రాష్ట్రీయం
గ్రేటర్ రాయలసీమలోనే ఆంధ్ర రాజధాని
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: గ్రేటర్ రాయలసీమవాసులు తెలుగు వారి ఐక్యతకు చేసిన త్యాగాలను గుర్తించి, వారి మనోభావాలకు అనుగుణంగా గ్రేటర్ రాయలసీమకు రాజధానిని సిఫార్సు చేస్తారని విశ్వసిస్తున్నట్లు ఆ ప్రాంతానికి చెందిన పలువురు రాజకీయ ప్రముఖులు ముఖ్యమంత్రి వైఎస్ జగన్మోహన్ రెడ్డి ప్రభుత్వాన్ని కోరారు. ఈ మేరకు సమర్పించిన వినతిపత్రంపై మాజీ ఎంపీ డాక్టర్ ఎంవీ మైసూరారెడ్డి, మాజీ ఎమ్మెల్యేలు డాక్టర్ శైలజానాథ్, ఆర్ చెంగారెడ్డి, కే మదన మోహన్ రెడ్డి, కే మధుసూదన గుప్తా, డాక్టర్ వీ శివరామకృష్ణారావు, మాజీ డీజీపీలు ఆంజనేయ రెడ్డి, దినేష్ రెడ్డి తదితరులు ఉన్నారు. తాము రాష్ట్రప్రభుత్వం ఏర్పాటు చేసిన హైపవర్ కమిటీకి వినతిపత్రం పంపినట్లు వారు చెప్పారు. పరిపాలన వికేంద్రీకరణలో భాగంగా జీఎన్ రావు కమటీ, బోస్టన్ కన్సల్టింగ్ గ్రూపులు రెండు నివేదికలను పరిశీలించి తగిన సిఫార్సులు చేయాలని వారు కోరారు. ఈ కమిటీలో గ్రేటర్ రాయలసీమకు చెందిన ముగ్గురు మంత్రులు ఉన్నారు. మిగతా వారు ఆంధ్రాప్రాంతానికి చెందిన వారున్నారు. గ్రేటర్ రాయలసీమ వాసులు తెలుగువారి ఐక్యతకు చేసిన త్యాగాలను గుర్తించి, వారి మనోభావాలకు అనుగుణంగా ఒక్కటిగా సీమకు రాజధానిని సిఫార్సు చేయాలని వారు కోరారు. ఉమ్మడి మద్రాసు రాష్ట్రం నుంచి తెలుగువారు ప్రత్యేక రాష్టంగా
కావాలని విడిపోయినప్పుడు కర్నూలు రాజధానిగా ఆంధ్ర రాష్ట్రం ఏర్పడిన విషయాన్ని ఈ సందర్భంగా వారు గుర్తు చేశారు. విశాలమైన తెలుగు వారి సఖ్యత కోసం ఆంధ్రప్రదేశ్ భాషా ప్రయుక్త రాష్ట్రంగా ఏర్పడినప్పుడు కర్నూలు రాజధానిని గ్రేటర్ రాయలసీమ వాసులు త్యాగం చేశారని వారు పేర్కొన్నారు. శ్రీశైలం రిజర్వాయర్ నిర్మాణానికి దాదాపు 80 వేల ఎకరాల సాగుభూమిని ఎలాంటి లాభాపేక్ష లేకుండా త్యాగం చేశారన్నారు. ఈనాటికీ భూసేకరణ కింద చెల్లించాల్సిన నష్టపరిహారం సమస్యలు అపరిష్కృతంగా ఉన్నాయని వారు అన్నారు. త్యాగాలకు ఒక హద్దు ఉంటుందన్న విషయాన్ని హైపవర్ కమిటీ గమనంలో ఉంచుకుని సిఫార్సులు చేయాలన్నారు. త్యాగాలు, మనోభావాలు, ఆత్మగౌరవం, హక్కులు లాంటి పదాలకు జీఎన్‌రావు కమిటీ, బోస్టన్ గ్రూపు కన్సల్టెన్సీ లాంటి కమిటీల నిఘంటువుల్లో అర్థాలు ఉండవన్నారు. ప్రజల నుంచి వచ్చిన వారు మాత్రమే ఆ పదాలకు అర్థాలు, పర్యవసానాలు అవగతం చేసుకోగలరని వారు అన్నారు. గ్రేటర్ రాయలసీమ వాసులు చేసిన త్యాగాలు కాలరాయకుండా గతంలో ఉన్న రాజధానిని గ్రేటర్ రాయలసీమలో పునరుద్ధరించాలని సిఫార్సు చేయాలని వారు కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.