రాష్ట్రీయం
నల్లగొండ ఎమ్మెల్సీ బరిలో నలుగురు
S ,7 à 8 RSCA (si SASPAS) et 6 cialis pharmacie cialis rapports de stage.
చిన్నపరెడ్డి, రాజగోపాల్‌రెడ్డిల మధ్య ప్రధాన పోటీ
నల్లగొండ, డిసెంబర్ 12: నల్లగొండ జిల్లా స్థానిక సంస్థల ఎమ్మెల్సీ ఎన్నికల బరిలో నలుగురు అభ్యర్థులు పోటీలో నిలిచారు. శనివారం నామినేషన్ల ఉపసంహరణ సందర్భంగా టిడిపి అభ్యర్థి సాధునేని శ్రీనివాస్‌రావు తన నామినేషన్ ఉపసంహరించుకున్నారు. దీంతో టిఆర్‌ఎస్ అభ్యర్థి తేరా చిన్నపరెడ్డి, కాంగ్రెస్ అభ్యర్థి కోమటిరెడ్డి రాజగోపాల్‌రెడ్డిలతో పాటు స్వతంత్ర అభ్యర్థులుగా కాంగ్రెస్ రెబల్ సుంకరి మల్లేశంగౌడ్, మిట్టా పురుషోత్తంరెడ్డిలు పోటీలో మిగిలారు. ప్రధాన పోటీ తేరా చిన్నపరెడ్డి, రాజగోపాల్‌రెడ్డిల మధ్య సాగనుండగా ద్విముఖ పోటీలో నెగ్గేందుకు అధికార టిఆర్‌ఎస్, కాంగ్రెస్ సర్వశక్తులొడ్డుతుండగా ఎన్నికలు ఆసక్తికరంగా సాగనున్నాయి.
వరంగల్ ఎమ్మెల్సీ ఎన్నిక ఏకగ్రీవం
నియామక పత్రాన్ని అందుకున్న కొండా మురళి
కార్యకర్తల్లో జోష్.. భారీ ర్యాలీ ప్రదర్శన
నేటి నుండి కోడ్ వర్తించదు
వరంగల్, డిసెంబర్ 12: వరంగల్ స్థానిక సంస్థల ఎమ్మెల్సీ ఎన్నిక ఏకగ్రీవం అయింది. ఎమ్మెల్సీగా కొండా మురళీధర్‌రావు ఏకగ్రీవంగా ఎన్నికైనట్లు రిటర్నింగ్ అధికారి, జిల్లా జాయింట్ కలెక్టర్ ప్రశాంత్ జీవన్ పాటిల్ వెల్లడించారు. ఈ మేరకు శనివారం సాయంత్రం కలెక్టరేట్ కార్యాలయంలో కొండా మురళికి ఎమ్మెల్సీ ఎన్నిక నియామక పత్రాన్ని అందజేశారు. వరంగల్ స్థానిక సంస్థల ఎన్నికల్లో అధికార టిఆర్‌ఎస్ అభ్యర్థిగా కొండా మురళి నామినేషన్ వేశారు. టిడిపి, బిజెపి, కాంగ్రెస్, వామపక్షాల నుండి ఎవరూ నామినేషన్ వేయలేదు. అయితే, ఐదుగురు స్వతంత్ర అభ్యర్థులుగా బి.చంద్రవౌళి, జట్టమహబూబ్‌రెడ్డి, మోడెం మల్లేష్, ఆర్.రవిందర్, అనుమాండ్ల నరేందర్‌రెడ్డిలు నామినేషన్ వేయగా నలుగురు స్వతంత్ర అభ్యర్థులు కొండా మురళికి మద్దతుగా నామినేషన్‌ను ఉపసంహరించుకున్నారు. మరో అభ్యర్థి అనుమాండ్ల నరేందర్‌రెడ్డి నామినేషన్ తిరస్కరణకు గురైంది. శనివారం వరకు ఉపసంహరణ గడువు ఉండడంతో గడువు ముగియగానే ఎమ్మెల్సీ బరిలో పోటీలో కొండా మురళి తప్ప మరెవరు లేకపోవడంతో ఏకగ్రీవంగా కొండా మురళి ఎన్నికైనట్లు ఎన్నికల అధికారి ప్రకటించారు. నియామక పత్రాన్ని తీసుకొని బయటకు రాగానే కార్యకర్తలంతా ఒక్కసారిగా జై తెలంగాణ నినాదాలతో హోరెత్తించారు. కలెక్టర్ కార్యాలయం నుండి కార్యకర్తలు బాణసంచాలు కాల్చి సంబరాలు జరుపుకున్నారు. ఈ సందర్భంగా విజయోత్సవ ర్యాలీని నిర్వహించారు. అనంతరం కొండా మురళి మాట్లాడుతూ ప్రతిపక్షాలు కనీసం పోటీ చేయడానికి కూడా సాహసించలేకపోయాయని, బంగారు తెలంగాణ కెసి ఆర్‌తోనే సాధ్యమని బరిలో ఉన్న స్వతంత్ర అభ్యర్థులు కూడా తనకు మద్దతుగా ఉపసంహరించుకున్నారన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.