రాష్ట్రీయం
డెడ్ స్టోరేజీకి చేరువలో..!
S ,7 à 8 RSCA (si SASPAS) et 6 cialis pharmacie cialis rapports de stage.
నల్లగొండ, మే 28: నాగార్జున సాగర్ రిజర్వాయర్‌లో నీటి నిల్వ క్రమంగా డెడ్ స్టోరేజీ దిశగా పడిపోతోంది. 510 అడుగుల కనీస నీటి మట్టం (డెడ్ స్టోరేజ్)కు గాను ప్రస్తుతం 512 అడుగులుగా 136.09 టీఎంసీల నీటి నిల్వ ఉంది. పూర్తి స్థాయి నీటి మట్టం 590 అడుగులు. సకాలంలో రుతు పవనాలు వచ్చి వర్షాలు సమృద్ధిగా కురిసిన పక్షంలో డెడ్ స్టోరేజీకి ముందుగానే సాగర్‌లో నీటి మట్టం పెరుగనుంది. లేదంటే గత రెండేళ్ల మాదిరిగా డెడ్ స్టోరేజీకి దిగువన నుంచి కూడా తెలంగాణ తాగునీటి అవసరాలకు నీటి విడుదల తిప్పలు తప్పని పరిస్థితి నెలకొననుంది. ప్రస్తుతానికి ఆంధ్రప్రదేశ్ కృష్ణాబోర్డు కేటాయించిన నీటి కోటాను వినియోగించుకోగా తెలంగాణ తాగునీటి అవసరాలకు సంబంధించి నాలుగు టీఎంసీల కోటా వినియోగించుకోవాల్సి వుంది. ఇంతలో వర్షాలు, వరదలు రాని పక్షంలో నీటి మట్టం డెడ్ స్టోరేజీకి పడిపోనుంది. సాగర్ నుండి రోజు సగటున 900 క్యూసెక్కులు ఎస్‌ఎల్‌బీసీ (ఎఎమ్మార్పీ)కి విడుదల చేస్తున్నారు. రోజుకు సగటున 700 క్యూసెక్కుల నీరు ఆవిరైపోతుంది. ఈ దఫా గడిచిన యాసంగి పంట సీజన్‌లో తొలిసారిగా సాగర్ టెయిల్ పాండ్ వరకు కూడా సాగునీటి విడుదల చేసినప్పటికి గత రెండేళ్ల కంటే కూడా సాగర్ నీటి మట్టం ఈ ఏడాది ఇదే సమయానికి డెడ్ స్టోరేజీకి ఎగువన ఉండటం గమనార్హం. గత ఏడాది వర్షాలు సకాలంలో పడకపోవడంతో సెప్టెంబర్ 20వరకు కూడా సాగర్ డెడ్ స్టోరేజీకి దిగువగా 499 అడుగుల నీటి మట్టం కొనసాగడం గమనార్హం. దీంతో జంటనగరాలతో పాటు ఉమ్మడి నల్లగొండ జిల్లా వాసులకు తాగునీటిని అందించేందుకు పుట్టంగండి ఏఎమ్మార్పీ మోటార్లకు సాగర్ జలాశయంలో నాలుగు కోట్లతో డ్రెడ్జింగ్ చేసి మరి నీరందించారు. సెప్టెంబర్ 24 నాటికి శ్రీశైలం నుండి నీటి విడుదలతో 511అడుగులకు చేరింది. ఈ నేపథ్యంలో ఈ ఏడాది కూడా సాగర్ జలాశయంలో ప్రస్తుత నిల్వ నీటిని పొదుపుగా వాడుకోవాల్సివుంది. లేనట్లయితే గత ఏడాది మాదిరిగా మంచినీటికి సైతం గడ్డు పరిస్థితి తలెత్తక తప్పదు.
*
సంవత్సరం నీటిమట్టం టీఎంసీలు
(అడుగుల్లో)
2009 504.50 191.10
2010 520.60 227.60
2011 554.10 305.36
2012 511.80 209.46
2013 519.50 148.36
2014 517.50 144.75
2015 514.40 139.26
2016 506.80 126.30
2017 502.20 119.76
2018 512 136.09
(28మే నాటికి)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.