రాష్ట్రీయం
విభజన హామీల అమలు జాప్యం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 3: ఆంధ్రప్రదేశ్ విభజన హామీల అమలుపై దాఖలైన పిటిషన్లపై నాలుగు వారాల్లో కౌంటర్లు దాఖలు చేయాలని తెలంగాణ ప్రభుత్వాన్ని సుప్రీం కోర్టు ఆదేశించింది. పార్లమెంట్ సాక్షిగా ఇచ్చిన ప్రత్యేక హోదాతో సహా,విభజన హామీల అమలుపై ఏఐసీసీ కార్యదర్శి గిడుగు రుద్రరాజు, ఆంధ్ర మేధావుల ఫోరం అధ్యక్షుడు చలసాని శ్రీనివాస్ దాఖలు చేసిన పిటిషన్లును సుప్రీం కోర్టు స్వీకరించింది. విభజన హామీల అమలు జాప్యంపై తెలంగాణ కాంగ్రెస్ ఎమ్మెల్సీ పొంగులేటి సుధాకర్‌రెడ్డి వేసిన పిటిషన్‌ను శుక్రవారం జస్టిస్ ఏకే సిక్రీ, జస్టిస్ అశోక్‌భూషణ్‌తో కూడిన ధర్మాసనం విచారించింది. పిటిషనర్ తరపున సీనియర్ న్యాయవాది మీనాక్షి అరోరా వాదనలు వినిపిస్తూ తెలంగాణ ప్రభుత్వం ఇప్పటికీ కౌంటర్ దాఖలు చేయలేదని కోర్టు దృష్టికి తెచ్చారు. దీనిపై కౌంటర్లను వారంలోగా దాఖలు చేస్తామని తెలంగాణ తరపు న్యాయవాదికి ధర్మాసనానికి తెలిపారు. న్యాయమూర్తులు జోక్యం చేసుకుని సాయంత్రంలోగా దాఖలు చేయాలేరా? అని ప్రశ్నించింది. తెలంగాణ సర్కార్ తరపున్యాయవాది వారంలోగా కౌంటర్ దాఖలు చేస్తామని మరోసారి చెప్పడంతో బెంచ్ అంగీకరించింది. మరోవైపు కేంద్ర ప్రభుత్వ మంత్రిత్వ శాఖలు దాఖలు చేసిన అఫిడవిట్లపై కౌంటర్లు దాఖలు చేసేందుకు నాలుగు వారాల గడువు కావాలని ఏపీ తరపు న్యాయవాది ధర్మాసనాన్ని కోరారు. అన్ని కౌంటర్లు దాఖలు చేయడానికి నాలుగు వారాల గడువు ఇస్తున్నట్టు కోర్టు ప్రకటించింది. గిడుగు రుద్రరాజు తరపు న్యాయవాది సత్యంరెడ్డి వాదనలు వినిపిస్తూ పార్లమెంట్ వేదికగా ఇచ్చిన ప్రత్యేక హోదా హామీ అమలు చేయలేదని అన్నారు. గిడుగు రుద్రరాజు, చలసాని శ్రీనివాస్ దాఖలు చేసిన పిటిషన్లను ప్రధాన పిటిషన్లతో లిస్టు చేయాలని రిజిస్ట్రీని ధర్మాసనం ఆదేశించింది. తదుపరి విచారణలో పూర్తిస్థాయి వాదనలు వింటామని న్యాయమూర్తులు వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.