రాష్ట్రీయం
టెక్నాలజీలో దూసుకెళ్లాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 17: ఆధునిక సాంకేతిక పరిజ్ఞానాన్ని ఉపయోగించుకొని కాగితం అవసరం లేని పాలనా వ్యవస్థ తీసుకురావాలని అధికారులను ముఖ్యమంత్రి చంద్రబాబు ఆదేశించారు. ఈ ఏడాది జూన్ నుంచి వివిధ శాఖల్లో ఈ-ప్రగతిని పూర్తిస్థాయిలో అమలు చేయాలని తెలిపారు. వెలగపూడి సచివాలయంలో భూ-సేవ, ఈ-ప్రగతిపై మంగళవారం సీఎం సమీక్ష నిర్వహించారు. ఈ సందర్భంగా సీఎం మాట్లాడుతూ వివాహ నమోదు పత్రాలు, భూసార పరీక్షల కార్డులు, కులధృవీకరణ పత్రాలు ఇకపై ఆన్‌లైన్‌లో జారీ చేయాలని ఆదేశించారు. ఈ ఏడాది జూన్ నుంచి వివిధ శాఖల్లో దశలవారీగా ఈ-ప్రగతిని అమలు చేయాలన్నారు. ఈ పథకాన్ని ఈ-పథకం పేరుతో ప్రతి దశలో ట్రాకింగ్ చేయాలన్నారు. విద్యాశాఖలో పూర్తిస్థాయిలో ఈ-ప్రగతిని ప్రవేశపెట్టాలన్నారు. వచ్చే విద్యా సంవత్సరం నుంచి విద్యా సంస్థల నమోదు, కొత్త విద్యా సంస్థల ఏర్పాట్లకు అనుమతులు, విద్యార్థులకు వివిధ సర్ట్ఫికెట్ల జారీ, ఉపకార వేతనాలు, ఫీజు రీయింబర్స్‌మెంట్, వసతి గృహాలు వంటి అంశాలను దీని పరిధిలోకి తీసుకురావాలన్నారు. దేశంలోనే తొలిసారిగా భూకమతాలకు సంబంధించిన
వివిధ అంశాలను భూసేవ ప్రాజెక్టు పరిధిలోకి తీసుకువచ్చామని తెలిపారు. భూ సంబంధిత సేవలు సులభతరం చేసేందుకే ఈ ప్రాజెక్టు చేపట్టామన్నారు. ప్రతి భూకమతానికి పదకొండు అంకెల విశిష్ఠ సంఖ్యను భూదార్ పేరుతో కేటాయించనున్నట్లు తెలిపారు. భూములకు సంబంధించిన 20 రకాల సేవలు మే 30 నాటికి కృష్ణా జిల్లా అంతటా, అక్టోబర్ 2కు రాష్ట్రం అంతటా అందుబాటులోకి వస్తాయని తెలిపారు. పైసా దుర్వినియోగం కాకుండా నీతివంతమైన పాలన అందించడమే తమ ధ్యేయమని తెలిపారు. భూములు కొన్నా, విక్రయించినా ఆటోమాటిక్‌గా లావాదేవీలు జరుగుతాయన్నారు. గతంలో మాదిరి ఆఫీసులకు వెళ్లి ఇబ్బందులకు గురయ్యే పరిస్థితి భవిష్యత్‌లో ఉండదన్నారు. రానున్న కాలంలో ప్రజలకు మరిన్ని సేవలు అందుబాటులోకి తెచ్చేందుకు టెక్నాలజీ సహకరిస్తుందన్నారు. టెక్నాలజీ సాయంతో తమ భూమి రికార్డులు టాంపర్ కాకుండా భద్రంగా ఉంటాయన్న నమ్మకాన్ని ప్రజల్లో కల్పించాలన్నారు. ఈ ప్రతిష్ఠాత్మక ప్రాజెక్టు వలన రాష్ట్రానికి ఖ్యాతి వస్తుందన్నారు. ఈ-ప్రగతి పోర్టల్ ద్వారా పంచాయతీ రాజ్, రహదారులు భవనాల శాఖలో ఎంబుక్, ఆర్థిక సేవలు,
పాఠశాల, ఇంటర్మీడియట్ విద్యలో 10 లక్షల మంది విద్యార్థుల అడ్మిషన్లు, వ్యవసాయ మార్కెటింగ్ శాఖలో 25 వేల మంది వ్యాపారులకు లైసెన్సుల జారీ వంటి సేవలను ఈ-ప్రగతి పోర్టల్‌కు అనుసంధానం చేస్తున్నట్లు సీఎంకు అధికారులు వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.