రాష్ట్రీయం
సోదరుడి వరుస.. అయనా..!
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, మే 25: అత్యాచారాలు, లైంగిక వేధింపుల కేసులకు గుంటూరు జిల్లా దాచేపల్లి కేంద్రంగా మారుతోంది. ఇటీవల వరుస అత్యాచారాలతో ఆందోళనలు అట్టుడికిన నేపథ్యంలో తాజాగా జెడ్పీటీసీ తనను లైంగిక వేధింపులకు గురి చేస్తున్నాడని ఓ బాధితురాలు జిల్లా రూరల్ ఎస్‌పి సిహెచ్ వెంకటప్పల నాయుడు, మంత్రుల వద్ద వాపోయింది. సోదరి వరుస అయిన తనను దాచేపల్లి జెడ్పీటీసీ ప్రకాష్‌రెడ్డి లైంగికంగా వేధిస్తున్నాడని ముత్యాలంపాడుకు చెందిన మహిళ మీడియా ఎదుట ఆరోపించింది. భర్త చనిపోయినప్పటి నుండి ఆస్తి పంపకాల్లో జెడ్పీటీసీ తలదూర్చి తనను మానసికంగా, శారీరకంగా హింసిస్తున్నాడని ఆరోపించింది. పొలం పాస్ పుస్తకాలు రాకుండా రెవెన్యూ సిబ్బందితో కలిసి ప్రకాష్‌రెడ్డి అడ్డుకుంటున్నాడని, అదేమని ప్రశ్నిస్తే కోరిక తీర్చాలని వేధిస్తున్నట్లు ఫిర్యాదు చేసింది. దాచేపల్లి పోలీసుస్టేషన్‌లో ఫిర్యాదు చేయడంతో తనపై మాజీ మావోయిస్టు నర్సిరెడ్డి అనుచరులతో ప్రకాష్‌రెడ్డి దాడి చేయించారని ఎస్‌పికి ఇచ్చిన ఫిర్యాదులో పేర్కొంది. తనకు, తన కుటుంబానికి న్యాయం చేయాలని కోరింది. తనకు 2001వ సంవత్సరంలో ముత్యాలంపాడు గ్రామానికి చెందిన వ్యక్తితో వివాహం జరిగిందని, అయితే 2006 సంవత్సరంలో తన భర్త క్యాన్సర్ వ్యాధితో మరణించినట్లు తెలిపింది. భర్త ద్వారా ఐదు ఎకరాల భూమి, ఇంటి స్థలం తన వంతుగా వచ్చాయని, గ్రామపెద్దగా ఉన్న జెడ్పీటీసీ సభ్యులు మూలగొండ్ల ప్రకాష్‌రెడ్డి, కొంతమంది పెద్దలు పంచాయతీ చేసి ఇద్దరు కుమార్తెలకు తనను గార్డియన్‌గా ఉంచి ఆస్తి ఆడపిల్లలకు చెందేవిధంగా పెద్ద మనుషుల సమక్షంలో అగ్రిమెంటు రాసినట్లు వివరించింది. తన భర్తకు జెడ్పీటీసీ వరుసకు బావమరిది అవుతాడని తెలిపింది. ఆస్తి మీద కనే్నసిన ప్రకాష్‌రెడ్డి బెదిరింపులకు దిగుతున్నారని, పరుష పదజాలంతో దూషిస్తున్నారని ఫిర్యాదు చేసింది. తన పిల్లలకు అపోహలు ప్రచారం చేస్తూ తనపై ద్వేషం పెంచుకునేలా ఉసిగొల్పుతున్నారని, మానసిక క్షోభకు గురవుతున్న తనకు న్యాయం చేయాలని కోరింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.