రాష్ట్రీయం
అభివృద్ధి కోసమే టిఆర్‌ఎస్‌లోకి
S ,7 à 8 RSCA (si SASPAS) et 6 cialis pharmacie cialis rapports de stage.
ఎమ్మెల్యేలు గాంధీ, మాగంటి గోపీనాథ్
హైదరాబాద్, మార్చి 11: అభివృద్ధి కోసమే టిఆర్‌ఎస్‌లో చేరినట్టు టిడిపి నుంచి టిఆర్‌ఎస్‌లో చేరిన ఎమ్మెల్యేలు అరికెపూడి గాంధీ, మాగంటి గోపీనాథ్ తెలిపారు. శేరిలింగంపల్లి టిడిపి ఎమ్మెల్యే అరికెపూడి గాంధీ, జూబ్లీహిల్స్ ఎమ్మెల్యే మాగంటి గోపీనాథ్ శుక్రవారం టిఆర్‌ఎస్‌లో చేరారు. క్యాంపు కార్యాలయంలో ముఖ్యమంత్రి కల్వకుంట్ల చంద్రశేఖర్ రావు గులాబీ కండువాలు కప్పి వారిని పార్టీలోకి ఆహ్వానించారు. ఈ ఇద్దరు ఎమ్మెల్యేలతో పాటు ఆ రెండు నియోజకవర్గాల పరిధిలోని డివిజన్ల అధ్యక్షులు, ముఖ్య నేతలు టిఆర్‌ఎస్‌లో చేరారు. జహీరాబాద్ నియోజకవర్గం నుంచి టిడిపి తరపున ఎంపీగా పోటీ చేసిన, టిఎన్‌ఎస్‌ఎఫ్ జాతీయ ఇన్‌చార్జి మదన్ మోహన్‌రావు, బోధన్ టిడిపి ఇన్‌చార్జి మాడపాటి ప్రకాశ్ రెడ్డి తదితరులు టిఆర్‌ఎస్‌లో చేరారు. ఈ కార్యక్రమంలో మంత్రులు తన్నీరు హరీశ్‌రావు, కడియం శ్రీహరి, తుమ్మల నాగేశ్వరరావు, పట్నం మహేందర్ రెడ్డి, ఎంపి కల్వకుంట్ల కవిత, ఎమ్మెల్యేలు వినయ్ భాస్కర్, జీవన్‌రెడ్డి, ప్రభాకర్, ఎర్రబెల్లి దయాకర్ రావు, వివేకానంద, మాధవరం కృష్ణారావు తదితరులు పాల్గొన్నారు.జూబ్లీహిల్స్ నియోజకవర్గం అభివృద్ధి కోసమే టిఆర్‌ఎస్‌లో చేరినట్టు మాగంటి గోపీనాథ్ తెలిపారు. టిడిపి అంటే తనకు ఎంతో గౌరవం అని అయితే విశ్వనగరంగా హైదరాబాద్ అభివృద్ధి కోసం, బంగారు తెలంగాణ సాధన కోసం టిఆర్‌ఎస్‌లో చేరినట్టు చెప్పారు. నియోజకవర్గంలో అందరినీ కలుపుకొనిపోయి నియోజకవర్గాన్ని అభివృద్ధి చేస్తానని అన్నారు. ముఖ్యమంత్రి కెసిఆర్ అమలు చేస్తున్న పలు పథకాలు తనకు నచ్చాయని మాగంటి తెలిపారు.
అభివృద్ధి కోసమే టిఆర్‌ఎస్‌లో చేరినట్టు అరికెపూడి గాంధీ తెలిపారు. టిడిపిలో తాను అంకితభావంతో పని చేశానని, తనకు సహాయ సహకారాలు అందించిన కార్యకర్తలకు కృతజ్ఞతలు తెలుపుతున్నట్టు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.