రాష్ట్రీయం
అందులో ఏముందో ఏమిటో!
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు: రాష్ట్రప్రభుత్వం ఫైనల్ మాస్టర్‌ప్లాన్‌లో రాజధాని రైతులు కోరిన విధంగా మార్పులు, చేర్పులు చేపట్టి రూపొందించినట్లు మంత్రి నారాయణ ప్రకటించిన నేపథ్యంలో మంగళవారం 29 గ్రామాల రైతులు ఇంటర్నెట్‌కు అతుక్కుపోయారు. సిఆర్‌డిఎ వెబ్‌సైట్‌లో మాస్టర్‌ప్లాన్ అప్‌లోడ్ చేసి ఉంటారని భావించిన రైతులు క్షుణ్ణంగా పరిశీలించారు. మాస్టర్‌ప్లాన్ ఆనవాళ్లు ఇంటర్నేట్‌లో కనిపించక పోవటంతో కొందరు రైతులు హుటాహుటిన విజయవాడ సిఆర్‌డిఎ ప్రధాన కార్యాయాన్ని ఆశ్రయించగా, మరికొందరు తుళ్లూరు ప్రాంతీయ కార్యాలయం వద్దకు వెళ్లి సమాచారం తెలుసుకునేందుకు ప్రయత్నించారు. అయితే ఫైనల్ మాస్టర్‌ప్లాన్‌లో మరి కొన్ని మార్పులు చేయాల్సి ఉన్న దృష్ట్యా రెండు రోజుల వరకు రైతుల ముందుకు వచ్చే అవకాశం లేదని విజయవాడ సిఆర్‌డిఎ అధికారులు వెల్లడించారని రైతులు చెబుతున్నారు. రాష్ట్రప్రభుత్వం ఇటీవల ప్రకటించిన మాస్టర్‌ప్లాన్ 29 గ్రామాల్లో ప్రకంపనలు సృష్టించింది. దీంతో మంత్రుల ఎదుట ప్రజలు తమ అభ్యంతరాలను తీవ్రంగా వ్యక్తం చేశారు. మంగళగిరి మండలం కృష్ణాయపాలెం రైతులు సిఆర్‌డిఎ అధికారులను, మంత్రులను ఒత్తిడి చేయటంతో అప్పటికప్పుడు మాస్టర్‌ప్లాన్‌లో మార్పులు చేపట్టారు. గ్రామంలో ఉన్న అంతర్గత రహదారిని మార్పు చేస్తూ మాస్టర్‌ప్లాన్‌లో మార్పు చేసి చూపించిన తరువాతనే రైతులు శాంతించారు. అయితే ఫైనల్ మాస్టర్‌ప్లాన్ చూసిన తరువాతనే తమ అభిప్రాయాలను వ్యక్తం చేస్తామని రైతులు చెబుతున్నారు. మంత్రి నారాయణ మాట్లాడుతూ గతంలో 3,600 గృహాలను తొలగించాల్సిన పరిస్థితి ఉందని, రైతుల నుంచి పెద్దఎత్తున అభ్యంతరాలు వ్యక్తమైన కారణంగా కేవలం 360 నుంచి 400 గృహాలు మాత్రమే తొలగించే విధంగా మార్పులు చేసినట్లు ప్రకటించారు. రైతులు మాత్రం స్వయంగా మాస్టర్‌ప్లాన్ చూసిన తరువాత మాత్రమే స్పందిస్తామంటున్నారు. గతంలో 6 గ్రామాల్లో గృహాలను తొలగించాల్సి పరిస్థితి ఉండగా, ప్రస్తుతం మూడు గ్రామాలకు మాత్రమే పరిమితం చేసినట్లు అధికారులు వెల్లడిస్తున్నారు. తుళ్లూరు, ఐనవోలు, నేలపాడు గ్రామాల్లో మాత్రమే గృహాలు తొలగించాల్సిన పరిస్థితి ఉందని, మిగిలిన గ్రామాల్లో యథాతథంగా ఉంటాయని పేర్కొంటున్నారు. కేంద్రరాజధాని ప్రాంతమైన ఉద్దండరాయునిపాలెం, తాళ్లాయిపాలెంలో మాస్టర్‌ప్లాన్ చూసిన తరువాత మాత్రమే అర్థమవుతుందని రైతులు వ్యాఖ్యానిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.