క్రైమ్/లీగల్
రెచ్చిపోయిన మట్కా ముఠా
S ,7 à 8 RSCA (si SASPAS) et 6 cialis pharmacie cialis rapports de stage.
తాడిపత్రి, డిసెంబర్ 30: అనంతపురం జిల్లా తాడిపత్రిలో నివాసం ఉంటున్న మట్కా డాన్ను అరెస్టు చేయడానికి వచ్చిన కడప జిల్లా పోలీసులపై ఆదివారం దుండగులు మూకుమ్మడి దాడి చేశారు. పోలీసుల జీపుపై పెట్రోల్ పోసి తగులబెట్టారు. ఈ ఘటనలో కడప అర్బన్ సీఐ హమీద్ ఖాన్తో పాటు ఇద్దరు కానిస్టేబుళ్లు గాయపడ్డారు. తాడిపత్రిలోని విజయ్నగర్కాలనీలో నివాసం ఉంటున్న రషీద్ స్థానిక ఎమ్మెల్యే ప్రధాన అనుచరుడు. మట్కా కార్యకలాపాలు నిర్వహిస్తూ మట్కా డాన్గా పేరుపొందాడు. రషీద్ ఇంటిపై ఆదివారం కడప అర్బన్ సీఐ హమీద్ఖాన్, కానిస్టేబుళ్లు నరేంద్రరెడ్డి, ప్రదీప్, ప్రవీణ్కుమార్ సాధారణ దుస్తుల్లో దాడి చేశారు. విషయం పసిగట్టిన దుండగులు సీఐ, కానిస్టేబుళ్లపై రాడ్లు, కర్రలతో దాడి చేయగా సీఐ హమీద్ఖాన్, కానిస్టేబుళ్లు నరేంద్రరెడ్డి, ప్రదీప్ గాయపడ్డారు. దుండగులు పోలీసులు వచ్చిన బొలెరో వాహనంపై పెట్రోల్ పోసి నిప్పంటించడంతో ఆ వాహనం పూర్తిగా దహనమైంది. తాడిపత్రి పట్టణ సీఐ సురేంద్రనాథ్రెడ్డి సంఘటనా స్థలానికి చేరుకుని గాయపడినవారిని ఆసుపత్రికి తరలించారు. పోలీసులపై దాడులకు పాల్పడిన రషీద్ను వెంటనే అరెస్టు చేసి, పోలీసులకు రక్షణ కల్పించాలని డిమాండ్ చేస్తూ తాడిపత్రి నియోజకవర్గ వైసీపీ సమన్వయకర్త కేతిరెడ్డి పెద్దారెడ్డి ఆధ్వర్యంలో ఆ పార్టీ శ్రేణులు స్థానిక గాంధీ సర్కిలో రాస్తారోకో చేపట్టారు. అలాగే స్థానిక ఎమ్మెల్యేకి వ్యతిరేకంగా నినాదాలు చేశారు.
చిత్రాలు.. దుండగుల దాడిలో దహనమవుతున్న పోలీసుల వాహనం
*తీవ్రంగా గాయపడి ఆసుపత్రిలో చికిత్స పొందుతున్న సీఐ హమీద్ఖాన్