రాష్ట్రీయం
పవన్ కళ్యాణ్‌పై ఎఫ్‌ఐఆర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 26: ప్రముఖ సినీనటుడు, జనసేన అధినేత పవన్‌కళ్యాణ్‌పై బంజారాహిల్స్ పోలీసు స్టేషన్‌లో కేసు నమోదైంది. పవన్ అభిమానులు టీవీ 9 కార్యాలయానికి ఫోన్‌చేసి ఆ ఛానల్ సీఈవో రవిప్రకాష్‌ను ఉద్దేశించి ఇష్టానుసారంగా దూషిస్తున్నారంటూ ఈ నెల 21వ తేదీన తెలంగాణ వర్కింగ్ జర్నలిస్టుల యూనియన్ తరఫున గుండేపల్లి రాజేష్ ఫిర్యాదు చేశారు. అనంతరం కేసు దర్యాప్తు జరిపిన బంజారాహిల్స్ పోలీసులు వివిధ సెక్షన్ల కింద పవన్‌కళ్యాణ్‌పై కేసులు నమోదు చేశారు. సెక్షన్ 469, 504, 506 సెక్షన్ల కింద ఎఫ్‌ఐఆర్ (367/2018)ను నమోదు చేశారు. పవన్ తన ట్విట్టర్‌లో పెట్టిన కామెంట్లు, మీడియా కథనాలను వక్రీకరించి అప్‌లోడ్ చేసిన దృశ్యాలను రాజేష్ పోలీసులకు అందించారు. రవిప్రకాష్‌తో పాటు ఇతర ఉద్యోగులను దూషించిన ఆడియోలను కూడా సమర్పించారు. ఈ ఆధారాలను పరిశీలించిన మీదట కేసు నమోదుచేసినట్టు బంజారాహిల్స్ ఎస్‌ఐ పి దాలినాయుడు తెలిపారు. ప్రాధమిక ఆధారాలతో కేసు నమోదుచేశామని, ఈ కేసును మరింత లోతుగా అధ్యయనం చేయాల్సి ఉందని ఆయన పేర్కొన్నారు. టీవీ9, ఎబిన్, టీవీ5, టీవీ9 సీఈవో రవిప్రకాష్ పట్ల తప్పుడు పత్రాలతో ఆయా సంస్థల, వ్యక్తుల ప్రతిష్టను దిగజార్చేందుకు పవన్‌కళ్యాణ్ ,అతని బృందం, అనుచరులు, జనసేన కార్యకర్తలు ప్రయత్నించారని గుండేపల్లి రాజేష్ తన ఫిర్యాదులో పేర్కొన్నారు. ఆడియో, వీడియోలను సాంకేతికతతో మార్చి అసలు వీడియోలు మాదిరి వాటిని ట్విట్టర్ ఇతర సామాజిక మాద్యమల్లో ఉంచారని పేర్కొన్నారు. కొన్ని పదాలు టీవీ 9 ప్రసారం చేసిన కార్యక్రమాల్లో లేకున్నా వాటిని చేర్చి అసలు వీడియో అనుకునేలా దానిని ప్రసారం చేశారని ఫిర్యాదులో పేర్కొన్నారు. టీవీ9 కార్యాలయానికి పవన్ అనుచరులు, జనసేన కార్యకర్తలు ఫోన్ చేసి తీవ్రమైన అసభ్య పదజాలంతో తిడుతున్నారని తన ఫిర్యాదులో వివరించారు. ఈ మేరకు నాంపల్లి మూడో అదనపు చీఫ్ మెట్రోపాలిటన్ మెజిస్ట్రేట్ కోర్టులో ఎఫ్‌ఐఆర్ దాఖలు చేసినట్టు పోలీసులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.