రాష్ట్రీయం
తెలుగు రాష్ట్రాల్లో పాగా వేస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 31: దక్షిణాది రాష్ట్రాల్లో కర్నాటకతో మొదలై రానున్న రోజుల్లో తెలుగు రాష్ట్రాల్లో కూడా పాగా వేస్తామని, ఇక తమ దృష్టి తెలంగాణ, ఆంధ్రప్రదేశ్‌లపైనేనని కేంద్ర ఐటి, న్యాయశాఖల మంత్రి రవి శంకర్ ప్రసాద్ చెప్పారు. గురువారం హైదరాబాద్ వచ్చిన రవి శంకర్ ప్రసాద్ మూడు కార్యక్రమాల్లో పాల్గొన్నారు. తొలుత పాత్రికేయులతో మాట్లాడుతూ నరేంద్రమోదీ ప్రభుత్వం 48 నెలల్లో సాధించిన విజయాలను వివరించారు.
అనంతరం ఆయన వివిధ పత్రికల సంపాదకుల సమావేశంలో మాట్లాడారు. సాయంత్రం బీజేపీ రాష్ట్ర కమిటీ నిర్వహించిన మేథావుల సమావేశంలో మాట్లాడారు. ఈ సందర్భంగా నరేంద్రమోదీ ప్రభుత్వానికి దక్కిన అంతర్జాతీయ ఖ్యాతి, పొరుగుదేశాలతో సయోధ్య, కేంద్రప్రభుత్వం ప్రవేశపెట్టిన పథకాలు, అమలు తీరు, వివిధ రాష్ట్రాలతో సంబంధాలు, ఇటీవల జరిగిన కర్నాటక ఎన్నికలు,
తాజాగా జరిగిన బైపోల్ ఫలితాలు, ఐటి శాఖ పనితీరు గురించి సుదీర్ఘంగా మాట్లాడారు. ఈ సందర్భంగా ఆయన పవర్ పాయింట్ ప్రజెంటేషన్ కూడా ఇచ్చారు. మీడియాకు సవివరమైన కరపత్రాలను అందజేశారు. వచ్చే సార్వత్రిక ఎన్నికల్లో తెలుగు రాష్ట్రాల్లో పాగా వేస్తాం అని గట్టిగా చెప్పారు. ఆంధ్రప్రదేశ్‌కు హైకోర్టు తరలింపునకు సంబంధించి మాట్లాడుతూ ఆ రాష్ట్రం అమరావతిలో భవనం నిర్మిస్తే దానిని నోటిఫై చేస్తామని, లేకుంటే తాత్కాలిక భవనానికి తరలించేందుకు వీలుగా మరికొన్ని భవనాలను కమిటీ చూసిందని, ఏదైనా ఆ రాష్ట్ర ముఖ్యమంత్రి హైకోర్టు ప్రధాన న్యాయమూర్తితో మాట్లాడి నిర్ణయం తీసుకుంటే దానిని కేంద్రం నోటిఫై చేస్తుందని చెప్పారు. ఐటిఐఆర్‌ల ఆలోచన రద్దు చేసుకున్నామని చెప్పిన రవి శంకర్ ప్రసాద్ , ఐటిఐఆర్‌కు పెద్ద ఎత్తున భూమి సేకరించాల్సి ఉంటుందని, అది పట్టణాల్లో సాధ్యమయ్యేది కాదని గుర్తించామని అన్నారు. కేసీఆర్ ఆధ్వర్యంలో వస్తున్న ఫ్రంట్ గురించి ప్రస్తావించగా, ఎన్ని ‘ఫ్రంట్’లు వచ్చినా బీజేపీయే ఫ్రంట్(ముందుంటుంది) అని వ్యాఖ్యానించారు. ఆంధ్రా, తెలంగాణ రాష్ట్రాలకు సరిపడా సాయం కేంద్రం చేయడం లేదనే ఆరోపణలను ఆయన తిరస్కరించారు. అన్ని రాష్ట్రాలకూ సమన్యాయం జరుగుతోందని పేర్కొన్నారు. కేంద్రం సాయంలో ఎలాంటి వివక్ష లేదని అన్నారు.
చిత్రం..బీజేపీ రాష్ట్ర కమిటీ నిర్వహించిన మేథావుల సమావేశానికి హాజరైన కేంద్ర మంత్రి రవిశంకర్ ప్రసాద్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.