రాష్ట్రీయం
48 గంటల్లో జవాబివ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
* కోడ్ ఉల్లంఘనపై కెసిఆర్, కెటిఆర్‌కు ఇసి షోకాజ్ నోటీసులు
హైదరాబాద్, డిసెంబర్ 10: స్థానిక సంస్థల ఎమ్మెల్సీల ఎన్నికల కోడ్ ఉల్లంఘనపై కేంద్ర ఎన్నికల సంఘం గురువారం ముఖ్యమంత్రి కె చంద్రశేఖర్‌రావు,ఐటీశాఖ మంత్రి కె తారకరామారావుకు వేర్వేరుగా షోకాజు నోటీసులు జారీ చేసింది. కోడ్ ఉల్లంఘనకు సంబంధించి తమపై చర్యలు ఎందుకు తీసుకోరాదో 48 గంటలలోగా వివరణ ఇవ్వాలని ఆదేశించింది. ముఖ్యమంత్రి తన అధికారిక నివాసంలో (క్యాంపు కార్యాలయం) నవంబర్ 28వ తేదీన ఖమ్మం జిల్లాకు చెందిన కాంగ్రెస్ నేతలు టిఆర్‌ఎస్‌లో చేరిక సందర్భంగా సమావేశం ఏర్పాటు చేయడమే కాకుండా అందులో ఖమ్మం జిల్లాను గోదావరి జిల్లాలతో సమానంగా అభివృద్ధి చేయనున్నట్టు ప్రకటించారని ఎన్నికల సంఘం పేర్కొంది. అలాగే రాజీవ్‌సాగర్, ఇందిరా సాగర్ ప్రాజెక్టుల వల్ల ఖమ్మం జిల్లాకు మేలు జరిగేలా చర్యలు తీసుకుంటామని ముఖ్యమంత్రి హామీ ఇచ్చారని ఎన్నికల సంఘం పేర్కొంది. కేంద్రంలోగానీ, రాష్ట్రంలోగానీ అధికారంలో ఉన్న పార్టీ అధికార దుర్వినియోగానికి పాల్పడకూడదని ఎన్నికల కోడ్ ఉందని పేర్కొంది. అలాగే ప్రభుత్వ కార్యాలయాలు, గెస్ట్‌హౌస్‌లను కోడ్ అమలులో ఉన్న సమయంలో ఉపయోగించకూడదని నిబంధన ఉందని ఎన్నికల సంఘం గుర్తు చేసింది. క్యాంపు కార్యాలయంలో జరిగిన కార్యక్రమంలో ముఖ్యమంత్రి నిర్వహించిన సమావేశంపై ఒక పత్రికలో వచ్చిన కథనాన్ని తన నోటీసులతో పాటు ఎన్నికల సంఘం జత చేసింది.
ముఖ్యమంత్రి కెసిఆర్‌తో పాటు ఐటీశాఖ మంత్రి కె తారకరామారావుకు జారీ చేసిన షోకాజు నోటీసుల్లో సచివాలయంలో మంత్రి తన ఛాంబర్‌లో ఇతర పార్టీల నేతలు టిఆర్‌ఎస్‌లో చేరిక సందర్భంగా పార్టీ కండువాలు కప్పారన్న అభియోగంపై వివరణ ఎన్నికల సంఘం నోటీసులు జారీ చేసింది. నవంబర్ 28వ తేదీన సచివాలయంలో జరిగిన కార్యక్రమంలో మంత్రి కెటిఆర్ ఇతర పార్టీల నేతలకు కండువాలు కప్పడంపై ఒక పత్రికలో ప్రచురితమైన కథనాన్ని ఎన్నికల సంఘం తన నోటీసులతో పాటు జత చేసింది. కోడ్ అమలులో ఉండగా ప్రభుత్వ కార్యాలయంలో పార్టీ కండువాలు కప్పడం ఉల్లంఘననే అవుతుందని, దీనిపై 48 గంటలోగా వివరణ ఇవ్వాల్సిందిగా మంత్రికి జారీ చేసిన నోటీసుల్లో ఎన్నికల సంఘం పేర్కొంది. ఎన్నికల సంఘం నిబంధనలు, నియమావళిని ముఖ్యమంత్రి కె చంద్రశేఖరరావు, మంత్రి కె తారకరామారావు ఉద్దేశ్యపూర్వకంగానే ఉల్లంఘించినట్లుగా భావించాల్సి ఉందని నోటీసులో ఎన్నికల సంఘం పేర్కొంది. ఎన్నికల ప్రవర్తనా నియమావళి అమలులో ఉండగా అధికారిక కార్యాలయాలు, ఆవరణల్లో ఎటువంటి అధికారిక సమావేశాలు నిర్వహించరాదని, హామీలు ఇవ్వరాదని కూడా ఎన్నికల సంఘం పేర్కొంది. ప్రవర్తనా నియమావళిని ఉల్లంఘించినందుకు ఎందుకు చర్యలు తీసుకోరాదో తెలియచేయాలని పేర్కొంది. 48 గంటల్లోగా నోటీసులు సమాధానం ఇవ్వని పక్షంలో ఏకపక్షంగా నిర్ణయం తీసుకునే అధికారం ఎన్నికల సంఘానికి ఉందని కేంద్ర ఎన్నికల సంఘం నోటీసులో పేర్కొంది. కాగా కేంద్ర ఎన్నికల సంఘం రాష్ట్ర ముఖ్యమంత్రి కె చంద్రశేఖరరావుకు, మంత్రి కె తారకరామారావుకు షోకాజ్‌నోటీసులు ఇవ్వడం రాజకీయ వర్గాల్లో చర్చనీయాంశమైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.