రాష్ట్రీయం
ఖమ్మంలో కెసిఆర్ టూర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 14: మూడురోజుల ఢిల్లీ పర్యటనను ముగించుకున్న సిఎం కెసిఆర్ ఆదివారం సాయంత్రం హైదరాబాద్‌కు చేరుకున్నారు. ఢిల్లీ పర్యటనలో ప్రధాని మోదీ, మంత్రి పియూష్, కేంద్ర హోంమంత్రి రాజ్‌నాథ్‌సింగ్‌తో వేర్వేరుగా సమావేశమైన సంగతి తెలిసిందే. విభజన చట్టం ప్రకారం తెలంగాణ రాష్ట్రానికి కేంద్రం ఇచ్చిన హామీలను నెరవేర్చడంతో పాటు తెలంగాణ ప్రత్యేక ప్యాకేజీ ప్రకటించి బడ్జెట్‌లో చేర్చాల్సిందిగా ప్రధానికి సిఎం విజ్ఞప్తి చేశారు. ఇలా ఉండగా సిఎం కెసిఆర్ సోమవారంనుంచి రెండు రోజుల పాటు ఖమ్మం జిల్లా పర్యటనకు వెళ్లనున్నారు. సోమవారం ఖమ్మంలో అధికారులతో సమావేశమై జిల్లాల్లో చేపడుతున్న అభివృద్ధిని సమీక్షిస్తారు. అలాగే మంగళవారం జిల్లాలోని తిరుమలాయపాలెంలో రామదాసు ఎత్తిపోతల పథకానికి, రోళ్ళపాడులో శ్రీరామ సాగునీటి ప్రాజెక్టుకు శంకుస్థాపన చేయనున్నారు. ఖమ్మం పర్యటన ముగిసిన తర్వాత 19న వరంగల్ జిల్లా మేడారానికి వెళ్లి సమ్మక్క, సారలమ్మకు మొక్కులు చెల్లించుకోనున్నారు. ఈ రెండు జిల్లాల్లో సిఎం అధికారిక పర్యటనలు అయినప్పటికీ, త్వరలో వరంగల్, ఖమ్మం మున్సిపల్ కార్పొరేషన్లకు జరుగనున్న ఎన్నికలపై దృష్టి కేంద్రీకరించనున్నారు. గ్రేటర్ హైదరాబాద్ మున్సిపల్ కార్పొరేషన్ ఎన్నికల్లో తెరాస ఘన విజయం సాధించినట్టుగానే వరంగల్, ఖమ్మం కార్పొరేషన్ ఎన్నికల్లోనూ పార్టీని విజయపథాన నడిపించడానికి ముందస్తు ప్రణాళికలతో ముందుకెళ్తున్నారు. గ్రేటర్ మున్సిపల్ ఎన్నికల బాధ్యతలను ఐటీ శాఖ మంత్రి కెటిఆర్‌కు అప్పగించినట్టే, వరంగల్ కార్పొరేషన్ ఎన్నికల ప్రచార బాధ్యతలను ఉప ముఖ్యమంత్రి కడియం శ్రీహరి, ఖమ్మం మున్సిపల్ ఎన్నికల బాధ్యతలను ఆ జిల్లాకు చెందిన మంత్రి తుమ్మల నాగేశ్వరరావుకు అప్పగించాలని సిఎం నిర్ణయంచినట్టు పార్టీ వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.