రాష్ట్రీయం
మోసగించిన ట్రావెల్ ఏజెన్సీ!
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం: ఖమ్మం నగరానికి చెందిన 10 మంది యాత్రికులు నేపాల్‌లో చిక్కుకుపోయారు. మానస సరోవరం వెళ్లేందుకు ఖమ్మం నగరంలోని అయ్యప్ప దేవాలయం కార్యదర్శి అప్పారావు ఆధ్వర్యంలో 10 మంది భక్తులు ఉత్తరప్రదేశ్‌లోని గోరఖ్‌పూర్‌కు చెందిన స్టార్ ట్రావెల్ ఏజెన్సీ ద్వారా వెళ్లారు. అందరినీ నేపాల్ రాజధాని ఖాట్మండ్‌కు తీసుకెళ్లిన ట్రావెల్ ఏజెన్సీ యాజమాన్యం అక్కడి నుంచి మానస సరోవరం పంపిస్తామని చెప్పింది. కానీ రెండు రోజులు గడిచినప్పటికీ వారిని అక్కడి నుంచి తీసుకెళ్లకపోగా ఏజెన్సీ నిర్వాహకులు కనిపించకుండా పోయారు. దీంతో ఆందోళన చెందిన యాత్రికులు స్థానికుల సహాయంతో ట్రావెల్ ఏజెన్సీ గురించి వాకబు చేసినా సరైన సమాచారం లభించలేదు. దీంతో ఆందోళనకు గురైన వారు ఖమ్మంలోని మీడియాను ఆశ్రయించారు. మీడియా ద్వారా సమాచారం తెలుసుకున్న ఖమ్మం ఎంపీ పొంగులేటి శ్రీనివాసరెడ్డి విదేశాంగ మంత్రిత్వ శాఖ అధికారులతో మాట్లాడి వారిని సురక్షితంగా ఖమ్మం తరలిస్తామని చెప్పారు. ఈసందర్భంగా ఆయన ‘ఆంధ్రభూమి’తో మాట్లాడుతూ ఖమ్మం నగరానికి చెందిన పర్యాటకులు ఖాట్మండ్‌లో చిక్కుకుపోవడం దురదృష్టకరమని, వారిని సురక్షితంగా ఖమ్మం తీసుకొస్తామని చెప్పారు. ఈమేరకు విదేశాంగ శాఖ అధికారులతో మాట్లాడుతున్నట్టు తెలిపారు. ట్రావెల్ ఏజెన్సీపై చర్యలు తీసుకోవాలని కోరినట్టు వెల్లడించారు. ఢిల్లీలోని తెలంగాణ అధికారులతోనూ మాట్లాడి యాత్రికులను సురక్షితంగా తీసుకొచ్చేందుకు ఏర్పాట్లు చేస్తున్నట్టు పొంగులేటి వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.