రాష్ట్రీయం
మానవ హక్కులకు పెద్దపీట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 17: కాశ్మీర్‌లోయలో మానవ హక్కుల పరిరక్షణకు భారత సైన్యం పెద్దపీట వేస్తోందని ఆర్మీ చీఫ్ జనరల్ బిపిన్ రావత్ స్పష్టం చేశారు. కాశ్మీర్‌లోయలో మానవ హక్కుల ఉల్లంఘన జరుగుతోందన్న ప్రచారంలో ఎంతమాత్రం వాస్తవం లేదని ఆయన అన్నారు. కాశ్మీర్‌లో పరిస్థితులపై రాజకీయ పార్టీలు ఇచ్చే ప్రకటనలను ఆర్మీ పట్టించుకోదని, ఆర్మీకి భారత ప్రభుత్వం ఇచ్చిన లక్ష్యాన్ని సాధించడమే కర్తవ్యమని రావత్ అన్నారు. రేయింబవళ్లు సరిహద్దుల పరిరక్షణకు, దేశ భద్రతకు పనిచేస్తామని ఆయన పేర్కొన్నారు. కాశ్మీర్‌లో పరిస్థితులు పూర్తి నియంత్రణలో ఉన్నాయని స్పష్టం చేశారు. కాశ్మీర్ ప్రజల్లో అభద్రతా భావం పెంపొందించేందుకు కొన్ని శక్తులు అవాస్తవాలను ప్రచారం చేస్తున్నాయన్నారు. ఇలాంటి ప్రచారాలవల్లనే సమస్యలు ఉత్పన్నమవుతున్నాయన్నారు. శనివారం దుండిగల్‌లో భారత వైమానిక దళానికి చెందిన కంబైన్డ్ గ్రాడ్యుయేషన్ పరేడ్ కార్యక్రమంలో పాల్గొన్న అనంతరం ఆయన విలేఖర్లతో మాట్లాడుతూ, కాశ్మీర్‌లో పరిస్థితులు అదుపుతప్పినట్లుగా దుష్ప్రచారం చేస్తున్నారన్నారు. లోయలో భారత సైన్యం త్యాగనిరతితో దేశ సరిహద్దుల సంరక్షణకు పోరాడుతోందన్నారు. దక్షిణ కాశ్మీర్‌లో కొన్ని చోట్ల పరిస్థితి ఆందోళనకరంగా ఉన్నా, అల్లరిమూకల ఆటకట్టేందుకు కఠిన చర్యలు తీసుకున్నామన్నారు. కాశ్మీర్‌లోయలో శాంతిని నెలకొల్పడమే తమ లక్ష్యమని, ప్రజలతో కలిసి ఆర్మీ పనిచేస్తోందని, దీనివల్ల వచ్చే నష్టం ఏమీ లేదన్నారు. భారత ఆర్మీ ప్రజలకు చెందినదని, ప్రజా సైనికులుగా ఆర్మీ దళాలు పనిచేస్తున్నాయన్నారు. భారత ప్రభుత్వ ఆదేశం మేరకు నిర్దేశించిన లక్ష్య సాధనకు అంకితభావంతో ఆర్మీ పనిచేస్తోందన్నారు. కాశ్మీర్‌లో తమ అవసరాన్ని గుర్తించే కాశ్మీర్ లోయలో ఆర్మీని రంగంలోకి దింపారన్నారు. శాంతిని నెలకొల్పడమే తమ ముందున్న లక్ష్యం అని రావత్ అన్నారు. లోయలో దారి తప్పిన కొంత మంది యువకులు ఆయుధాలు పట్టుకున్నారని, వీరు త్వరలోనే హింసకు స్వస్తి చెప్పి సాధారణ జీవితంలోకి వస్తారని ఆశాభావంతో ఉన్నట్లు చెప్పారు. లోయలో శాంతి సాధన లక్ష్యంగా సంక్లిష్ట స్థితిలో కూడా ఓర్పు వహిస్తున్నామన్నారు. బడి పిల్లలు రాళ్లు విసురుతున్నా మానవ హక్కులకు ఎటువంటి భంగం కలగకుండా అప్రమత్తంగా ఉంటున్నామన్నారు.
చిత్రం.. దుండిగల్‌లో శనివారం వైమానిక దళానికి చెందిన కంబైన్డ్ గ్రాడ్యుయేషన్ పరేడ్‌లో పట్టాలను ప్రదానం చేస్తున్న ఆర్మీ చీఫ్ జనరల్ బిపిన్ రావత్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.