రాష్ట్రీయం
వివాదం సమసిందా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 23: కాంగ్రెస్ సీనియర్ నాయకుడు, ఎమ్మెల్యే కోమటిరెడ్డి వెంకటరెడ్డి జన్మదినం సందర్భంగా సీఎం కేసీఆర్ శుభాకాంక్షలు తెలుపుతూ ఎమ్మెల్యేగా సంభోదించటం సంచలనమైంది. సీఎం లెటర్‌హెడ్‌పై శుభాకాంక్షలు తెలుపుతూ కోమటిరెడ్డి పక్కన ఎమ్మెల్యే అని రాయడం కాంగ్రెస్‌లో చర్చనీయాంశమైంది. మార్చిలో జరిగిన కౌన్సిల్, అసెంబ్లీ సమావేశాల్లో గవర్నర్ నరసింహన్ పట్ల దురుసుగా ప్రవర్తించి కౌన్సిల్ చైర్మన్ కె. స్వామిగౌడ్‌ను గాయపర్చారన్న అభియోగాలపై కోమటిరెడ్డి, సంపత్‌ల సభ్యత్వాలను రద్దు చేస్తూ అసెంబ్లీ తీర్మానం చేయడం తెలిసిందే. దీంతో ఇద్దరు ఎమ్మెల్యేలు హైకోర్టులో ఛాలెంజ్ చేయడం, హైకోర్టు అడిగిన వీడియో క్లిప్పింగ్‌లను ప్రభుత్వం అందజేయకపోవడం, గవర్నర్ ప్రసంగించే రోజు సభ స్పీకర్ పరిథిలో ఉండదన్న పిటీషనర్ వాదనతో కోర్టు ఏకీభవించి వారి సభ్యత్వాల రద్దు చెల్లదని తీర్పు ఇచ్చింది. అయినా ఆ కథ సుఖాంతం కాలేదని, వచ్చే అసెంబ్లీ సమావేశాల్లో వారిని సభలో కాలు పెట్టనివ్వరన్న వదంతి ఉంది. ఇలాఉండగా కోమటిరెడ్డి జన్మదినాన్ని పురస్కరించుకుని సీఎం కేసీఆర్ ఆయనకు శుభాకాంక్షలు తెలుపుతూ పంపించిన లేఖలో ఎమ్మెల్యే అని పేర్కొనడంతో కథ సుఖాంతమైనట్లేనా? అని కాంగ్రెస్ శ్రేణుల్లో చర్చ జరుగుతున్నది. కోమటిరెడ్డి బుధవారం తన నివాసంలో మీడియాతో మాట్లాడుతూ సీఎం పంపించిన జన్మదిన శుభాకాంక్షల లేఖను చూపించారు. లేఖలో తనను ఎమ్మెల్యేగా పేర్కొన్నందున, ఆ మేరకు సౌకర్యాలన్నింటినీ తక్షణం కల్పించాలని కోరారు. తాను 30 ఏళ్లుగా పార్టీలోవుంటూ ఎప్పుడూ ఏ పదవీ ఆశించలేదన్నారు. ఇటీవల తమ పార్టీలో చేరిన ఎమ్మెల్యే ఎ. రేవంత్ రెడ్డి అప్పుడే పదవుల గురించి మాట్లాడటం సమంజసం కాదన్నారు. కేసీఆర్ మరోసారి సీఎం అయితే మనల్ని భిక్షగాళ్ళు చేస్తారని హెచ్చరించారు. తనకు ఏ పదవీ వద్దనీ కేసీఆర్‌ను గద్దె దించడమే లక్ష్యమని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.