రాష్ట్రీయం
చంద్రబాబు.. వౌనమేల?
S ,7 à 8 RSCA (si SASPAS) et 6 cialis pharmacie cialis rapports de stage.
పాడేరు, జూన్ 7: రాష్ట్రంలోని ఖనిజ సంపదను దోచుకునేందుకు కేంద్ర ప్రభుత్వం తీసుకువచ్చిన నూతన భూ సేకరణ చట్టంపై ముఖ్యమంత్రి చంద్రబాబు ఎందుకు నోరు మెదపడం లేదని జనసేన పార్టీ అధినేత పవన్ కల్యాణ్ ప్రశ్నించారు. విశాఖ జిల్లా పాడేరులో గురువారం నిర్వహించిన బహిరంగ సభలో ఆయన ప్రసంగిస్తూ కేంద్రం అమలులోకి తెచ్చిన నూతన భూ సేకరణ చట్టం ప్రకారం ఖనిజ సంపదను అడ్డగోలుగా దోచుకునే అవకాశం ఉందన్నారు. కేంద్ర ప్రభుత్వంపై తిరుగుబాటు ధోరణిని ప్రదర్శిస్తూ అన్నింటినీ నిలదీస్తున్న ముఖ్యమంత్రి ఈ చట్టంపై ఎందుకు మాట్లాడడం లేదంటే ఈ ప్రాంతంలో ఉన్న అపారమైన ఖనిజ సంపదను దోచుకోవాలనే ఉద్దేశంతో ఉన్నారని ఆరోపించారు.
మన్యంలో ఆదివాసీల సంపదగా ఉన్న బాక్సైట్ ఖనిజాన్ని వెలకితీసి ప్రకృతి సౌందర్యంతో ఉన్న ఈ ప్రాంతాన్ని ధ్వంసం చేయాలని ప్రయత్నిస్తున్నారని పవన్ మండిపడ్డారు. ముఖ్యమంత్రి చంద్రబాబు పదే పదే చెబుతున్న విజన్ 2050 ప్రకారం మన్యాన్ని నాశనం చేసి ఈ ప్రాంతాన్ని ఏడారిగా మార్చుతారన్నారు. అయితే మన్యానికి అన్యాయం జరిగితే పవన్ చూస్తూ ఊరుకోడన్న విషయాన్ని గుర్తుంచుకోవాలన్నారు. ఖనిజ సంపదను దోచుకునేందుకు కేంద్ర, రాష్ట్ర ప్రభుత్వాలు చేస్తున్న కుట్రలపై వామపక్ష పార్టీలతో కలిసి ఉద్యమించేందుకు తాను సిద్ధంగా ఉన్నట్టు ఆయన ప్రకటించారు. హుకుంపేట మండలం గూడ గ్రామంలో జరుగుతున్న అవినీతి, దోపిడీ తంతు ఇంకెక్కడ జరగాలని పవన్ ప్రశ్నించారు. గూడ గ్రామంలో ఒక నాయకుడు నిబంధనలను తుంగలో తొక్కి చట్టాలను పక్కనపెట్టి అక్రమంగా క్వారీ నిర్వహిస్తూ కోట్లాది రూపాయల ప్రభుత్వ ఖజానాకు గండి కొడుతున్నారని ఆయన ఆరోపించారు. క్వారీని నిర్వహిస్తున్న ఎమ్మెల్యే ప్రభుత్వానికి చెల్లించాల్సిన తొమ్మిది కోట్ల రూపాయలను చెల్లించకుండా ప్రభుత్వ ఖజానాకు గండి కొడుతున్నారని ఆయన ఆరోపించారు. గూడ గ్రామంలో ఇంత జరుగుతున్నా కాలుష్య నియంత్రణ మండలి, గనుల శాఖలు ఏం చేస్తున్నాయని ఆయన ప్రశ్నించారు. ముఖ్యమంత్రి చేస్తున్న దీక్షల ఒక్కింటికి కోటి రూపాయలు వెచ్చిస్తున్నారని, చిత్తశుద్ధి లేని ఇటువంటి దీక్షలకు కోట్ల రూపాయలను ఖర్చు చేసే కంటే గిరిజన ప్రాంతంలో నెలకొన్న సమస్యలకు కేటాయిస్తే మంచిదని పవన్ చెప్పారు. ముఖ్యమంత్రి కులాల మధ్య చిచ్చు పెడుతూ విధ్వేసాలు రెచ్చగొడుతున్నారని ఆయన ఆరోపించారు. వేర్పాటు వాద ఉద్యమాలు రాకుండా చేస్తారనే విశ్వాసంతో గత ఎన్నికల్లో తాను తెలుగుదేశం పార్టీకి మద్దతునిచ్చానని, అయితే అదే ఉద్యమాలకు చంద్రబాబు ఆజ్యం పోస్తున్నారని పవన్ కల్యాణ్ విమర్శించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.