రాష్ట్రీయం
ఇది టీడీపీ అభివృద్ధే!
S ,7 à 8 RSCA (si SASPAS) et 6 cialis pharmacie cialis rapports de stage.
గజపతినగరం: పుష్కరాలు నిర్వహించడానికి ప్రభుత్వం వద్ద వేలకోట్లు ఉంటాయి, కానీ ప్రాజెక్టులు పూర్తి చేయడానికి ఉండవని జనసేన పార్టీ అధ్యక్షుడు పవన్ కల్యాణ్ మండిపడ్డారు. శుక్రవారం సాయంత్రం విజయనగరం జిల్లా గజపతినగరంలోని మెంటాడ రోడ్డు జంక్షన్‌లో నిర్వహించిన బహిరంగ సభలో కేంద్ర, రాష్ట్ర ప్రభుత్వాలపై పవన్ విరుచుకుపడ్డారు. ఆండ్ర రిజర్వాయర్‌కు మరమ్మతులు చేపట్టి పూడిక తీస్తే వేలాది ఎకరాలకు సాగునీరు అంది రైతు మూడుపూటలా తింటాడన్నారు. అటువంటి ప్రాజెక్టుని పూర్తిగా వదిలేశారన్నారు. రాష్ట్రాన్ని ఆరోగ్య ఆంధ్రప్రదేశ్‌గా తీర్చిదిద్దుతామంటున్న ముఖ్యమంత్రి ఒక్కసారి చంపావతి నదిని చూడాలన్నారు. నాలుగేళ్ళ కిందటి వరకు నదిలో నీటిని ప్రజలు తాగేవారని, ఇపుడు ఒక మురికి కూపంలా నది తయారైందని, నదుల పరిరక్షణ కోసం ప్రభుత్వం ఎటువంటి చర్యలు తీసుకోవడంలేదన్నారు. ఇసుక మాఫీయాలో తెలుగు తమ్ముళ్లు కూరుకుపోయారని, భూ కబ్జాలకు పాల్పడుతున్నారని, ఎదిరించి ప్రశ్నించే అధికారులపై దాడులకు దిగుతున్నారని ఆరోపించారు. రాష్ట్రంలో ఏదైనా అభివృద్ధి జరుగుతుందంటే అది టీడీపీ అభివృద్ధి మాత్రమేనని అన్నారు. గజపతినగరం నియోజకవర్గంలో అన్ని అర్హతలు ఉన్నా మరణించిన వారికి చంద్ర న్న బీమా మొత్తాలు అందడంలేదని అన్నారు. ఎంపీగా ఉన్న అశోక్ గజపతిరాజు గజపతినగరం రైల్వే స్టేషన్‌లో ఒక్క ఎక్స్‌ప్రెస్ రైలు అయినా నిలిచే విధంగా చర్యలు తీసుకున్నారా అనిప్రశ్నించారు. ఉత్తరాది రాష్ట్రానికి చెందిన రామ్‌విలాస్ పాస్వాన్ తన నియోజకవర్గం మీదుగా ప్రయాణించే అన్ని రైళ్ళను నిలుపుతున్నారని, ఇక్కడ అశోక్‌కు మాత్రం చిత్తశుద్ధి లేదని అన్నారు. రాష్ట్రంలో 15వేల కిలోమీటర్ల రోడ్లు వేశామని
చెప్పుకుంటున్న టీడీపీ నాయకులు ఒక్కసారి గజపతినగరంలోని రోడ్లు పరిస్థితిని గమనించి మాట్లాడాలని అన్నారు. ఆర్టీసీ కాంప్లెక్స్ మొత్తం గతుకులతో నిండి పందులు స్వైర విహారం చేస్తున్నాయని, ఇలాగైతే రోగాలు రావా అని ప్రశ్నించారు. ప్రభుత్వానికి బానిసగిరి, గులామ్‌గిరి చేస్తే మంచోడని, ప్రశ్నిస్తే బీజేపీ స్క్రిప్ట్ మాట్లాడుతున్నానని టీడీపీ నాయకులు అనడం సిగ్గుచేటని అన్నారు. రాష్ట్రంలో అనినీతికి సాక్ష్యాలు కావాలని అంటున్నారని, లంచాలు ఇస్తే రశీదులు ఎవరైనా ఇస్తారా అని ప్రశ్నించారు.
సందిట్లో సడేమియా అన్నట్లుగా జేబుదొంగలు పవన్ బహిరంగ సభ జరుగుతున్న సమయంలో రెచ్చిపోయారు. యువత పెద్ద సంఖ్యలో రావడం, కిక్కిరిసి పోవడంతో జేబుదొంగలు తమ పనికానిచ్చేశారు. ఎస్.లింగాలవలస గ్రామానికి చెందిన ఆల్తి శ్రీనివాసరావు జేబులో నుండి 15 వేలు అపహరణకు గురికాగా, పెదకాద గ్రామానికి చెందిన పారాది గణేష్ నుండి 30వేల రూపాయల పర్సును అపహరించారు. నియోజకవర్గం పరిధిలోని అయిదు మండలాల నుంచీ పెద్ద సంఖ్యలో యువత స్వచ్ఛందంగా పవన్ సభకు తరలి వచ్చారు.
చిత్రం..గజపతినగరం సభలో మాట్లాడుతున్న జనసేన అధినేత పవన్ కల్యాణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.