బిజినెస్
సెనె్సక్స్ 330 పాయింట్లు పతనం
S ,7 à 8 RSCA (si SASPAS) et 6 cialis pharmacie cialis rapports de stage.
ముంబయి, ఫిబ్రవరి 8: దేశీయ స్టాక్ మార్కెట్లు సోమవారం భారీగా నష్టపోయాయి. బాంబే స్టాక్ ఎక్స్‌చేంజ్ సూచీ సెనె్సక్స్ 329.55 పాయింట్లు పతనమై 24,287.42 వద్ద ముగియగా, నేషనల్ స్టాక్ ఎక్స్‌చేంజ్ సూచీ నిఫ్టీ 101.85 పాయింట్లు క్షీణించి 7,387.25 వద్ద స్థిరపడింది. ఈ ఆర్థిక సంవత్సరం (2015-16) మూడో త్రైమాసికానికి (అక్టోబర్-డిసెంబర్)గాను వెల్లడయ్యే జిడిపి గణాంకాలకు ముందు మదుపరులు పెట్టుబడులపై సంశయానికి లోనయ్యారు. అంతర్జాతీయంగా ఐరోపా మార్కెట్లు నష్టాల్లో కదలాడటం కూడా దేశీయ స్టాక్ మార్కెట్ సెంటిమెంట్‌ను దెబ్బతీసింది. గ్లోబల్ మార్కెట్‌లో ముడి చమురు ధరల పతనం, చైనా ఆర్థిక మందగమనం పరిస్థితులు భారత్‌తోపాటు వివిధ దేశాల స్టాక్ మార్కెట్ల ఒడిదుడుకులకు కారణమవుతున్నాయని జియోజిత్ బిఎన్‌పి పరిబాస్ ఫండమెంటల్ రిసెర్చ్ అధిపతి వినోద్ నాయర్ అన్నారు. ఇదిలావుంటే ఐటి, టెక్నాలజీ, చమురు, గ్యాస్, ఎనర్జీ, ఎఫ్‌ఎమ్‌సిజి, ఆటో, హెల్త్‌కేర్, పవర్, మెటల్ రంగాల షేర్ల విలువ 1.95 శాతం నుంచి 0.85 శాతం మేర పడిపోయింది. అయితే టెలికామ్, రియల్టీ, కన్జ్యూమర్ డ్యూరబుల్స్ షేర్ల విలువ 0.78 శాతం నుంచి 0.19 శాతం మేర పెరిగింది. విదేశాల నుంచి చౌకగా జరుగుతున్న ఉక్కు దిగుమతులకు అడ్డుకట్ట వేసేందుకు కేంద్ర ప్రభుత్వం 173 రకాల ఉక్కు ఉత్పత్తులపై కనీస దిగుమత ధర (ఎమ్‌ఐపి)ను పెంచుతూ తీసుకున్న నిర్ణయం దేశీయ ఉక్కు తయారీ సంస్థల షేర్లకు కలిసొచ్చింది. భూషణ్ స్టీల్, జెఎస్‌డబ్ల్యు స్టీల్, టాటా స్టీల్ షేర్లకు కొనుగోళ్ల మద్దతు లభించింది. కాగా, లూనార్ న్యూ ఇయర్ సందర్భంగా సోమవారం చైనా, హాంకాంగ్ మార్కెట్లకు సెలవు. జపాన్ సూచీ మాత్రం 1.1 శాతం పెరిగింది. ఐరోపా మార్కెట్లలో ఫ్రాన్స్, జర్మనీ, బ్రిటన్ సూచీలు 1.61 శాతం వరకు నష్టపోయాయి.
Related Articles
ముంబయి: కరోనా వైరస్ వ్యాప్తి కొనసాగుతున్న నేపథ్యంలో, లాక్ డౌన్‌ను కేంద్రం కనీసం మరో వారం రోజులు పొడిగిస్తుందన్న వార్తల నేపథ్యంలో, సోమవారం కూడా భారత స్టాక్ మార్కెట్లలో పతనం తప్పలేదు. కేంద్ర విధించిన లాక్ డౌన్ ఈనెల 14వ తేదీతో ముగుస్తుంది.
న్యూఢిల్లీ, ఏప్రిల్ 13: గత మూడు వారాలుగా భారత దేశంలో అమలవుతున్న లాక్ డౌన్ వల్ల అనూహ్య రీతిలో దేశ ఆర్థిక వ్యవస్థకు అపారమైన నష్టం కలిగే అవకాశం ఉంది. మంగళవారం ముగుస్తున్న ఈ 21 రోజుల లాక్ డౌన్ కాలంలో దాదాపుగా భారత దేశం అంతా మూత పడింది.
బెంగళూరు, ఏప్రిల్ 13: కరోనా వైరస్ రాష్ట్ర ఆర్థిక పరిస్థితిని తీవ్రంగా దెబ్బతీసిందని కర్నాటక ముఖ్యమంత్రి బీఎస్ యడ్డియూరప్ప ఆందోళన వ్యక్తం చేశారు. ఈ ఆర్థిక సంక్షోభం నుంచి గట్టెక్కడానికి మార్గాలు అనే్వషిస్తున్నట్టు సోమవారం ఇక్కడ వెల్లడించారు.
న్యూఢిల్లీ, ఏప్రిల్ 13: చమురు, సహజవాయు కార్పొరేషన్ (ఓఎన్‌జీసీ) తన ఉత్పత్తిలో 15 శాతం కోత విధించింది. కరోనా వైరస్ విజృంభణ నేపథ్యంలో సప్లయర్లు కొనుగోళ్లను తగ్గించుకోవడంతో ఓఎన్‌జీసీ ఈ నిర్ణయం తీసుకుంది.
న్యూఢిల్లీ, ఏప్రిల్ 13: కరోనా వైరస్ కారణంగా అతలాకుతలమైన ఆటో మొబైల్ రంగాన్ని ఆదుకోవడానికి తక్షణ సాయం అందించాలని ప్రధాని నరేంద్ర మోదీని ఆటోమొబైల్ డీలర్ల సంఘాల సమాఖ్య (్ఫడా) కోరింది. ఈ మహమ్మారి కారణంగా మొత్తం పరిశ్రమ కుదేలైందని పేర్కొంది.