రాష్ట్రీయం
మళ్లీ మావోల అలజడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 20: రెండు తెలుగు రాష్ట్రాల్లో మళ్లీ తలెత్తిన వామపక్ష తీవ్రవాద సమస్యకు చెక్ పెట్టేందుకు ఆంధ్ర, తెలంగాణ రాష్ట్రాల డిజిపిలు త్వరలో సమావేశమై ఉమ్మడి వ్యూహాన్ని ఖరారు చేయనున్నారు. తాజాగా ఖమ్మం జిల్లా భద్రాచలం రెవెన్యూ డివిజన్‌లో ఆరుగురు టిఆర్‌ఎస్ నేతలను మావోయిస్టు పార్టీ నక్సలైట్లు కిడ్నాప్ చేశారు. ఈ నేపథ్యంలో గ్రేహౌండ్స్ బలగాలు ఆదిలాబాద్ నుంచి ఖమ్మం వరకు గోదావరి నదీ పరివాహక ప్రాంతాన్ని జల్లెడ పడుతున్నాయి. విశాఖపట్నం, తూర్పుగోదావరి జిల్లా ఏజన్సీ ప్రాంతాలు చత్తీస్‌గఢ్‌ను ఆనుకుని ఉంటాయి. ప్రస్తుతం అక్కడ కూడా ఏపిఎస్‌పి బెటాలియన్ బలగాలు, గ్రేహౌండ్స్ పోలీసులు గాలింపు చర్యలను ముమ్మరం చేశాయి. గత నెలలో ఆంధ్రాలో విశాఖపట్నం ఏజన్సీలో టిడిపి చెందిన గిరిజన నేతలను మావోయిస్టు పార్టీ నక్సలైట్లు కిడ్నాప్ చేసి అనేక రోజుల తర్వాత వదిలిపెట్టారు. సెప్టెంబర్ నెలలో వరంగల్ జిల్లా ఏటూరు నాగారం వద్ద అడవుల్లో శ్రుతి, విద్యాసాగర్ రెడ్డి అనే మావోయిస్టు పార్టీ కార్యకర్తలు పోలీసు ఎన్‌కౌంటర్లో మృతి చెందారు. ఎదురుకాల్పుల్లో వీరు మృతి చెందలేదని, పోలీసులు పట్టుకెళ్లి కాల్చి చంపారని మావోయిస్టు పార్టీతోపాటు సానుభూతిపరుల సంస్ధలు ఆరోపిస్తున్నాయి.
ఉమ్మడి ఆంధ్రప్రదేశ్‌లో ఒకే పోలీసు వ్యవస్ధ, నిఘా, గ్రేహౌండ్స్, ఎస్‌ఐబి ఉండడం వల్ల సమన్వయంతో గత ఐదేరేళ్లుగా నక్సలైట్ల సమస్యను పూర్తిగా నిర్మూలించారు. కాని రాష్ట్ర విభజన తర్వాత అటు ఆంధ్రాలో ఉత్తరాంధ్ర ప్రాంతంలో, తెలంగాణలో ఉత్తర తెలంగాణ జిల్లాల్లో నక్సలైట్లు తమ కార్యకలాపాలను మళ్లీ మొదలు పెట్టారు.
డిసెంబర్ 2వ తేదీ నుంచి పీపుల్స్ లిబరేషన్ గెరిల్లా ఆర్మీ వారోత్సవాలను ఆంధ్ర, తెలంగాణలో తమకు పట్టున్న ప్రాంతాల్లో నిర్వహించేందుకు మావోయిస్టు పార్టీ సన్నాహాలు చేస్తోంది. ఈ వారోత్సవాల్లో గిరిజన యువత, సానుభూతిపరులు పాల్గొనకుండా పోలీసులు చర్యలు తీసుకుంటున్నారు.
గతంలో దేశంలో మావోయిస్టు పార్టీ ఆధిపత్యం ఉన్న రాష్ట్రాల పోలీసు అధికారుల సమావేశాలు జరిగేవి. ఈ సమావేశాల్లో ఆంధ్రప్రదేశ్ రాష్ట్రం నుంచి పోలీసు అధికారులు పాల్గొనేవారు. గత ఐదారేళ్లుగా నక్సలైట్ల కార్యకలాపాలు సన్నగిల్లాయి. ఈ నేపథ్యంలో నక్సలైట్ల కార్యకలాపాలపై పోలీసుల నిఘా తగ్గుముఖం పట్టింది. తాజా పరిణామాల నేపథ్యంలో త్వరలో సరిహద్దు రాష్ట్రాలైన ఒరిస్సా, చత్తీస్‌గడ్, ఆంధ్రప్రదేశ్, మహారాష్ట్ర, మధ్యప్రదేశ్ రాష్టప్రోలీసు అధికారులతో త్వరలో సమావేశాన్ని ఏర్పాటు చేసి సమన్వయంతో పనిచేసేందుకు విధి విధానాలు ఖరారు చేయనున్నట్లు తెలంగాణపోలీసు శాఖకు చెందిన ఉన్నత పోలీసు అధికారి ఒకరు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.