రాష్ట్రీయం
మహాయజ్ఞం.. కాళేశ్వరం
S ,7 à 8 RSCA (si SASPAS) et 6 cialis pharmacie cialis rapports de stage.
* ప్రపంచ రికార్డు దిశగా పనుల పరుగులు * మీడియాకు పవర్ పాయింట్ ప్రజంటేషన్
హైదరాబాద్, ఏప్రిల్ 17: తెలంగాణలో పూర్వపు 10 ఉమ్మడి జిల్లాల్లో ఒక్క మహబూబ్‌నగర్ మినహా మిగతా 8 జిల్లాలకు సాగునీరు, హైదరాబాద్ మహానగరానికి మంచినీటిని అందించే లక్ష్యంతో చేపట్టిన బహుళార్ధక సాధక కాళేశ్వరం ప్రాజెక్టు నిర్మాణం మహాయజ్ఞంలా కొనసాగుతోంది. సాగునీటి ప్రాజెక్టుల నిర్మాణంలో జాతీయ రికార్డును ఇప్పటికే అధిగమించి ప్రపంచ రికార్డుకు చేరువలో రాత్రింబవుళ్లు మూడు షిఫ్టుల్లో శరవేగంగా కొనసాగుతోన్న పనులు కేంద్ర జల సంఘం నిపుణులను నివ్వెర పరుస్తోదంటే అతిశయోక్తి కానేకాదు. ఇది వాస్తవ దృశ్యం. కాళేశ్వరం ప్రాజెక్టును సందర్శించిన కేంద్ర జల సంఘం నిపుణులు నీటిపారుదల రంగంలో దీనిని ఒక రోల్ మాడల్‌గా అభివర్ణించి వెళ్లారు. ఒకవైపు ఇంజనీరింగ్ నిపుణులు, మరోవైపు వివిధ రాష్ట్రాల నుంచి ప్రాజెక్టు సందర్శనకు తరలివస్తోన్న ప్రతినిధులతో ప్రస్తుతం ఇదొక పర్యాటక ప్రాంతంగా సందర్శకులతో కిటకిటలాడిపోతుంది. దీంతో పర్యాటకశాఖ ఏకంగా కాళేశ్వరం ప్రాజెక్టు సందర్శనకు ఒక ప్యాకేజిని తాజాగా మంగళవారమే ప్రకటించడం విశేషం. తెలంగాణలో దాదాపు 60 శాతం సాగుభూమికి నీరు అందించే లక్ష్యంతో 26 ప్యాకేజీలలో ఏకకాలంలో కొనసాగుతోన్న నిర్మాణ పనుల్లో 45 వేల మంది కార్మికులు పాల్గొనడం
నిజంగా ఇదొక మహాయజ్ఞమే. రోజుకు 57 వేల బస్తాల సిమెంట్ వినియోగంతో 7 వేల క్యూబిక్ మీటర్ల కాంక్రీటు పనులు జరుగుతున్నాయి. సాగునీటిరంగం ఒక్కటే కాకుండా ఇతర నిర్మాణ రంగాలలో కూడా ఇప్పటి వరకు ఎక్కడా 4 వేల క్యూబిక్ మీటర్లకు మించి కాంక్రీటు పనులు జరగకపోవడం జాతీయ రికార్డు. కానీ కాళేశ్వరం ప్రాజెక్టులో ఒక్క మేడిగడ్డ బ్యారేజి వద్ద ఒకేరోజు 7 వేల క్యూబిక్ మీటర్ల పని జరగడం జాతీయ రికార్డును అధిగమించి ప్రపంచ రికార్డుకు చేరువలో ఉందని 45 దేశాలలో భారీ నిర్మాణ పనులు చేస్తున్న ఎల్ అండ్ టి సంస్థ సగర్వంగా ప్రకటించింది. మొత్తంగా కాళేశ్వరం ప్రాజెక్టులో అన్ని ప్యాకేజీలలో కలిపి 21 వేల క్యూబిక్ మీటర్ల కాంక్రీటు పనులు జరుగుతున్నాయి. ఇప్పటి వరకు ప్రపంచ రికార్డు 21 వేల 589 క్యూబిక్ మీటర్ల కాంక్రీటు పని దుబాయిలో నమోదు అయింది. ఈ రికార్డును త్వరలోనే అధిగమించబోతున్నట్టు నీటిపారుదలశాఖ మంత్రి తన్నీరు హరీశ్‌రావు ధీమా వ్యక్తం చేసారు. మొత్తంగా 26 ప్యాకేజిలలో 218 కిలో మీటర్ల పొడవున సొరంగ కాలువలు, 1531 కిలో మీటర్ల పొడవున కాలువలు, 98 కిలో మీటర్ల ప్రెషర్ పైపులైన్, 19 లిఫ్టులు, 20 పంపు హౌజ్‌లు, 20 జలాశయాలు, 142 టిఎంసిల నీటి నిలువ సామర్ధ్యంతో కాళేశ్వరం ప్రాజెక్టు త్వరితగతిన అందుబాటులోకి రాబోతుంది. వర్షకాలం ప్రారంభమయ్యే నాటికే కాళేశ్వరం ప్రాజెక్టు నుంచి ఎల్లంపల్లికి, అక్కడి నుంచి హైదరాబాద్‌కు మంచినీటిని అందించే లక్ష్యంగా కొనసాగుతోన్న నిర్మాణ పనులపై మంగళవారం జలసౌధలో మీడియా ప్రతినిధులకు పవర్ పాయింట్ ప్రజెంటేషన్ ద్వారా మంత్రి హరీశ్‌రావు వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.