రాష్ట్రీయం
జనసంద్రం.. ‘సాగర సంగమం’
S ,7 à 8 RSCA (si SASPAS) et 6 cialis pharmacie cialis rapports de stage.
మచిలీపట్నం/ కోడూరు, ఫిబ్రవరి 9: మాఘ పూర్ణిమ పర్వదినాన్ని పురస్కరించుకుని కృష్ణా జిల్లాలోని సాగర సంగమ క్షేత్రాలు భక్తులతో పోటెత్తాయి. ఉప్పొంగి ప్రవహించే కృష్ణమ్మ సముద్రుడిలో కలిసే అత్యంత పవిత్ర పుణ్యక్షేత్రంగా భాసిల్లుతున్న కోడూరు మండలం హంసలదీవి వద్ద సాగర సంగమంతో పాటు రెండు తెలుగు రాష్ట్రాలకు అత్యంత చేరువలో మచిలీపట్నానికి సమీపంలోని మంగినపూడి సముద్ర తీరం భక్తజన సంద్రంగా మారాయి. ఈ రెండు బీచ్‌ల వద్ద సుమారు రెండు లక్షల మందికి పైబడి భక్తులు పవిత్ర పుణ్యస్నానాలు ఆచరించినట్టు అధికారులు తెలిపారు. భక్తులకు ఎలాంటి అసౌకర్యాలు లేకుండా అధికారులు ఏర్పాట్లు చేసిన నేపథ్యంలో సింధూ స్నానాలు ప్రశాంతంగా ముగిశాయి. ప్రధానంగా హంసలదీవి బీచ్ వద్దే సుమారు లక్షా 50వేల మంది వరకు భక్తులు పుణ్యస్నానాలు ఆచరించినట్టు అధికారులు తెలిపారు. తెల్లవారుజామున 5గంటలకు పాలకాయతిప్ప వద్ద తెరుచుకున్న బీచ్ గేట్లు సాయంసంధ్యా సమయం వరకు మూసుకోలేదు. పాలకాయతిప్ప మెరైన్ పోలీసు స్టేషన్ సమీప బీచ్ గేటు దగ్గర మొదలుకుని వాహనాల క్యూలైన్ దింటిమెరక వై-జంక్షన్ వరకు కనిపించింది. సముద్ర తీరంలో సూర్యోదయ ప్రకృతి అందాలను తిలకించడానికి యాత్రికులు ఆసక్తి కనబరిచారు. కానీ ఆదివారం ఉదయం ఆకాశం మేఘావృతమై 7.30 గంటల తర్వాత గానీ సూర్యోదయం కాలేదు. సూర్యోదయం అవుతున్న సమయంలో యువకులు తమ చేతుల్లోని అధునాతన చరవాణులతో సూర్య కిరణాలతో బంగారు వర్ణంలా మెరిగిపోతున్న నీటి తెరలను కెమెరాల్లో బంధించడానికి ప్రయత్నించారు. ట్రాఫిక్ క్రమబద్ధీకరణకు పకడ్బందీ ఏర్పాట్లు చేపట్టిన డాల్ఫిన్ భవనం దగ్గర నుంచి ద్విచక్ర వాహనాలను కూడా బీచ్ ఒడ్డుకు అనుమతించక పోవటంతో యాత్రికులు స్వేచ్ఛగా సముద్రతీరం వెంబడి పుణ్యస్నానాలు చేసి సాగర సంగమం వరకు బీచ్ ఒడ్డున నడుచుకుంటూ వెళ్లటం కనిపించింది. డాల్ఫిన్ భవనం వద్ద బీచ్ ఒడ్డు నుంచి సాగర సంగమం వెళ్లడానికి మూడు కిలోమీటర్ల దూరం ఉండటంతో ఒక్కొక్కరికి రూ.20 తీసుకునేలా పోలీసు యంత్రాంగం ఆటో సదుపాయం కల్పించింది. కృష్ణమ్మ సముద్రంలో కలుస్తున్న ప్రదేశంలో పసుపు, కుంకుమ, అరటి పండ్ల తాంబూలం నైవేద్యంగా సమర్పించి, మంత్రాన్ని జపిస్తూ పుణ్యస్నానాలు ఆచరించారు. ఆదివారం ఉదయం పౌర్ణమి ప్రభావంతో సముద్రం పోటు ఎక్కువగా ఉండటంతో అధికారులు జల్లుస్నానం ఏర్పాటు చేసినప్పటికీ సేఫ్టీ జోన్‌లో నీటి లోతు ఎక్కువగా ఉండటంతో నదీ, సముద్రం కలిసేచోటే భక్తులు స్నానం చేయడానికి ఆసక్తి కనబర్చారు. ప్రజలు భారీ సంఖ్యలో హాజరైనప్పటికీ, ఎక్కడా ఎలాంటి అవాంఛనీయ సంఘటనలు జరగకుండా సింధు స్నానాలు ముగియటంతో, అధికార యంత్రాంగం ఊపిరి పీల్చుకుంది.
*చిత్రం...కృష్ణా జిల్లా హంసలదీవి దగ్గర జనసంద్రంగా మారిన సాగర సంగమం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.