రాష్ట్రీయం
మన ఇల్లు-మన వీధి
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం: మన ఇల్లు, మన వీధి, మన పట్టణం అనే భావనతో ప్రతి ఒక్కరు పరిసరాలను పరిశుభ్రంగా ఉంచుకోవాలని, పట్టణ ప్రగతితో పట్టణాల రూపురేఖల్లో మార్పు రావాలని రాష్ట్ర రవాణాశాఖ మంత్రి పువ్వాడ అజయ్‌కుమార్ పేర్కొన్నారు. పట్టణప్రగతి కార్యక్రమంలో భాగంగా సోమవారం ఆయన ఖమ్మం జిల్లా మధిర పట్టణంలో పర్యిటించారు. 25లక్షలతో నూతనంగా నిర్మించిన పార్కును ప్రారంభించి మొక్కలు నాటిన అనంతరం మాట్లాడుతూ విదేశాల్లో రోడ్డుమీద చెత్త వేస్తే జరిమానా విధిస్తారని, మన దగ్గర ఆ పరిస్థితి లేదన్నారు. అయినా స్వచ్ఛందంగా ఎవరికి వారు పరిశుభ్రత పాటించాలని స్పష్టం చేశారు. ప్రస్తుతం మనం పందులు, కుక్కలు, కోతులతో సహజీవనం చేస్తున్నామని, చెట్టతో మాత్రమే జీవనం సాగించే పరిస్థితి ఉండాలన్నారు. పట్టణంలో ఉత్పన్నం అవుతున్న చెత్త సేకరణకు వాహనాలు కొనుగోలు చేసుకోవాలన్నారు. ప్రతి వార్డుకు ప్రత్యేక అధికారులను నియమించి పట్టణప్రగతిని పర్యవేక్షించాలన్నారు. అభివృద్ధి జరగకపోతే వార్డు సభ్యులను తొలగించడం పెద్దవిషయం కాదని, కొత్త మున్సిపల్ చట్టంతో అది మరింత సులభమైందన్నారు. రాష్ట్ర ముఖ్యమంత్రి కేసిఆర్ చేపట్టిన పల్లెప్రగతి ద్వారా గ్రామాలన్నీ పచ్చదనం, పరిశుభ్రతతో కళకళలాడుతున్నాయని, పట్టణప్రగతితో పట్టణాలు కూడా అ విధంగా మారాలన్నారు. అయితే ప్రజల సహకారం తక్కువగా ఉంటున్నదని, అది మరింత పెరిగేలా అవగాహన కల్పించాలన్నారు. ప్రతి పట్టణంలోనూ ప్లాస్టిక్ నివారణ, వీధి లైట్లు, తాగునీరు, వైకుంఠధామాలు కచ్చితంగా ఉండాలని, వీటి అమలుకు వార్డు కమిటీలను నియమించుకోవాలన్నారు.
*చిత్రం... మాట్లాడుతున్న పువ్వాడ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.