Others
అంతం (నాకు నచ్చిన సినిమా)
S ,7 à 8 RSCA (si SASPAS) et 6 cialis pharmacie cialis rapports de stage.
రాంగోపాల్‌వర్మ దర్శకత్వంలో 1990ల్లో వచ్చిన ‘అంతం’ నాగార్జున సినీ ప్రస్థానంలో ఓ మైలురాయి. వాణిజ్యపరంగా అంత విజయవంతం కాకున్నా, నటనాపరంగా ఒక క్లాస్ ముద్రను వేసింది. డానీ, సలీంగౌస్‌లు టాలీవుడ్‌కు కొత్త. అదో వెరైటీగా నిలిచింది. ఊర్మిళ చలాకీ నటన, చివరల్లో నిజం తెలిసి భయపడ్డం, స్థాణువైపోవడం బాగా చేసింది. నాగార్జున నోరు తెరిచి మాట్లాడ్డం చాలా తక్కువ ఇందులో. శేఖర్ ఉరఫ్ రాఘవగా కూల్‌గా, స్టయల్‌గా చేశాడు. కిక్ ఫైట్స్ ఓ ట్రెండ్. కాస్ట్యూమ్స్ కూడా కరెక్టుగా కుదిరాయి. థియేటర్‌లో సినిమా నడుస్తుందా? లేదా? అని బయటివాళ్లకు డౌట్ వచ్చేంత సైలెంట్‌గా సాగుతుంది. నాగ్ ఓ కిల్లర్. ఊర్మిళ ఓ ‘ఆర్నిథాలజీ’ స్టూడెంట్. అనుకోకుండా కలవడం, ప్రేమగా మారడం, అది నేర వృత్తికి ఆటంకంగా మారడం, బాస్‌తో పొరపొచ్చాలు, చివరకు అది పోలీసులకు అనుకూలించి నాగ్‌ను చంపడం- ఇదే అంతం. టేకింగ్ కొత్తగా వుంటుంది. శ్రీలంక లొకేషన్ అందంగా చూపించాడు. కీరవాణి, ఆర్.డి.బర్మన్, మణిశర్మ ముగ్గురూ సంగీతం అందించడం ఆశ్చర్యం. సిల్క్‌స్మిత సాంగ్ కూడా ఉంది. వౌత్ ఆర్గాన్‌తో నాగ్ పలికించే మ్యూజిక్ వెంటాడుతుంది. బ్యాక్‌గ్రౌండ్ స్కోర్ బాగా కుదిరింది. ‘చలెక్కి ఉందనుకో’, ‘ఓ మైనా’, ‘ఇంతసేపైనా ఎదురుచూసేన’, ‘నీ ప్రేమ చెప్పింది నాతో’ పాటలు ఒకత్తయతే, ‘ఊహలేవో రేగే’ ఆర్.డి.బర్మన్ మ్యూజిక్‌లో అదిరింది. టీవీలో రావడం చాలా అరుదు. అసలు రాదు. కాబట్టి మంచి డివిడి కొనుక్కుని చూడ్డమే. మనసును తాకే సినిమా. విషాదాంతమే అయినా కరెక్టే అనిపిస్తుంది. ఇది సినీ సూత్రం మాఫియా సినిమాలకు. యూత్ మెచ్చిన సినిమా.
Related Articles
సందీప్ వంగా -డార్లింగ్ ప్రభాస్ కాంబో ప్రాజెక్టు ఫినిషింగ్ టచ్‌లో ఉందన్న మాట వినిపిస్తోంది. సందీప్ డిజైన్ చేసిన ఫైనల్ స్క్రిప్ట్‌ను హీరో ఓకే చేస్తే -ప్రభ 22వ ప్రాజెక్టుకు అఫీషియల్ అనౌన్స్‌మెంట్ రావొచ్చన్న మాట వినిపిస్తోంది. ప్రస్తుతం ప్రభాస్ -ప్రాజెక్టు 20తో బిజీగా ఉన్నాడు.
ఇటీవల భారతీయ చలనచిత్రరంగంలో అత్యుత్తమ నటుడుగా నీరాజనాలందుకుంటున్న కమల్‌హాసన్, తాను నిర్మిస్తున్న భారతీయుడు-2 షూటింగ్ సందర్భంగా ఘోర ప్రమాదం జరిగి ముగ్గురు యూనిట్ సభ్యులు మరణించడం విచారకరం. సినిమారంగం యావత్తు సానుభూతి ప్రకటించింది. మూవీ ఆర్టిస్ట్ అసోసియేషన్ సంతాపం ప్రకటించింది.
పాన్ ఇండియా -టాగ్ లైన్‌తో భారీ వసూళ్లు రాబట్టే వ్యాపార సూత్రానికి మేకర్లు మరింత పదును పెడుతున్నారు. భారీ బడ్జెట్ నిర్మాతలంతా -రెండడుగులు ముందుకేసి ‘పాన్ ఇండియా’ మూవీలకు ప్లాన్ చేస్తుండటం కొద్దికాలంగా కనిపిస్తోన్న సీన్.
చెప్పడానికి తెలుగమ్మాయే గానీ తెలుగులో మాత్రం అవకాశాలు రావడం లేదు. ముంబాయిలో సైటిల్ అయిన భామ మున్నామైఖేల్ సినిమాతో తెరంగేట్రం చేసింది. తొలి సినిమాతోనే డాన్స్ పెర్ఫార్మెన్స్ అద్భుతంగా చేసి, టైగర్ ష్రాఫ్‌తో సమానంగా గుర్తింపు పొందింది. ఈ సినిమాలో నిథి అగర్వాల్‌ను చూసి అందరూ ఆశ్చర్యపోయారు.
దేవదాసు చంద్రముఖని చివరిసారిగా చూసి పార్వతికోసం రైలెక్కి దుర్గాపూర్ రోడ్డులో దిగి బండి ఎక్కి తూలుతూ, మూలుగుతూ రక్తం కక్కుకుంటూ, ఉరుములు, మెరుపులు, వాన ప్రారంభం కాగానే ఒక చోట బండి బురదలో దిగబడిపోతే, బండి దిగి బండివానికి సహాయం చేసి, దుర్గాపూర్ రాగానే కదలలేని స్థితికి చేరుకుంటాడు.