రాష్ట్రీయం
భారీ ఏర్పాట్లు.. హాజరు కానున్న హేమాహేమీలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 21: సీపీఎం పార్టీ జాతీయ మహాసభల ముగింపు సందర్భంగా ఆదివారం భారీ బహిరంగ సభను నిర్వహించనున్నారు. ఈనెల 18న పా ర్టీ సీనియర్ నాయకులు మల్లు స్వరాజ్యం జెండా ఆవిష్కరణతో ప్రారంభమైన మహాసభలు ఆదివారం జరిగే బహిరంగ సభతో ముగియనున్నాయి. జాతీయ మహాసభల సందర్భంగా సరూర్‌నగర్ స్టేడియంలో అట్టహాసం గా నిర్వహించనున్న సభ ఏర్పాట్లను శనివారం పార్టీ రాష్ట్ర కార్యదర్శి తమ్మినేని వీరభద్రం, రాష్ట్ర కార్యదర్శి వర్గ సభ్యులు నంద్యాల నర్సింహారెడ్డి, డిజి నర్సింహారావులు పరిశీలించారు. తెలుగు రాష్ట్రాల నుంచే కాక దేశంలోని వివిధ జిల్లాల నుంచి వేలాదిగా పార్టీ కార్యకర్తలు తరలివచ్చే అవకాశం ఉండటంతో భారీగా ఏర్పాట్లు చేస్తున్నారు. సుమారు 10వేల మంది కూర్చునేందుకు సీట్ల ఏర్పాటుతో పాటు ప్రత్యేకంగా కార్పెట్లను సిద్ధం చేశారు. బహిరంగ సభను వీక్షించేందుకు సభా ప్రాంగణంలో ఆరు ఎల్‌ఇడీ స్క్రీన్లు, ఎల్బీనగర్ చౌరస్తా వరకు మరో ఆరు ఎల్‌ఇడీ స్కీన్లను ఏర్పాటు చేస్తున్నారు.
అలరించనున్న సాంస్కృతిక కార్యక్రమాలు...
సీపీఎం పార్టీ బహిరంగ సభ సందర్భంగా సాంస్కృతిక కార్యక్రమాలు ఎంతగానో ఆలరించనున్నాయి. సుమారు 700 మంది కళాకారులు సభ విజయవంతానికి గ్రామ గ్రామాన ఇప్పటికే కార్యక్రమాలను నిర్వహించారు. బహిరంగ సభ సందర్భంగా ఉద్యమ గీతాలతో ఆ ప్రాంతం మొత్తం దద్దరిల్లేలా ప్రత్యేక గీతాలను రూపొందించారు పార్టీ కాళాకారుల విభాగం.
రెడ్‌షర్ట్స్ కవాతు..
బహిరంగ సభకు ముందు సుమారు ఐదు వందల మంది వరకు రెడ్‌షర్ట్స్‌తో కవాతు నిర్వహించనున్నారు. మధ్యాహ్నాం 3 గంటలకు మలక్‌పేట నుంచి రెడ్‌షర్ట్స్ వాలంటీర్లు రోడ్డుపై కవాతు చేస్తూ సరూర్‌నగర్ స్టేడియంలో ఏర్పాటు చేసిన సభా వేదిక వద్దకు చేరుకుంటారు. అనంతరం ఐదు గంటలకు మహాసభను ప్రారంభించే విధంగా సన్నాహాలు చేస్తున్నారు. ఈ సభలో పార్టీ ప్రధాన కార్యదర్శి సీతారాం ఏచూరితో పాటు పొలిట్‌బ్యూరో సభ్యులు ప్రకాష్ కారత్, బృందా కారత్, కేరళ ముఖ్యమంత్రి విజయన్, త్రిపుర మాజీ ముఖ్యమంత్రి మాణిక్ సర్కార్, బీవీ.రాఘవులు, తమ్మినేని తదితర పార్టీ ముఖ్యనేతలు పాల్గొని ప్రసంగించనున్నారు.
భద్రత కట్టుదిట్టం..
సరూర్‌నగర్ స్టేడియంలో సీపీఎం భారీ బహిరంగ సభను పురస్కరించుకొని పోలీసులు భద్రతను కట్టుదిట్టం చేస్తున్నారు. సభకు జాతీయ స్థాయిలో ముఖ్య నేతలతో పాటు భారీగా ప్రతినిధులు, కార్యకర్తలు తరలివస్తున్న నేపథ్యంలో వందలాది మంది పోలీసులతో బందోబస్తు నిర్వహించనున్నారు. పోలీసులతో పాటు పార్టీ శిక్షణ ఇచ్చిన సుమారు 1000 మంది వాలెంటీర్లు భద్రత విధులను నిర్వహించనున్నారు.
చిత్రం..శనివారం జరిగిన సిపీఎం జాతీయ మహాసభల్లో ప్రదర్శన ఇస్తున్న కళాకారులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.