రాష్ట్రీయం
ఆదిలాబాద్ జైలు నుండి మావోయిస్టు మహిళా నేత విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్,డిసెంబర్ 12: మావోయిస్టు పార్టీ సీనియర్ దళ నాయకురాలు ఉత్తర తెలంగాణ స్పెషల్ జోనల్ కమిటీ కార్యదర్శి పుల్లూరి ప్రసాద్‌రావు అలియాస్ చంద్రన్న సతీమణి మోతిబాయి అలియాస్ రాధక్క శనివారం జిల్లా జైలు నుండి బెయిల్‌పై విడుదలయ్యారు. 18 ఏళ్ల కిందట దళ సభ్యురాలిగా చేరిన రాధక్క జిల్లా కమిటీ సభ్యురాలిగా, మంగిదళ కమాండర్‌గా ఆ తర్వాత ఛత్తీస్‌గఢ్ రాష్ట్ర కమిటీ సభ్యురాలిగా బాధ్యతలు నిర్వర్తించి, ఉద్యమంలోనే చంద్రన్నతో సహజీవనం గడిపారు. గత ఏడాది సెప్టెంబర్‌లో అరెస్ట్ అయిన రాధక్కపై ఆదిలాబాద్, ఖమ్మం జిల్లాల్లో పోలీసులు 21 కేసులు నమోదు చేయగా, కేసు విచారణలో సరైన ఆధారాలు లేకపోవడంతో 20 కేసులను న్యాయస్థానం కొట్టివేసింది. అయితే ఆదిలాబాద్ జిల్లాలో రాధక్కపై నమోదైన కేసుకు సంబంధించి జిల్లా కారాగారంలో 14 నెలలుగా శిక్ష అనుభవిస్తున్న రాధక్కకు బెయిల్ మంజూరు కావడంతో శనివారం ఉదయం విరసం నేత వరవరరావు, రాజకీయ ఖైదీల అసోసియేషన్ ప్రతినిధులు దశరథ్, రవీంద్రనాథ్ జిల్లా జైలుకు వెళ్లి రాధక్కను బెయిల్‌పై విడిపించారు.
ఇంట్లోనే ఇక స్వేచ్ఛగా జీవిస్తా : రాధక్క
ఆదిలాబాద్ మండలం పిప్పల్‌దరికి చెందిన మోతిబాయి అలియాస్ రాధక్క జైలు నుండి విడుదలైన అనంతరం విలేఖరులతో మాట్లాడుతూ తాను కొంతకాలంగా అనారోగ్య సమస్యలతో బాధపడుతున్నానని, ఇక ఉద్యమంలోకి వెళ్లేది లేదని స్పష్టం చేశారు. జిల్లా జైలులో మహిళా ఖైదీలకు సమస్యలున్నప్పటికీ ఇక్కడ జైలు అధికారులు బాగానే చూసుకున్నారని అన్నారు. కాగా, విరసం నేత వరవరరావు మాట్లాడుతూ సత్ప్రవర్తన కలిగిన మహిళా ఖైదీలను ప్రభుత్వం వెంటనే విడుదల చేయాలని, దేశవ్యాప్తంగా ఖైదీల విడుదలపై ఒకే విధానం అవలంభించాలని అన్నారు. రాష్ట్రంలో జైళ్ల పరిస్థితి దారుణంగా ఉందని, మహిళా ఖైదీల విషయంలో సర్కారు ఏమాత్రం శ్రద్ధచూపడం లేదని అన్నారు. ఏడేళ్లు పూర్తిచేసుకున్న రాజకీయ ఖైదీలను మానవతా దృక్పథంతో విడుదల చేయాలని ఆయన డిమాండ్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.