రాష్ట్రీయం
నాలుగంచెల వ్యవస్థకే..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 25: జోనల్, మల్టీ జోనల్‌తోపాటు స్టేట్, డిస్ట్రిక్ట్ క్యాడర్లతో నాలుగంచల వ్యవస్థ ఉండాలని ఉద్యోగ, ఉపాధ్యాయ, గెజిటెడ్ అధికారుల, సిబ్బంది, పెన్షనర్ల జాయింట్ యాక్షన్ కమిటీ ప్రభుత్వానికి ప్రతిపాదించింది. అలాగే సీఎం కేసీఆర్ ప్రకటించిన ఏడు జోన్లలో కొన్ని చేర్పులు, మార్పులనూ ఉద్యోగుల జాయింట్ యాక్షన్ కమిటీ ప్రభుత్వానికి సూచించింది. తమ ప్రతిపాదనలను సీఎస్ ఎస్‌కె జోషికి జేఏసీ అందజేసింది. దీనిపై సీఎం మరోసారి చర్చించాక మంత్రివర్గ సమావేశంలో ఆమోదించిన అనంతరం రాష్టప్రతి ఆమోదానికి కేంద్రానికి పంపించనుంది.
తాను ఖరారు చేసిన జోనల్, మల్టీ జోనల్ వ్యవస్థలపై ఉద్యోగ సంఘాల అభిప్రాయాలను సీఎం కోరిన విషయం తెలిసిందే. ఈ అంశంపై తెలంగాణ గెజిటెడ్ అధికారుల సంఘం కార్యాలయంలో శుక్రవారం జాయింట్ యాక్షన్ కమిటీ చైర్మన్ కారం రవీందర్‌రెడ్డి, సెక్రటరీ జనరల్ వి మమత, గెజిటెడ్ అధికారుల సంఘం కేంద్ర కమిటీ చైర్మన్, ఎమ్మెల్యే శ్రీనివాస్‌గౌడ్, తెలంగాణ స్టేట్ బ్రెవరేజెస్ కార్పొరేషన్ చైర్మన్ జి దేవిప్రసాద్, తెలంగాణ ఉద్యోగుల సంఘం అధ్యక్షుడు పద్మాచారి తదితర ఉద్యోగ సంఘాల నేతలు సమావేశమై చర్చించారు. ముఖ్యమంత్రి ప్రకటించిన జోనల్ వ్యవస్థలో కొన్ని చేర్పులు, మార్పులను సూచిస్తూ జాయింట్ యాక్షన్ కమిటీ ప్రభుత్వానికి నివేదించింది. ప్రధానంగా రాష్ట్రంలో ప్రభుత్వ యంత్రాంగంలో నాలుగంచల వ్యవస్థ ఉండాలని ప్రతిపాదించింది. అలాగే భద్రాద్రి జోనల్ పేరుకు కాకతీయను జోడించి భద్రాద్రి-కాకతీయ జోనల్‌గా పేరు మార్చాలని కోరింది. అలాగే యాదాద్రి జోనల్‌లో చేర్చిన జనగామ జిల్లాను భద్రాద్రి జోనల్‌లో, వికారాబాద్ జిల్లాను చార్మినార్ జోన్‌లో, రంగారెడ్డి జిల్లాను జోగులాంబ జోన్‌లో చేర్చాలని పలు సవరణలను జాయింట్ యాక్షన్ కమిటీ సూచించింది.
శాఖాధిపతులు/ సచివాలయానికి జరిగే బదిలీల్లో ఆయా జోన్లకు కోటాను అమలు చేయాలని, శాఖాధిపతులు/ సచివాలయ పోస్టులను మినహాయించి మిగిలిన రాష్టస్థ్రాయి పోస్టులను మల్టీ జోనల్‌లో కేడర్‌ను ఖరారు చేయాలని జాయింట్ యాక్షన్ కమిటీ సూచించింది. శాఖలవారీగా కేడర్ల వివరాలపై మరో నివేదికను ప్రభుత్వానికి సమర్పించనున్నట్టు జాయింట్ యాక్షన్ కమిటీ ప్రభుత్వానికి తెలియజేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.