బిజినెస్
వాహన బీమా సెటిల్మెంట్లకు కొత్త సాంకేతిక పరిజ్ఞానం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, మార్చి 4: వాహన బీమా సెటిల్మెంట్ల కోసం సరికొత్త సాంకేతిక పరిజ్ఞానాన్ని వాడుతున్నట్టు భారతి ఏఎక్స్‌ఏ జనరల్ ఇన్సూరెన్స్ తెలిపింది. ఈ విధానం ద్వారా ఖాతారులు, భాగస్వామ్య గ్యారేజీలు తమతమ క్లెయిమ్స్ లేదా సెటిల్మెంట్స్‌ను సత్వరమే పూర్తి చేసుకోవడానికి వీలుంటుందని భారతి ఏఎక్స్‌ఏ తన ప్రకటనలో పేర్కొంది. వెహికిల్ ఇన్సూరెన్స్‌కు సంబంధించిన క్లెయిమ్స్‌లో ఈఏడాది కనీసం 20 నుంచి 25 శాతం వరకూ కేసులను ఈ కొత్త విధానంలోనే పరిష్కరించాలన్నది లక్ష్యంగా ఎంచుకున్నట్టు తెలిపింది. మోటార్ ఇన్సూరెన్స్ క్లెయిమ్స్‌లో ప్రత్యక్ష సమాచారాన్ని అందుకోవడానికి ఈ విధానంలో అవకాశం ఉంది. ఖాతాదారులు నేరుగా వీడియో క్లిప్పింగ్‌లను లేదా లైవ్ వీడియోలను అప్పటికప్పుడే కంపెనీకి పంపవచ్చు. పరిస్థితిని సమీక్షించుకొని, క్లెయిమ్స్‌కు తక్షణ పరిష్కారాన్ని అందించే వీలుంటుంది. ఇప్పటి వరకూ అనుసరిస్తున్న విధానాల్లో, వాహనాలు ప్రమాదానికి గురైనప్పుడు లేదా దొంగిలించిబడినప్పుడు ఆ సమాచారాన్ని పంపడానికి రోజులు, వారాలు పట్టేది. వాటిని పరిశీలించిన తర్వాత క్లెయిమ్స్‌కు సంబంధించిన సమాచారాన్ని ఇవ్వడానికకి లేదా ఏవైనా అనుమానాలు ఉంటే తీర్చుకోవడానికి బీమా కంపెనీ మరికొంత సమయం తీసుకునేది. ఫలితంగా క్లెయిమ్స్‌లో తీవ్ర జాప్యం కావడం, ఖాతాదారులు ఆగ్రహానికి, ఆందోళన చెందడం సర్వసామాన్యంగా ఉండేది. ఈ సమస్యలను నివారించడానికి భారతి ఏఎక్స్‌ఏ కొత్త సాంకేతిక పరిజ్ఞానాన్ని ప్రవేశపెట్టింది. దీని ద్వారా క్లెయిమ్స్ ఎంత తొందరగా పరిష్కారమవుతాయన్నది చూడాలి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.