రాష్ట్రీయం
కేంద్ర నిధులు దుర్వినియోగం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: కేంద్ర ప్రభుత్వం వివిధ పథకాల కింద కేటాయించిన నిధులను రాష్ట్ర ప్రభుత్వం దుర్వినియోగం చేస్తోందని బీజేపీ రాష్ట్ర అధ్యక్షుడు డాక్టర్ కే లక్ష్మణ్ ఆరోపించారు. తెలంగాణ జర్నలిస్టుల యూనియన్ గురువారం నాడు నిర్వహించిన మీట్ ద ప్రెస్ కార్యక్రమంలో డాక్టర్ లక్ష్మణ్ మాట్లాడారు. ఈ సందర్భంగా ఆయన పలు అంశాల్లో రాష్ట్ర ప్రభుత్వ వైఖరిని దుయ్యబట్టారు. సీఏఏ, ఎన్‌ఆర్‌సీ, ఎన్‌పీఆర్‌ల గురించి విస్తృంతగా మాట్లాడారు. గత ఎనిమిది నెలల్లో రాష్ట్ర ప్రభుత్వ వైఫల్యాలపై రాజీలేని పోరాటాన్ని బీజేపీ మాత్రమే చేసిందని అన్నారు. ఇంటర్మీడియట్ విద్యార్థుల ఆత్మహత్యలపై ఉద్యమించామని , నిరవధిక దీక్ష చేపట్టామని అన్నారు. రాష్ట్ర ప్రభుత్వం బేషజాలకు పోయిందని, రాష్టప్రతి దృష్టికి ఈ అంశాన్ని తీసుకుపోవడంతో రాష్టప్రతి భవన్ మొట్టికాయలతో దిగివచ్చిందని, ఈ పరిణామాల అనంతరమే విద్యాశాఖ మంత్రి మారిపోయారని, గ్లోబరీనా సంస్థను తప్పించారని పేర్కొన్నారు. యాదాద్రి ఆలయంలో శిల్పాల విషయంలోనూ వివాదం జరిగిందని కేసీఆర్ ముఖం కొట్టొచ్చేలా కనిపించేట్టు చూశారని, కారు గుర్తును, చార్మినార్ ఫోటోను కూడా ముద్రించాలని చూస్తే బీజేపీ అడ్డుకుందని అన్నారు. రెండు రాష్ట్రాల ముఖ్యమంత్రులు కలిసి మాట్లాడుకుని నదుల అనుసంథానం పేరుమీద లక్ష కోట్లతో చేపట్టాలని చూస్తే ఈ అంశాన్ని కేంద్ర ప్రభుత్వం దృష్టికి తీసుకువచ్చామని, ఇది కేవలం దురుద్ధేశ్యంతో కాంట్రాక్టర్లు జోబులు నింపడానికే అని చెప్పామని పేర్కొన్నారు. అలాగే ఆర్టీసీ కార్మికుల సమ్మె సందర్భంగా బీజేపీ బాసటగా నిలిచి రాష్ట్ర వ్యాప్తంగా చైతన్యపరిచామని , ఢిల్లీ వరకూ ఈ పోరాటాన్ని తీసుకువెళ్లడంతో ఢిల్లీ హెచ్చరికలతో సీఎం దిగివచ్చారని అన్నారు. వెంటనే ఉద్యోగులను పనిలోకి తీసుకుని వారి పదవీ విరమణ వయస్సును కూడా పెంచారని, దీనికి కారణం బీజేపీ ఉద్యమమేనని చెప్పారు. ప్రభుత్వ చెలగాటానికి ఎప్పటికపుడు దీటుగా ప్రధాన ప్రతిపక్షంగా బీజేపీ నిలుస్తూ ఎప్పటికపుడు ఉద్యమాలు చేపట్టామని అన్నారు. క్షేత్ర స్థాయి నుండి రాష్ట్ర స్థాయి వరకూ చేరికలు కొనసాగుతున్న ఏకైక పార్టీ బీజేపీయేనని అన్నారు. కాంగ్రెస్ ఈ రాష్ట్రంలో ఉందా అనే రీతిలో అదృశ్యమైందని చెప్పారు. ప్రజలు నమ్మి 19 మంది కాంగ్రెస్ సభ్యులను గెలిపిస్తే 12 మంది టీఆర్‌ఎస్‌లో చేరారని, అలాంటపుడు కాంగ్రెస్‌ను వారిని గెలిపించడం ఎందుకనే భావన ప్రజల్లో వచ్చిందని పేర్కొన్నారు. ప్రజలకు కాంగ్రెస్ పార్టీ ఉందా అనే అనుమానం కలుగుతోందని అన్నారు. నరేంద్రమోదీ అజెండాను చూసి సహించలేక మతాన్ని అడ్డుపెట్టుకుని రాజకీయాలు చేయాలని కాంగ్రెస్ చూస్తోందని అన్నారు. సీఏఏ తర్వాత ప్రజల్లో వస్తున్న స్పందన చూసి ఓర్వలేకపోయిందని అన్నారు. దేశం అభివృద్ది సంక్షేమంతో పాటు అనేక అంశాలకు వివిధ రూపాల్లో ప్రధాని చట్టాబద్ధతను కల్పించారని చెప్పారు. కోట్లాది ప్రజల మనోభావాలతో ముడిపడిన రామమందిర సమస్యకు కూడా పరిష్కారం దొరికిందని అన్నారు. సంస్థాగత ఎన్నికల ప్రక్రియ కొనసాగుతోందని, మున్సిపల్ ఎన్నికల తర్వాత ఆ ప్రక్రియను పూర్తి చేస్తామని లక్ష్మణ్ చెప్పారు. మెజార్టీ కేంద్ర మంత్రులు ఈ ప్రభుత్వ అవినీతిపైనా, కుటుంబ పాలనపైనే మాట్లాడారని, అమిత్‌షా సైతం నేరుగా చెప్పారని తెలిపారు.
'చిత్రం...మీట్ ద ప్రెస్‌లో మాట్లాడుతున్న బీజేపీ రాష్ట్ర అధ్యక్షుడు డాక్టర్ లక్ష్మణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.