రాష్ట్రీయం
హామీలు @ 6లక్షల కోట్లు! ఎక్కడినుంచి తెస్తారు?
S ,7 à 8 RSCA (si SASPAS) et 6 cialis pharmacie cialis rapports de stage.
బ్యాంకులే భయపడే పరిస్థితి వచ్చింది
‘డబుల్’కు లక్షా 40 వేల కోట్లు తేగలరా?
ఎస్సీ, ఎస్టీల భూ పంపిణీకి ఎంతవుతుంది?
రూ. 50వేల కోట్లతో విశ్వనగరం సాధ్యమా?
అసెంబ్లీలో ప్రభుత్వాన్ని నిలదీసిన జానారెడ్డి
హైదరాబాద్, మార్చి 17: టిఆర్‌ఎస్ ప్రభుత్వం ఇచ్చిన హామీలు నెరవేర్చాలంటే రూ. 6 లక్షల కోట్లకు పైగా అప్పు చేయాల్సి ఉంటుందని, హామీలన్ని అమలు కావాలంటే మూడు పర్యాయాలు అధికారంలో కొనసాగాల్సి ఉంటుందని ప్రతిపక్ష నాయకుడు కె జానారెడ్డి అన్నారు. ప్రస్తుతం రాష్ట్రానికి వచ్చే ఆదాయం నుంచి ఇంత పెద్ద మొత్తం అప్పుతీర్చాలంటే ఎంత కాలం పడుతుందో ఆలోచించారా? అని జానారెడ్డి ప్రశ్నించారు. శాసనసభలో గురువారం బడ్జెట్ పద్దులపై జరిగిన చర్చపై మాట్లాడుతూ, ఇంత పెద్దమొత్తాన్ని ఎలా తీర్చుస్తారని బ్యాంకులు వెనుకడుగు వేసే ప్రమాదం ఉందని గుర్తు చేశారు. రాష్టవ్య్రాప్తంగా 20 లక్షల మంది పేదలకు డబుల్ బెడ్‌రూమ్ ఇళ్లు కట్టించి ఇస్తామని ప్రభుత్వం హామీ ఇచ్చింది, వీటిని కట్టడానికి రూ. లక్ష 40 వేల కోట్లు ఖర్చు అవుతుందని జానారెడ్డి లెక్కలతో సహా వివరించారు. టిఆర్‌ఎస్ అధికారంలోకి వచ్చి దాదాపు రెండు సంవత్సరాలు కావస్తోంది, ఇంతవరకూ 500 ఇళ్లు కూడా కట్టలేకపోయారు, కనీసం ఏడాదికి 50 వేల ఇళ్లయినా నిర్మించకుండా 20 లక్షల ఇళ్లు ఎప్పుడు పూర్తిచేస్తారని జానారెడ్డి నిలదీశారు. కేంద్ర ప్రభుత్వం నుంచి వచ్చే ఐఎవై పథకం కింద ఇళ్లు నిర్మించడానికి రాష్ట్రానికి రూ. 300 కోట్లు వస్తాయి, వాటినైనా రాష్ట్ర ప్రభుత్వ వినియోగించుకోలేదని విమర్శించారు. భూమి లేని ఎస్‌సి, ఎస్‌టిలకు ఉచితంగా మూడు ఎకరాల భూమి కొనుగోలు చేసి ఇస్తామని హామీ ఇచ్చారు. రాష్టవ్య్రాప్తంగా 20 నుంచి 30 లక్షల ఎస్‌సి, ఎస్‌టి కుటుంబాలకు భూమి కొనుగోలు చేసి ఇవ్వడానికి ఎంత డబ్బు ఖర్చు అవుతుందో లెక్క కట్టారా? అని ప్రశ్నించారు. హైదరాబాద్‌ను విశ్వనగరంగా తీర్చిదిద్దడానికి 50 వేల కోట్ల నుంచి 70 వేల కోట్ల వరకు ఖర్చు చేస్తామని చెబుతున్నారు, మిషన్ భగీరథకు మరో 36 వేల కోట్లు ఖర్చు అవుతుందని అంటున్నారు, మరి ఇంత పెద్ద మొత్తం నిధులను ఎక్కడి నుంచి తీసుకొస్తారని ఆయన ప్రశ్నించారు. రాష్ట్ర ప్రభుత్వం 2014-15 బడ్జెట్‌లో లక్ష కోట్లతో బడ్జెట్ రూపొందించగా, అందులో 62 వేల కోట్లు మాత్రమే ఖర్చు చేసిందని, అలాగే 2015-16లో లక్ష 15 వేల కోట్లతో రూపొందించిన బడ్జెట్‌లో 15 వేల కోట్లు కోత పెట్టినప్పుడు, ఈసారి మళ్లీ లక్ష 30 వేల కోట్లతో బడ్జెట్ ప్రవేశపెట్డడం అభూతకల్పన కాదా? అని జానారెడ్డి నిలదీశారు. గత బడ్జెట్‌లో ఎస్‌సి, ఎస్‌టి, మైనార్టీలకు రూ. 1100 కోట్లు కేటాయించి అందులో కేవలం రూ. 300 కోట్లు మాత్రమే ఖర్చు పెట్టిందని జానారెడ్డి గుర్తు చేశారు. ఎస్‌సిలకు కేటాయించిన బడ్జెట్‌లో 34 శాతం, ఎస్‌టిలకు కేటాయించిన బడ్జెట్‌లో 42 శాతం, మైనార్టీలకు కేటాయించిన బడ్జెట్‌లో 30 శాతం మాత్రమే ఖర్చు చేసిందని జానారెడ్డి లెక్కలతో సహా వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.