రాష్ట్రీయం
పరివర్తనకే ఫ్రంట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 2: ‘కొంతమంది తెలిసో, తెలియకో 2019 ఎన్నికల్లో అధికారం కోసమో, పదవుల కోసమో ఏర్పాటు చేస్తున్న ఫ్రంట్‌గా భావిస్తున్నారు. దీన్ని చిల్లర రాజకీయాల కోణంలో కాకుండా దేశ హితం కోరి చేస్తోన్న ప్రయత్నంగా చూడాలి’ అని తెరాస అధినేత, సీఎం కల్వకుంట్ల చంద్రశేఖర్‌రావు అన్నారు. తమ ప్రయత్నాన్ని మీడియా థర్డ్ ఫ్రంట్, ఫోర్త్ ఫ్రంట్‌గా అభివర్ణించడం సరికాదని హితవు పలికారు. తొందర, తత్తరపాటు ఎందుకు? రెండు, మూడు నెలలు ఆగితే స్పష్టమైన విధానంతో ఫ్రంట్‌ను ప్రజల ముందుకు తీసుకొస్తామని వెల్లడించారు. ప్రగతి భవన్‌లో బుధవారం సమాజ్‌వాది అధినేత, మాజీ సీఎం అఖిలేష్ యాదవ్‌తో తన నేతృత్వంలో ఏర్పాటు కాబోతున్న ఫ్రంట్‌పై చర్చల అనంతరం కేసీఆర్ మీడియాతో మాట్లాడారు. దేశ రాజకీయ ప్రక్రియలో గుణాత్మక మార్పు తీసుకరావాలంటే ఎంతో ప్రయాసతో కూడుకుంది తప్ప ఆషామాషీ వ్యవహారం కాదన్నారు. ఎంతో శ్రమతో కూడుకుందన్నారు. ఇంకా ఎన్నో పార్టీలను కలవాల్సి ఉందని, అందరితో మాట్లాడి ఒప్పించాల్సి ఉంటుందన్నారు. ఇది ఏ ఒక్కరో చేసే పనికాదన్నారు. తమ ప్రయత్నానికి ఇది ప్రారంభం మాత్రమేనని, ఇంకా ఎలా ముందుకు వెళ్లాలి, ఏ చేయాలి అనే దానిపై చాలా మందితో చర్చించాల్సి ఉందన్నారు. ఈ ప్రయత్నాల్లో ఎవరు కూడా తమకు అంటరాని వారులేరన్నారు. అందరితో చర్చించిన తర్వాతనే పూర్తిస్థాయి ఎజెండాతో రెండు, మూడు నెలల్లో ప్రజల ముందుకు వస్తామన్నారు. అప్పటి దాకా వేచి చూడాలని, తొందరపడి దీనిని మూడవ ఫ్రంట్, నాలుగవ ఫ్రంట్‌గా అభివర్ణించవద్దని మీడియాకు కేసీఆర్ సూచించారు. మున్ముందు తాను జాతీయ రాజకీయాల్లో క్రియాశీలక పాత్ర పోషించబోతున్నానని అన్నారు. దేశానికి స్వాతంత్రం వచ్చి 70 ఏళ్లు గడిచిన ప్రజల ఆకాంక్షలు నెరవేరలేదన్నారు. రెండు, మూడు దశాబ్దాల కిందట భారతదేశాని కంటే ఎంతో వెనుకబడి ఉన్న చైనా, కొరియా, సింగపూర్, మలేషియా ప్రస్తుతం ఎంతో ఆర్థికాభివృద్ధి సాధించగలిగాయన్నారు. అన్ని వనరులు ఉండి కూడా భారత్ ఎందుకు వెనుకబడడానికి గత ప్రభుత్వాలు కారణం కాదా? అని కేసీఆర్ ప్రశ్నించారు. ఈ నేపథ్యంలో దేశ రాజకీయాల్లో గుణాత్మక మార్పు తీసుకరావాలన్న ఆలోచనలోంచి జనించిందే ఫ్రంట్ అన్నారు. సిలికాన్ వ్యాలీలో మన దేశ యువత ఎంతో రాణిస్తునప్పుడు, ఇక్కడేందుకు వారి శక్తిని వినియోగించుకోవడం లేదన్నారు. దేశ రాజకీయాల్లో గుణాత్మక మార్పు, పరివర్తనను తీసుకరావడానికి నెల రోజులుగా తన ప్రయత్నాలు కొనసాగుతున్నాయన్నారు. దీంట్లో భాగంగానే కోల్‌కత్తా వెళ్లి మమత బెనర్జీతో, బెంగళూరు వెళ్లి దేవెగౌడతో, చెన్నై వెళ్లి డిఎంకేతో చర్చించిన సారాంశాన్ని ఎప్పటికప్పుడు అఖిలేష్‌తో పంచుకుంటున్నట్టు కేసీఆర్ వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.