రాష్ట్రీయం
గోల్‌మాల్.. గందరగోళం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఉపాధ్యాయ బదిలీల గందరగోళం పతాకస్థాయికి చేరింది. బదిలీలకు ఓకే చేసిన ప్రభుత్వం అందుకు సంబంధించిన ఉత్తర్వులను, షెడ్యూలును జారీ చేసినా మార్గదర్ళకాల్లో ఉన్న అనేక అనుమానాలు టీచర్లను అయోమయంలోకి నెట్టేశాయి. మరోపక్క ఇప్పటికే ప్రభుత్వం దొడ్డిదారిన ఇచ్చిన బదిలీ ఉత్తర్వులపై ఉపాధ్యాయ సంఘాలు న్యాయస్థానాలను ఆశ్రయిస్తున్నాయి. పాత జిల్లాల ప్రకారం కౌనె్సలింగ్ చేస్తున్న ప్రభుత్వం, కొత్త జిల్లాల ప్రకారం ఆదేశాలివ్వడంతో టీచర్ల బదిలీలు గందరగోళంలో పడ్డాయి. గురు, శుక్రవారాల్లో ఉప ముఖ్యమంత్రి ఉపాధ్యాయ జేఏసీలు, విద్యాశాఖ అధికారులతో సుదీర్ఘచర్చలు జరిపారు. అంతకంటే ముందు అదనపు అడ్వకేట్ జనరల్‌తో సమావేశమై ఏకీకృత సర్వీసు రూల్స్‌పై స్టేటస్‌కో ఉన్నందున యాజమాన్యాలవారీ బదిలీలు, పదోన్నతులు చేపట్టడానికి ఉన్న అవకాశాలు, అవరోధాలనూ చర్చించారు. ఇప్పుడున్న పరిస్థితుల్లో పదోన్నతులు చేపట్టకపోవడమే మేలని, యాజమాన్యాల వారీ బదిలీలకు ఇబ్బంది లేదని న్యాయశాఖ పేర్కొనడంతో ఉపాధ్యాయ సంఘాల జేఏసీలతో సమావేశమై బదిలీలు మాత్రమే జరుపుతామని ఉప ముఖ్యమంత్రి స్పష్టం చేశారు. అధికారులు షెడ్యూలు ఖరారు చేసి సోమవారం నాటికి విడుదల చేస్తారని ఉప ముఖ్యమంత్రి ఉపాధ్యాయ నేతలకు చెప్పారు. జూన్ 6 నుంచి 10 వరకూ ఆన్‌లైన్ అప్లికేషన్లు స్వీకరిస్తారు. 12నాటికి లిస్టులు ప్రకటిస్తారు. 4న ఖాళీలను ప్రకటించి జిల్లాల్లో అభ్యంతరాలను స్వీకరిస్తారు. అనంతరం 6న తుది జాబితా ప్రకటిస్తారు. జూన్ 20నాటికి ప్రక్రియ పూర్తి చేస్తారు. పంచాయతీ ఎన్నికలు అనంతరం అంతర్‌జిల్లా, స్పౌజ్, మ్యూచువల్ బదిలీలను నిర్వహిస్తామని పేర్కొన్నారు. దానికి సంబంధించిన షెడ్యూలు మాత్రం ఇపుడే ఖరారు చేస్తారు. ఉప ముఖ్యమంత్రితో జరిగిన చర్చల్లో స్పెషల్ సిఎస్ రంజీవ్ ఆర్ ఆచార్య, కమిషనర్ అదర్‌సిన్హా, జాయింట్ సెక్రటరీ విజయకుమార్, అదనపు డైరెక్టర్లు పివి శ్రీహరి, జెడి శ్రీనివాసాచారి, ముగ్గురు ఎమ్మెల్సీలు చావ రవి, బి కొండల్‌రెడ్డి, పులి సరోత్తంరెడ్డి, జి భుజంగరావు, ఎ రామచంద్రం, విష్ణువర్థనరెడ్డి, చంద్రమోహన్‌లు పాల్గొన్నారు. ప్రభుత్వం ఒక పక్క బదిలీలకు సర్వం సిద్ధం చేస్తున్నా, పాత కొత్త జిల్లాల వ్యవహారం, ప్రభుత్వం
నేరుగా ఉత్తర్వులు ఇవ్వడంతో ఎదురైన తలనొప్పులతో అధికారులు గందరగోళానికి గురవ్వడంతో కొంతమంది ఇప్పటికే రిలీవ్ అయి కొత్త స్కూళ్లలో జాయిన్ కాగా, మరికొంత మంది రిలీవ్ అయినా కొత్త స్కూళ్లల్లో జాయిన్ కాలేక గాలిలో ఉన్నారు. రంగారెడ్డి జిల్లా రంగారెడ్డి, వికారాబాద్ , మేడ్చెల్ జిల్లాలుగా విడిపోవడంతో పాత జిల్లా నుండి విడిపోయిన కొత్తజిల్లాకు ఇంటర్ డిస్ట్రిక్ట్ ట్రాన్స్‌ఫర్‌గా టీచర్లు వస్తున్నారు. రంగారెడ్డి నుండి మేడ్చెల్ జిల్లాకు అంతర్ జిల్లా బదిలీలపై వచ్చారు. అలాగే నల్గొండ జిల్లా నుండి యాదాద్రి కొత్త జిల్లాకు, సూర్యాపేటకు, వరంగల్, కరీంనగర్, నిజామాబాద్, ఆదిలాబాద్ జిల్లాల నుండి రంగారెడ్డికి టీచర్లు బదిలీపై వచ్చారు. బదిలీల కంటే ముందు పాత జిల్లాల్లో ఉన్న టీచర్లనుండి ఆప్షన్లు కోరకపోవడం వల్ల రానున్న రోజుల్లో బదిలీలు, పదోన్నతుల్లో తప్పనిసరిగా సాంకేతిక ఇబ్బందులు ఎదురవుతాయని, బలవంతంగా కొత్త జిల్లాలకు బదిలీ చేస్తే టీచర్లు న్యాయస్థానాలను ఆశ్రయించడంతో కేసులు వేలల్లో దాఖలయ్యే ముప్పు ఉందని ఉపాధ్యాయ సంఘాల నేతలు అంటున్నారు. ఇదే బదీలల ప్రక్రియను నాలుగైదు నెలల ముందు ప్రారంభించి ఆప్షన్లు అడిగి ఉంటే బావుండేదని వారు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.