రాష్ట్రీయం
మిషన్ భగీరథకు సహకరించాలి
S ,7 à 8 RSCA (si SASPAS) et 6 cialis pharmacie cialis rapports de stage.
భూనిర్వాసితులను ఆదుకుంటాం * సిఎం ప్రత్యేక కార్యదర్శి స్మితా సబర్వాల్
జనగామ , డిసెంబర్ 12: తెలంగాణ ప్రభుత్వం ఎంతో ప్రతిష్ఠాత్మకంగా అమలుచేస్తోన్న మిషన్ భగీరథ పథకానికి భూయజమానులు సహకరించాలని ముఖ్యమంత్రి ప్రత్యే క కార్యదర్శి స్మితా సబర్వాల్ కోరారు. మిషన్ భగీరథ పథకంలో భాగంగా వరంగల్ జిల్లా జనగామ ప్రాంతంలో చేపడుతున్న పనులను శనివారం ఆమె పరిశీలించారు. స్థానిక కళ్లెం రోడ్డు మార్కండేయ దేవాలయ సమీపంలో మిషన్ భగీరథ బ్యాలెన్సింగ్ రిజర్వాయర్ నిర్మాణం కోసం సేకరించిన భూమి వివరాలను తెలుసుకున్నారు. ఆ ప్రాంతంలో చేసిన మార్కింగ్‌ను పరిశీలించి సంబంధిత రైతులతో మాట్లాడారు. భూనిర్వాసితులకు సరై న నష్టపరిహారం చెల్లించి ఆదుకుంటామని హామీ ఇచ్చారు. పద్మశాలి అఫిషియల్స్ అండ్ ప్రొఫెషనల్స్ అసోసియేషన్ జిల్లా ఉపాధ్యక్షుడు బత్తిని శ్రీనివాస్ మాట్లాడుతూ మార్కండేయ ఆలయ నిర్మాణం కోసం ప్రజల నుంచి విరాళాలు వసూలు చేసి కొనుగోలు చేసిన భూమిలో ఈ పథకం పనులు చేపడుతున్నందున తమకు సమీపంలోని భూమిని కొనుగోలు చేసి ఇవ్వాలని ఆయన విజ్ఞప్తి చేశారు. అందుకు స్పందించి స్మితా సబర్వాల్ సమీప రైతులతో మాట్లాడి భూమి కొనుగోలు చేసి ఆలయానికి ఇవ్వాలని అధికారులను ఆదేశించారు. అనంతరం నాగారం రోడ్డులో నిర్మించనున్న మరో మిషన్ భగీరథ వాటర్‌ట్యాంకు పనులను పరిశీలించారు. పనులు యుద్ధ ప్రాతిపదికన చేపట్టాలని సంబంధిత శాఖ అధికారులను కోరారు. అనంతరం స్థానిక ఆర్డీవో వెంకట్‌రెడ్డి మాట్లాడుతూ కళ్లెం రోడ్డులో 1.50 బ్యాలెన్సింగ్ వాటర్‌ట్యాంకును, అలాగే నాగారం రోడ్డు లో ప్రెషర్ కంట్రోల్ ట్యాంకును నిర్మించనున్నట్లు తెలిపారు. ఈ కార్యక్రమంలో సిఇ నందన్‌రావు, ఎస్‌ఇ యేసురత్నం పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.