రాష్ట్రీయం
రోజా పిటిషన్‌పై 4న సుప్రీంలో విచారణ
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఏప్రిల్ 1: వైకాపా ఎమ్మెల్యే రోజా సస్పెన్షన్ కేసును సుప్రీంకోర్టు సోమవారం విచారించనుంది. రోజాపై ఏడాది పాటు సస్పెండ్ చేస్తూ ఏపి శాసనసభ చేసిన తీర్మానాన్ని నిలుపుదల చేయడంపై హైకోర్టు ధర్మాసనం ఇచ్చిన తీర్పును రోజా సుప్రీం కోర్టులో సవాల్ చేశారు. ఈ పిటిషన్ శుక్రవారం జస్టిస్ గోపాలగౌడ, జస్టిస్ అరుణ్‌మిశ్రాలతో కూడిన ద్విసభ్య ధర్మాసనం ముందు విచారణకు రావాల్సి ఉన్నప్పటికీ సమయం ముగిసిపోవడంతో వీలుపడలేదు. దీంతో పిటిషన్‌ను సోమవారం విచారిస్తామని ధర్మాసనం పేర్కొంది. ఢిల్లీలో రోజా విలేఖరులతో మాట్లాడుతూ ప్రజాసమస్యలపై మాట్లాడేవారి గొంతు నొక్కడానికి ప్రభుత్వం ప్రయత్నిస్తోందని ఆరోపించారు. ప్రజాసమస్యలు, కాల్‌మనీ సెక్స్‌రాకెట్‌పై మాట్లాడినందుకే తనను సస్పెండ్ చేశారని రోజా అన్నారు. శాసనసభ నియమ, నిబంధనలను ఎపి ప్రభుత్వం తుంగలోతొక్కిందని ఆమె విమర్శించారు. తనకు సుప్రీంకోర్టు న్యాయం జరుగుతుందని ఆశాభావం ఆమె వ్యక్తం చేశారు. ముఖ్యమంత్రి చంద్రబాబు, ఆయన కుమారుడు లోకేశ్ రాష్ట్రాన్ని అడ్డంగా దోచుకొంటున్నారని రోజా ఆరోపించారు. అవినీతి డబ్బుతోనే తండ్రీకొడుకులిద్దరూ ప్రతిపక్ష ఎమ్మెల్యేలను కొంటున్నారని విమర్శించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.