రాష్ట్రీయం
ఈ ఏడాది చివర్లో మందిర పనులు చేపడతాం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, జూలై 5: అయోధ్యలో రామ మందిర నిర్మాణాన్ని ఈ ఏడాది చివరి నాటికి ప్రారంభిస్తామని విశ్వహిందూ పరిషత్ వర్కింగ్ ప్రెసిడెంట్ అలోక్ కుమార్ ప్రకటించారు. రామ మందిర నిర్మాణానికి న్యాయ, రాజ్యాంగ పరమైన అవరోధాలు తొలగిపోతాయనే ఆశాభావం వ్యక్తం చేశారు. సుప్రీంకోర్టు కూడా అయోధ్య రామజన్మభూమి కేసును రోజూవారీ విచారించే విధంగా చర్యలు తీసుకుంటుందనే ఆశిస్తున్నట్లు ఆయన చెప్పారు. ఇదే జరిగితే సెప్టెంబర్ నెలాఖరునాటికి తుది ఆదేశాలు వెలువడవచ్చన్నారు. గురువారం ఆయన ఇక్కడ మాట్లాడుతూ, ఈ నెల 6 నుంచి ఈ కేసు సుప్రీంకోర్టు విచారణను చేపట్టాల్సి ఉందని, కొంత ఆలస్యమైనా ఈ నెలాఖరునాటికి విచారణ మొదలవుతుందన్నారు. ఒకవేళ ఆలస్యమైన పక్షంలో మందిర నిర్మాణంపై సాధువుల సలహాను స్వీకరిస్తామన్నారు. ‘చట్టం మా వైపే ఉంది. రామ మందిర నిర్మాణం జరిగి తీరుతుంది. సుప్రీంకోర్టు రోజూవారీ కేసు విచారణను చేపట్టాలని కోరుతున్నాం’ అని అన్నారు. అన్ని రకాల అడ్డంకులను దాటుకుని మందిర నిర్మాణాన్ని చేపట్టి పూర్తి చేయాలన్నదే విహెచ్‌పి లక్ష్యమన్నారు. న్యాయపరంగా మా వాదనలు బలంగా ఉన్నాయన్నారు. ప్రస్తుత పరిస్థితుల్లో రామమందిర నిర్మాణం అనివార్యమన్నారు. కోట్లాది మంది హిందువుల మత విశ్వాసాలు రామమందిరంతో ముడిపడి ఉన్నాయన్నారు. అర్ధరాత్రి సమయాల్లో కూడా సర్వోన్నత న్యాయస్థానం అత్యవసరమైన కేసులను విచారిస్తున్నదని ఆయన అన్నారు. ఈ కేసుకు ఉన్న ప్రాధాన్యత దృష్ట్యా న్యాయ వ్యవస్థ సత్వరమే స్పందిస్తుందనే ఆశ తమకు ఉన్నట్లు ఆయన చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.