‘ఓం నమో శివ రుద్రాయ’’(నాకు నచ్చిన పాట)

2010లో విడుదలై బాక్సాఫీసు విజయాన్ని చవిచూడలేకపోయిన ‘ఖలేజా’ అనే చిత్రంలోని పాట ఎప్పటికీ చిరస్మరణీయమై సంగీత సాహితీప్రియులను మరిపించి మురిపించింది. సిరివెనె్నల సీతారామశాస్ర్తీ శిష్యరికంలో తర్ఫీదు పొందిన రామజోగయ్య శాస్ర్తీ కలం నుంచి జాలువారిన ఈ గీతం నాటి ‘శంకరాభరణం’ గీతాలకు ధీటుగా నిలిచి ప్రశంసార్హమైంది! సన్నివేశపరంగా ఓ ఆదివాసీ ద్వారా పలకించిన ఈ పాట శుద్ధ జానపద శైలిలో రుద్ర శతకం నుంచి గ్రహించబడిన పరమశివుని రూప వర్ణనలు సర్వజనామోదమై సామాన్యులను సైతం భక్తిపారవశ్యంతో ముంచెత్తాయి. ముఖ్యంగా పద ప్రయోగయుతంగా ‘సదాశివ సన్యాసి - తాపసి- కైలాసవాసి- నీ పాద ముద్రలు మోసి- పొంగిపోయినది పల్లె కాశి’ వంటి బహువ్రీహి సమాసముల అల్లిక అత్యద్భుతంగా అలరించింది. సంగీత పరంగా మణిశర్మ అందించిన బాణీ, దాన్ని భావగర్భితంగా ఆలపించిన గాయకుడు కారుణ్య తదితరులు ధన్యులు. వేదాంత ధోరణిలో పాట ముగింపును ‘లోకాలనేలేటోడు - నీకు సాయం కాకపోడూ- యె నీలోనె కొలువున్నోడు నిన్ను దాటి పోనె పోడూ’ అని ఆత్మవివ్వాసం పెంపొందేలా చెప్పి ప్రతి మనిషిలోనూ దేవుడున్నాడు అనే నమ్మకాన్ని కలిగించిన కవి శ్రీయుత రామజోగయ్య శాస్ర్తీకి హాట్సాఫ్! బహుశా ఈ పాట ఒక్కడికే కాదు అందరికీ నచ్చుతుందని నా భావన! అదే నిజం కూడా!