కడపలో మహాసంకల్ప సభ ప్రారంభం

కడప: ఎపి ప్రభుత్వం చేపట్టిన నవ నిర్మాణ దీక్ష ముగింపు సందర్భంగా బుధవారం సాయంత్రం కడప మున్సిపల్ మైదానంలో మహాసంకల్ప సభ ప్రారంభమైంది. మధ్యాహ్నానికి వర్షం తెరిపి ఇవ్వడంతో సభ సజావుగానే మొదలైంది. ఎపి సిఎం చంద్రబాబు, టిడిపి యువనేత నారా లోకేష్, పలువురు మంత్రులు, ఎమ్మెల్యేలు, ఉన్నతాధికారులు సభకు హాజరయ్యారు. వైకాపా అధినేత జగన్ సొంత జిల్లా అయిన కడపలో మహాసంకల్ప సభను నిర్వహించాలని చంద్రబాబు వ్యూహాత్మకంగానే నిర్ణయించడంతో అధికార యంత్రాంగం విస్తృత సన్నాహాలు చేసింది.