రాష్ట్రీయం
చంద్రబాబు ఉక్కిరిబిక్కిరి
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 5: ముద్రగడ పద్మనాభం ఆమరణ దీక్ష సిఎం చంద్రబాబుని ఉక్కిరి బిక్కిరి చేస్తోంది. ఇంటర్నేషనల్ ఫ్లీట్ రివ్యూలో పాల్గొనేందుకు చంద్రబాబు రెండు రోజుల నుంచి విశాఖలోనే బస చేస్తున్నారు. మరో రెండు రోజులు ఇక్కడే ఉంటారు. ఓపక్క ప్రతిష్టాత్మకమైన ఇంటర్నేషనల్ ఫ్లీట్ రివ్యూ జరుగుతోంది. అంతర్జాతీయంగా అందరి కళ్లూ ఆంధ్రపైనే ఉన్నాయి. ఇటువంటి సమయంలో ముద్రగడ పద్మనాభం ఆమరణ నిరాహారదీక్షకు దిగడాన్ని చంద్రబాబు జీర్ణించుకోలేకపోతున్నారు. శుక్రవారం ఉదయం 9గంటల సమయంలోనే ఆయన సర్క్యూట్ హౌస్ నుంచి బయటకు వచ్చి ఫిషింగ్ హార్బర్‌లో జెట్టీని ప్రారంభించడానికి వెళ్లిన చంద్రబాబు ఫొన్‌లో చాలాసేపు సంభాషించారు. తిరిగి సర్క్యూట్ హౌస్‌కు చేరుకున్నారు. కాపుల రిజర్వేషన్‌పై ఏర్పాటు చేసిన కేబినెట్ సబ్ కమిటీ సభ్యులు యనమల రామకృష్ణుడు, కెఇ కృష్ణమూర్తి, నిమ్మకాయల చినరాజప్ప, గంటా శ్రీనివాసరావుతో సమావేశమై సుదీర్ఘ మంతనాలు సాగించారు. సమావేశంలో కేంద్ర మంత్రి అశోక్ గజపతిరాజు, పరకాల ప్రభాకర్ సైతం పాల్గొన్నారు. కులాల పేరిట రాష్ర టంలో చిచ్చు రగిలించాలని చూడటం బాధాకరమని ఈ సందర్భంగా చంద్రబాబు వ్యాఖ్యానించారు. బీసీలైనా, కాపులైనా ఉద్రిక్తతలు తలెత్తేలా ఆందోళనలకు దిగడం మంచిదికాదని హితవు పలికారు. ఈ నేపథ్యంలోనే శాంతి భద్రతల అడిషనల్ డిజిపి ఠాకూర్ సిఎం చంద్రబాబును కలిసి గంటకు పైగా చర్చించారు. తరువాత కాపు కమిషన్ చైర్మన్ చలమలశెట్టి రామానుజయ్య, అనకాపల్లి ఎంపీ అవంతి శ్రీనివాస్, యలమంచిలి ఎమ్మెల్యే పంచకర్ల రమేష్‌బాబు, తూర్పు గోదావరి జిల్లా నుంచి బొడ్డు భాస్కరరామారావు, పిఠాపురం ఎమ్మెల్యే వర్మ కూడా చంద్రబాబును కలిశారు. తరువాత హోంమంత్రి నిమ్మకాయల చినరాజప్ప మాట్లాడుతూ చట్టం తనపని తాను చేసుకుపోతుందని, ఆందోళనల్లో హద్దుమీరితే ఎంతటి వారైనా ఉపేక్షించేది లేదని హెచ్చరించారు.
ఇదిలా ఉండగా తెలుగుదేశం పార్టీకి చెందిన కాపు ఎమ్మెల్యేలు మీడియాతో మాట్లాడేందుకు నిరాకరించారు. తమను ఇందులోకి లాగద్దంటూ తప్పించుకుని తిరగడం గమనార్హం. మొత్తంమీద చంద్రబాబు శుక్రవారం విశాఖలో అన్యమనస్కంగానే గడిపారు. ఓపక్క ఫ్లీట్ రివ్యూ నిర్ణీత సమయాలకు హాజరు కావల్సివచ్చింది. మరోపక్క రాష్ట్రంలో ఏర్పడిన ఉద్రిక్త పరిస్థితులను చక్కదిద్దాల్సిన బాధ్యతా ఆయనపైనే ఉండడంతో టెన్షన్‌గా కనిపించారు. విశాఖలో జరుగుతున్న ఇంటర్నేషనల్ ఫ్లీట్ రివ్యూలో పాల్గొనేందుకు అనేక దేశాలనుంచి ప్రతినిధులు హాజరయ్యారు. ఇటువంటి పరిస్థితుల్లో రాష్ట్రంలో ఉద్రిక్త పరిస్థితులు చోటు చేసుకున్నాయి. ఈ విషయం అంతర్జాతీయికి చేరుకుందని, వాళ్ల నుంచి ఫోన్‌లు వస్తున్నాయంటూ చంద్రబాబు సన్నిహితుల వద్ద వాపోయినట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.