రాష్ట్రీయం
ఎస్టీల అణచివేతకు కుట్ర
S ,7 à 8 RSCA (si SASPAS) et 6 cialis pharmacie cialis rapports de stage.
కామారెడ్డి, మే 1: కేసీఆర్ పాలనలో గిరిజనుల భూములు లాక్కొని వారిని అణిచివేతకు గురిచేస్తున్నారని టీపీసీసీ అధ్యక్షుడు ఉత్తమ్‌కుమార్‌రెడ్డి ఆగ్రహం వ్యక్తం చేశారు. మంగళవారం కామారెడ్డి జిల్లా కేంద్రంలోని టీఎంఆర్ గార్డెన్స్‌లో ఏర్పాటు చేసిన చలో కామారెడ్డి గిరిజన కాంగ్రెస్ సదస్సులో ఉత్తమ్ మాట్లాడారు. తెలంగాణ ఆవిర్భావంతో ప్రతి తండాల్లో అభివృద్ధి జరుగుతుందని ఆశించిన గిరిజనులు కలలు కల్లలయ్యాయన్నారు. మాయమాటలు చెప్పి గిరిజనుల జీవితాల్లో తెలంగాణ సర్కార్ చీకటి నింపిందని ఆరోపించారు. ఆరు శాతం ఉన్న రిజర్వేషన్‌ను 12 శాతం చేస్తానని బూటకపు హామీలతో మోసం చేశారని ఆరోపించారు. రాజకీయ నేతల్లో కేసీఆర్ అంతటి మోసగాడు ఎవరూ ఉండరని, ఇకముందూ ఎవరూ ఉండరన్నారు. గిరిజనుల భూములు లాక్కోవడానికి కేసీఆర్ ప్రభుత్వం కుట్ర పన్నుతుందన్నారు. గిరిజనులకు మూడెకరాల భూమి ఇస్తానని కేసీఆర్, ఎవరికిచ్చారో చూపించాలన్నారు. పంటలు పండించిన రైతులకు సంకేళ్లు వేసిన ఘనత తెరాస సర్కాకే దక్కుతుందన్నారు. గిరిజనులకు ఇళ్లు కట్టించిన ఘనత కాంగ్రెస్‌కే దక్కుతుందన్నారు. కాంగ్రెస్ అధికారంలోకి వస్తే గిరిజన రైతులకు 2 లక్షల రుణమాఫీ చేస్తామన్నారు. గిరిజనులు పండించే పంటకు గిట్టుబాటు ధర కల్పించనున్నామని, వరి, మొక్కజొన్న, సజ్జ పంటకు కనీస మద్దతు ధర 2 వేల కంటే ఎక్కువ, పత్తికి 6 వేల కంటే ఎక్కువ, మిర్చి, పసుపుకు 10 వేల కంటే ఎక్కువ, పప్పు్ధన్యాలకు 7 వేలకు పైగా ధర కల్పించి ఆదుకుంటామన్నారు. మహిళా సంఘాలకు బ్యాంక్ రుణాలు, వడ్డీమాఫీ, అభయహస్తం, పెన్షన్‌లను గత ప్రభుత్వం అందజేస్తే కేసీఆర్ ప్రభుత్వం అడ్డుకుందన్నారు. కాంగ్రెస్ ప్రభుత్వం అధికారంలో వచ్చిన వెంటనే అభయహస్తంలో వెయ్యి రూపాయలు పెంచుతామన్నారు. కేసీఆర్‌కు ప్రజలే తగిన బుద్ధి చెబుతారని, ఆ రోజు ఎంతో దూరంలో లేదన్నారు. శాసనసభ ప్రతిపక్షనేత నేత కే. జానారెడ్డి, మాజీ స్పీకర్ సురేష్‌రెడ్డి, శాసనమండలి ప్రతిపక్షనేత షబ్బీర్ ఆలీ, మాజీ కేంద్రమంత్రి బలరాంనాయక్, మాజీ ఎమ్మెల్సీ ఆకుల లలిత తదితరులు మాట్లాడారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.