫలితంగా బుధవారం 114 పాయింట్లు కోల్పోయిన బిఎస్‌ఇ సెనె్సక్స్, గురువారం కూడా మరో 115 పాయింట్ల దాకా నష్టపోయింది. రియల్టీ, విద్యుత్, బ్యాంకింగ్ రంగాలకు చెందిన షేర్లు ప్రదానంగా నష్టపోయాయి. కాగా, అంతర్జాతీయ మార్కెట్లలో ప్రధాన ఆసియా మార్కెట్లు లాభాలతో ముగియగా, ఐరోపా మార్కెట్లు మాత్రం నష్టాలతో ప్రారంభమైనాయి. అమెరికా ఆర్థిక వ్యవస్థ తిరిగి పుంజుకుంటోందన్న సంకేతాల కారణంగా వచ్చే డిసెంబర్‌లో అమెరికా ఫెడరల్ రిజర్వ్ వడ్డీ రేట్లను పెంచవచ్చన్న భయంతో యూరోపా మార్కెట్లు నష్టపోయాయి. అయితే ఆసియా మార్కెట్లు లాభాలతో ముగియడం గమనార్హం. ఫలితంగా బిఎస్‌ఇ సెనె్సక్స్ 114.77 పాయింట్లు నష్టపోయి 28,106.21 పాయింట్ల వద్ద ముగిసింది. అలాగే జాతీయ స్టాక్ ఎక్స్‌చేంజి సూచీ నిఫ్టీ సైతం 34.40 పాయింట్లు నష్టపోయి 8,709.55 పాయింట్ల వద్ద ముగిసింది. సెనె్సక్స్‌లోని కంపెనీల్లో ఎన్‌టిపిసి 2.42 శాతం నష్టపోగా. సిప్లా 2.30 శాతం నష్టపోయింది. మహింద్ర, మహింద్ర, పవర్ గ్రిడ్, ఐసిఐసిఐ బ్యాంక్, ఎస్‌బిఐ, ఇన్ఫోసిస్, డాక్టర్ రెడ్డీస్‌లాంటి షేర్లు కూడా నష్టపోయాయి. సెనె్సక్స్‌లోని మొత్తం 30 కంపెనీల షేర్లలో 22 షేర్లు న్టపోగా, 8 మాత్రమే లాభపడ్డాయి. లావాదేవీల చివర్లో రియల్టీ, విద్యుత్, హెల్త్‌కేర్, ఐటి రంగాల షేర్లలో లాభాల స్వీకరణకు మదుపరులు ఎగబడ్డారు. ఫలితంగా మిడ్‌క్యాప్, స్మాల్‌క్యాప్ సూచీలు సైతం నష్టపోయాయి.
ఎన్‌ఎస్‌ఇ ఐపిఓకు బోర్డు ఆమోదం
ఇదిలా ఉండగా షేర్ల విక్రయానికి ఆఫర్ మార్గంలో ఐపిఓకు వెల్లడానికి జాతీయ స్టాక్ ఎక్స్‌చేంజి(ఎన్‌ఎస్‌ఇ) కి బోర్డు ఆమోదం లభించింది. ఐపిఓకు సంబంధించిన పత్రాలను ఎన్‌ఎస్‌ఇ వచ్చే ఏడాది జనవరిలో మార్కెట్ రెగ్యులేటర్ అయిన సెబికి సమర్పిస్తుంది. ఓవర్సీస్ లిస్టింగ్ కోసం కూడా వచ్చే ఏడాది ఏప్రిల్ నాటికి పత్రాలను సెబికి దాఖలు చేస్తుంది. ఈ ప్రక్రియను వేగవంతం చేయడానికి ఎన్‌ఎస్‌ఇ ఇప్పటికే ఒక లిస్టింగ్ కమిటీని ఏర్పాటు చేసింది. ఇప్పుడున్న వాటాదారులకు షేర్ల విక్రయం రూపంలో ఈ ఐపిఓ ఉంటుంది. ఇదే కాకుండా 2016-17 ఆర్థిక సంవత్సరానికి గాను ప్రతి షేరుకు రూ. 79.50ల మధ్యంతర డివిడెండ్ చెల్లించడానికి కూడా ఈ నెల 4న జరిగిన బోర్డు సమావేశంలో నిర్ణయించారు. షేర్‌హోల్డర్ల దగ్గరున్న ప్రతి పది షేర్లకు ఒక అదనపు షేరును విక్రయించాలని కూడా బోర్డు నిర్ణయించింది.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.