రాష్ట్రీయం
జెండానే అజెండా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 10: సముద్రం ఒకరి కాళ్ల దగ్గరకి వచ్చి గర్జించదని జనసేన అధినేత పవన్‌కళ్యాణ్ పేర్కొన్నారు. హైదరాబాద్ ఎన్టీఆర్ స్టేడియంలో ప్రపంచంలోనే అతిపెద్ద జాతీయ పతాకాన్ని ఆవిష్కరించిన అనంతరం ఆవేశంగా మాట్లాడిన పవన్ పవన్ పర్వతం ఎవరికీ ఒంగి సలాం చేయదన్నారు. ‘మనమంతా కలిసి పిడికెడు మట్టే కావచ్చు. కానీ జెండా ఎత్తితే ఉవ్వెత్తున ఎగిసిపడే ధైర్యం, దేశాన్ని ముందుకు తీసుకువెళ్లగలిగే ఆత్మగౌరవం రెపరెపలాడుతుంటాయి’ అని పవన్ అన్నారు. జాతీయ జెండాలో ఉన్న రంగులు మతాలకు ప్రాతినిధ్యం కానేకాదని,కుల మతాల మధ్య చిచ్చుపెట్టే సంస్కృతి పోవాలని అన్నారు. యువతలో విద్యార్ధుల్లో దేశభక్తి నిండా ఉందని చెబుతూ వారితో జాతీయ సమైక్యతా ప్రమాణం చేయించారు. జాతీయ పతాకం సమగ్రత , సమైక్యతలకు సూచికగా నిలుస్తుందని ఉద్ఘాటించిన పవన్ నాయకులు జాతీయ సమైక్యతను మరచినా, యువత , విద్యార్థులు ఆ దిశగా ప్రతిజ్ఞ తీసుకున్నారని అన్నారు. తొలి స్వాతంత్య్ర పోరాటాన్ని స్మరించుకుంటూ ఈ కార్యక్రమాన్ని నిర్వహించారు. ఈ వేడుకల్లో పవన్ పాల్గొంటున్నారని తెలుసుకున్న యువకులు వేలల్లో తరలి వచ్చారు. జాతీయ పతాకంలో కాషాయం, తెలుపు, ఆకుపచ్చ రంగులు
అశోక చక్రం ఇవన్నీ మన జాతి సమగ్రతకు, సమైక్యతకు నిదర్శనం అని వ్యాఖ్యానించారు. సర్వేపల్లి రాధాకృష్ణన్ చెప్పినట్టు జాతీయ జెండా ఏ కులానికో సంబంధించింది కాదని అన్నారు. కాషాయం అంటే హిందూ మతానికి సూచిక కాదని, ఆ రంగు మన రాజకీయ వ్యవస్థ, నాయకులు ఎలా ఉండాలో చెబుతుందని అన్నారు. కాషాయం కట్టిన వాళ్లు సర్వసంగ పరిత్యాగులుగా, స్వలాభం లేకుండా ఉంటారని అన్నారు. మన నాయకులు కూడా అలాగే ఉండాలని చెప్పారు. మన జండా దేశం కోసం త్యాగాలు చేసిన వారిని, స్వలాభం లేకుండా పనిచేసిన వారిని గుర్తుచేస్తుందని అన్నారు. యువత ముందుకు వచ్చి ఈ వేడుకలను నిర్వహించడం ఆనందంగా ఉందని అన్నారు. భారతీయుడినైన నేను...్భరత దేశ పౌరుడిగా పుట్టినందుకు గర్వపడుతున్నానని అంటూ సమైక్యతా ప్రమాణం చేయించారు. ఈ దేశ వారసత్వ సంపదను పరిరక్షిస్తూ, ప్రకృతికి నష్టం కలిగించకుండా పర్యావరణాన్ని కాపాడుతూ అనునిత్యం దేశ ప్రజలకై పరితపిస్తూ, మన అక్క చెల్లెళ్లనీ, ఆడపడుచుల పట్ల పేగుబంధంతో కాపాడుతామని, చట్టాలను గౌరవిస్తూ, కుల మత ప్రాంత వర్గ విబేధాలకు తావులేకుండా దేశ ప్రయోజనాలే పరమావధిగా భావిస్తానని జండా సాక్షిగా ప్రమాణం చేస్తున్నానని పవన్ పేర్కోన్నారు. ఈ కార్యక్రమంలో వైబ్రంట్స్ ఆఫ్ కలామ్ సంస్థ వ్యవస్థాపకుడు విజయ్ కలామ్ కూడా పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.