రాష్ట్రీయం
ప్రతి ఇంటికీ నల్లా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 22: ప్రతి ఇంటికీ నల్లా ద్వారా సురక్షిత మంచి నీరు ఇవ్వలేకపోతే వచ్చే సార్వత్రిక ఎన్నికల్లో ఓట్లు అడగబోమని చెప్పిన మాటకు కట్టుబడి మిషన్ భగీరథ పనులను అనుకున్న విధంగా పూర్తి చేస్తున్నామని ముఖ్యమంత్రి కే. చంద్రశేఖర్ రావు తెలిపారు. మిషన్ భగీరథ పనులపై ఆదివారం ప్రగతి భవన్‌లో ముఖ్యమంత్రి కేసీఆర్ సమీక్ష నిర్వహించారు. జిల్లాల వారీగా, సెగ్మెంట్ల వారీగా పనుల పురోగతిని అధికారులను అడిగి తెలుసుకున్నారు. సమావేశంలో మిషన్ భగీరథ వైస్ చైర్మన్ వేముల ప్రశాంత్ రెడ్డి, ఎంపీలు గుత్తా సుఖేందర్ రెడ్డి, మల్లారెడ్డి, ఆర్‌డబ్ల్యుస్ ఇఎన్‌సి సురేందర్ రెడ్డి, సలహాదారు జ్ఞానేశ్వర్, సిఈలు, ఇతర ఉన్నతాధికారులు, వర్కింగ్ ఏజెన్సీల ప్రతినిధులు పాల్గొన్నారు. ఈ సందర్భంగా ముఖ్యమంత్రి కేసీఆర్ మాట్లాడుతూ మెయిన్ గ్రిడ్ పనులు 95 శాతం పూర్తయ్యాయని, మొత్తం ప్రాజెక్టు 75 శాతం పూర్తయ్యిందన్నారు. గ్రామాల్లో అంతర్గత పైపులైన్ల నిర్మాణం చేపట్టి నల్లాలు బిగించే పనులు పురోగతిలో ఉన్నాయన్నారు. వచ్చే అసెంబ్లీ ఎన్నికలకు నాలుగైదు నెలలకు ముందే మిషన్ భగీరథ పథకాన్ని పూర్తి చేసి ప్రతి ఇంటికీ మంచి నీటి సరఫరా చేయనున్నట్లు వివరించారు. ఫ్లోరైడ్ బాధిత ప్రాంతాలకు, ఏజెన్సీ ప్రాంతాలు ఉన్న జిల్లాలకు ప్రత్యేక కార్యాచరణ రూపొందించుకుని అమలు చేయాలని ఆయన సూచించారు. మిషన్ భగీరథలో ప్రధానమైన పనులు పూర్తయ్యాయని, ఇన్‌టేక్ వెల్స్, వాటర్ ట్రీట్మెంట్ ప్లాంట్లు, పైపులైన్లు, పంపు సెట్లతో కూడిన మెయిన్ గ్రిడ్ పనులు 95 శాతం పూర్తయ్యాయని, గ్రామాల్లో అంతర్గత పనులు పురోగతిలో ఉన్నాయని అన్నారు. మిషన్ భగీరథ ప్రాజెక్టు పనిలో 75 శాతం పూర్తయ్యిందన్నారు. ఇప్పటికే చాలా గ్రామాలకు నీరు అందుతున్నదని, కొన్ని నియోజకవర్గాల్లో ఇంటింటికీ నల్లా ద్వారా కూడా నీరందిస్తున్నట్లు ఆయన చెప్పారు. వచ్చే నెల చివరి నాటికి ప్రతి గ్రామానికి నీరు అందాలన్నారు. బల్క్ సప్లయి చేసే సందర్భంలో తలెత్తే సమస్యలను జూన్ 10 నాటికి పరిష్కరించాలని, గ్రామాల్లో అంతర్గత పనులను కూడా సమాంతరంగా నిర్వహించాలని ఆయన సూచించారు.
దసరా నాటికి అంతర్గత పనులు పూర్తి చేయాలన్న గడువు విధించుకుని యుద్ధ ప్రాతిపదికన పనులు పూర్తి చేయాలని, గ్రామాల్లో వేయడానికి కావాల్సిన పైపు లైన్లు, నల్లా పైపులు, నల్లాలు, ఇతర పరికరాలను ముందే సేకరించి పెట్టుకోవాలని ఆయన తెలిపారు. దసరా నాటికి పనులు పూర్తి చేసి ఏమైనా సమస్యలు తలెత్తితే వాటిని పరిష్కరించుకోవాలని, డిసెంబర్‌లోగా వందకు వంద శాతం మిషన్ భగీరథ ప్రాజెక్టు పూర్తయి గ్రామాల్లోని అన్ని ఇళ్ళకు స్వచ్చమైన మంచి నీరు అందించాలని ఆదేశించారు. దీని ద్వారా వచ్చే ఎన్నికలలోగా ప్రతి ఇంటికీ నల్లా ద్వారా స్వచ్చమైన మంచి నీరు అందించకపోతే ఓట్లు అడగేది లేదని తీసుకున్న సవాల్‌ను విజయవంతంగా అమలు చేసిన వాళ్లమవుతామని ముఖ్యమంత్రి అభిప్రాయపడ్డారు. ఫ్లోరైడ్, గిరిజన ప్రాంతాలకు ప్రత్యేక కార్యాచరణ రూపొందించి అమలు చేయాలని కేసీఆర్ అధికారులను ఆదేశించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.