రాష్ట్రీయం
మోసకారి కేసీఆర్
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్, ఏప్రిల్ 18: సీఎం కేసీఆర్ మోసకారి, అబద్దాల కోరంటూ టీపీసీసీ అధ్యక్షుడు ఉత్తమ్‌కుమార్‌రెడ్డి తీవ్రస్థాయిలో ధ్వజమెత్తారు. మలివిడత ప్రజా చైతన్య బస్సు యాత్ర ముగింపు సందర్భంగా బుధవారం జయశంకర్ భూపాలపల్లి జిల్లా ములుగులో బుధవారం రాత్రి నిర్వహించిన భారీ బహిరంగ సభలో ఆయన మాట్లాడారు. ఎన్నికల ముందు నక్సల్స్ అజెండాయే మా అజెండా అని చెప్పిన కేసీఆర్, అధికారంలోకి రాగానే నక్సలైట్లను అణిచివేస్తున్నారని విమర్శించారు. తెలంగాణ ఏర్పడితే దళితుడే తొలి సీఎం అన్న కేసీఆర్ దళితులను మోసం చేశారన్నారు. అంతేకాకుండా మేము అధికారంలోకి వచ్చినట్లయితే దళిత గిరిజనులకు మూడు ఎకరాల భూమి ఇస్తానన్న సీఎం కేసీఆర్ ఇంత వరకు ఏ ఒక్కరికీ కూడా ఇవ్వలేదని అన్నారు. అర్హులకు డబుల్ బెడ్‌రూం ఇళ్లు కట్టిస్తానన్న ముఖ్యమంత్రి ఎక్కడా కూడా అ పనులు పునాది దాటలేదని అన్నారు. అధికారంలోకి వచ్చి నాలుగు సంవత్సరాలు గడుస్తున్నా ఇప్పటివరకు ఇచ్చిన ఏ ఒక్క హామీ కూడా నేరవేర్చని సీఎం కేసీఆర్ అసమర్థుడని అన్నారు. ఇంటికో ఉద్యోగం ఇస్తానని ఊదరగొట్టిన ఆయన.. కనీసం ఊరుకో ఉద్యోగం అయిన ఇచ్చాడా? అంటూ పశ్నించారు. టీఆర్‌ఎస్ నాయకులు రాష్ట్రంలో దొంగల ముఠాగా ఏర్పడి అందినంత దోచుకుంటూ తెలంగాణను అప్పుల పాలు చేస్తున్నారని అన్నారు. గత నాలుగేళ్లుగా సీఎం కేసీఆర్ రాక్షస పాలనపై ప్రజలు విసిగి పోయారని అన్నారు. 2019లో కాంగ్రెస్ అధికారంలోకి వస్తేనే ప్రజలు కష్టాలు తీరుతాయని అన్నారు. అధికారంలో రాగానే ములుగును సమక్కసారలమ్మ జిల్లా కేంద్రంగా ఏర్పాటు చేస్తామని అన్నారన్నారు. అదే విధంగా మేడారం జాతరకు జాతీయ హోదా కల్పిస్తామని హామీ ఇచ్చారు. పోడు రైతులకు పట్టాలు ఇస్తామని తెలిపారు. ఎజెన్సీ ప్రాంత ప్రత్యేక అభివృద్ధికి కృషి చేస్తామని అన్నారు. అధికారంలో రాగానే బిల్ట్ పునరుద్ధరణకు చర్యలు తీసుకుంటామని అన్నారు. అదే విధంగా రాష్ట్రంలో ఉన్న 6లక్షల మహిళ సంఘాలకు 10 లక్షల చొప్పున వడ్డీ లేని రుణం అందిస్తామని అన్నారు. తెలంగాణలో ఉన్న 75 లక్షల మహిళ సంఘాలకు లక్ష రూపాయల ఉచితంగా అందజేస్తామని హామీ ఇచ్చారు. ప్రతి మహిళా సంఘానికి పది లక్షల వడ్డీ లేని రుణం ఇస్తామన్నారు. అభయ హస్తాన్ని 500 నుండి వెయ్య రూపాయలకు పెంచుతానని తెలిపారు. అదేవిధంగా రైతులకు ఏక కాలంలో రెండు లక్షల రుణమాఫీ చేస్తామని హామీ ఇచ్చారు. వరికి రెండువేల మద్దతు ధరకు తగ్గకుండా కొనుగోలు చేస్తామని, పత్తికి 6000, మిర్చి, పసుపునకు పదివేలు తగ్గకుండా మద్దతు ధర కల్పిస్తామన్నారు. కాంగ్రెస్ హయాంలోనే తెలంగాణ అభివృద్ధి చెందిందని ఆయన అన్నారు. తెలంగాణ చేపడుతన్న సాగు నీటి ప్రాజెక్టులన్ని తమ ప్రభుత్వ హయాంలో రూపకల్పన చేసుకున్నవే అని గుర్తు చేశారు. గోదావరి బ్రిడ్జి, మోడికుంట ప్రాజెక్టు తమ హయాంలోనే జరిగాయని అన్నారు. తెలంగాణ రాప్ట్రాన్ని ఇచ్చిన ఘనత సోనియా గాంధీదేనని వచ్చే ఎన్నికల్లో భారీ మెజార్టీతో కాంగ్రెస్‌ను అధికారంలోకి తీసుకునిరావాలని ఆయన ప్రజలను కోరారు. కార్యక్రమంలో పార్టీ నాయకులు బట్టి విక్రమార్క, రేవంత్‌రెడ్డి, షబ్బీర్ ఆలీ, దొంతి మాధవరెడ్డి, ఇనగాల వెంకట్రాంరెడ్డి, బలరాం నాయక్, సీతక్క, పొడం వీరయ్య, తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.