బిజినెస్
గట్టెక్కించిన ఆర్‌బిఐ నిర్ణయం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, అక్టోబర్ 8: దేశీయ స్టాక్ మార్కెట్లు గడచిన వారం లాభాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ 195.18 పాయింట్లు పుంజుకుని 28,061.14 వద్ద స్థిరపడితే, నేషనల్ స్టాక్ ఎక్స్‌చేంజ్ సూచీ నిఫ్టీ 86.45 పాయింట్లు అందిపుచ్చుకుని 8,697.60 వద్ద నిలిచింది. రిజర్వ్ బ్యాంక్ ఆఫ్ ఇండియా (ఆర్‌బిఐ) నూతన గవర్నర్ ఉర్జిత్ పటేల్ తన తొలి ద్రవ్యసమీక్షలోనే ఆశ్చర్యకరంగా కీలక వడ్డీరేట్లను పావు శాతం చొప్పున తగ్గించడం మదుపరులను ఆకట్టుకుంది. రెపో, రివర్స్ రెపో వడ్డీరేట్లను ఈ నెల 4న నిర్వహించిన సమీక్షలో 25 బేసిస్ పాయింట్ల మేరకు ఆర్‌బిఐ తగ్గించింది. ఇది మార్కెట్లను ఉత్సాహపరచగా, వృద్ధిరేటు విషయంలో అంతర్జాతీయ ద్రవ్యనిధి (ఐఎమ్‌ఎఫ్) పురోగమన అంచనాలు, వరుసగా తొమ్మిదో నెల ఉత్పాదక రంగ పిఎమ్‌ఐ ఆశాజనకంగా ఉండటం వంటివి మార్కెట్ల లాభాలకు దోహదపడ్డాయి.
ఇకపోతే గడచిన వారంలో తొలి రెండు రోజులైన సోమ, మంగళవారాల్లో స్టాక్ మార్కెట్లు లాభాలను అందుకున్నాయి. ఆ తర్వాత మూడు రోజులు మాత్రం నష్టాలకే పరిమితమయ్యాయి. అయినప్పటికీ సోమవారం నమోదైన భారీ లాభాలతో గట్టెక్కగలిగాయి. నిజానికి అంతకుముందు వారం భారతీయ స్టాక్ మార్కెట్లు భారీ నష్టాల్లో ముగిశాయి. భారత్-పాక్ మధ్య నెలకొన్న ఉద్రిక్తకర పరిస్థితుల మధ్య సెనె్సక్స్ 802.26 పాయింట్లు, నిఫ్టీ 220.40 పాయింట్లు పతనమయ్యాయి. ఈ పరిస్థితిలో ఆర్‌బిఐ ద్రవ్యసమీక్షపై ఆశావాహ దృక్పథం, అందుకు తగ్గట్లే వడ్డీరేట్ల తగ్గింపు మార్కెట్లను కాపాడాయి. ఇక చమురు, గ్యాస్, మెటల్, రియల్టీ, ఆటో, కన్జ్యూమర్ డ్యూరబుల్, క్యాపిటల్ గూడ్స్ రంగాల షేర్లకు కొనుగోళ్ల మద్దతు లభించింది. ఐటి, టెక్నాలజీ రంగాల షేర్లు అమ్మకాల ఒత్తిడికి లోనయ్యాయి. స్మాల్-క్యాప్ 3.46 శాతం, మిడ్-క్యాప్ 2.86 శాతం చొప్పున లాభపడ్డాయి. టర్నోవర్ విషయానికొస్తే గడచిన వారం బిఎస్‌ఇ 19,026.44 కోట్ల రూపాయలుగా, ఎన్‌ఎస్‌ఇ 18,280.84 కోట్ల రూపాయలుగా ఉన్నాయి. అంతకుముందు వారం బిఎస్‌ఇ టర్నోవర్ 1,05,549.39 కోట్ల రూపాయలుగా, ఎన్‌ఎస్‌ఇ టర్నోవర్ 1,27,819.04 కోట్ల రూపాయలుగా ఉంది
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.