రాష్ట్రీయం
మళ్లీ చర్చించండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 11: ఉద్యోగ, ఉపాధ్యాయ సంఘాలతో 14న జరగాల్సిన ముఖ్యమంత్రి కేసీఆర్ సమావేశం 16కు వాయిదా పడింది. ఉద్యోగుల, ఉపాధ్యాయుల డిమాండ్లపై మంత్రివర్గ ఉప సంఘం ఇచ్చిన నివేదికపై వారితో 14న చర్చించి ప్రభుత్వ
నిర్ణయాలను ప్రకటించనున్నట్టు కేసీఆర్ ప్రకటించిన విషయం తెలిసిందే. అయితే తాజాగా ఆర్టీసి కార్మికులు కూడా ప్రభుత్వానికి సమ్మె నోటీసు ఇవ్వడంతో వారితో కూడా చర్చించేందుకు వీలుగా సమావేశాన్ని రెండు రోజుల పాటు ముఖ్యమంత్రి వాయిదా వేసారు. అలాగే ఆర్టీసీ కార్మికుల డిమాండ్లపై కూడా నిర్ణయం తీసుకోవాల్సి ఉండటంతో మంత్రివర్గ ఉప సంఘంలో రవాణాశాఖ మంత్రి మహేందర్‌రెడ్డిని కూడా చేర్చించినట్టు కేసీఆర్ తెలిపారు. ఉద్యోగుల డిమాండ్లపై ఆర్థిక మంత్రి ఈటల రాజేందర్ నేతృత్వంలో ఏర్పాటు చేసిన మంత్రివర్గ ఉప సంఘం శుక్రవారం సాయంత్రం తన నివేదికను ప్రగతి భవన్‌వో సిఎంకు సమర్పించింది. ఈ నివేదికపై అప్పటికప్పుడు ప్రభుత్వ ప్రధాన కార్యదర్శి ఎస్‌కె జోషి, ఆర్థికశాఖ కార్యదర్శి రామకృష్ణారావు, సిఎంఓ ముఖ్య కార్యదర్శి నర్సింగ్‌రావుతో ముఖ్యమంత్రి చర్చించారు. ఉద్యోగులతో మళ్లీ చర్చలు జరిపి, వారి డిమాండ్లపై అధ్యయనం చేయాలని మంత్రివర్గ ఉప సంఘాన్ని తిరిగి ఆదేశించారు. ఆ తర్వాత ఈ నెల 16న ఉద్యోగులు, ఉపాధ్యాయులు, ఆర్టీసి కార్మికులతో సమావేశమై అదే రోజు ప్రభుత్వ నిర్ణయాలను ప్రకటించనున్నట్టు సిఎం తెలిపారు. వేతన సవరణ సంఘం నివేదిక ఇవ్వడానికి గతంలో మాదిరిగా ఎక్కువ సమయాన్ని తీసుకునే విధానానికి స్వస్తి పలికి త్వరగా నివేదిక ఇచ్చే విధంగా వ్యూహాన్ని ఖరారు చేయాల్సిందిగా అధికారులను సిఎం కేసీఆర్ ఆదేశించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.