రాష్ట్రీయం
కన్నతండ్రే కాలయముడు!
S ,7 à 8 RSCA (si SASPAS) et 6 cialis pharmacie cialis rapports de stage.
చిత్తూరు, జూన్ 9: కన్నతండ్రే కాలయముడయ్యాడు. క్షణికావేశంతో తీసుకొన్న నిర్ణయం రెండు ప్రాణాలను బలిగొంది. బిడ్డలకు ఉజ్వల భవిష్యత్తు ఇవ్వాల్సిన కన్నతండ్రే వారిని కడతేర్చాడు. చిన్నపాటి ఆస్తి వివాదం ఈ దారుణ సంఘటనకు కారణమైంది. ఆస్తి కోసం తల్లితో గొడవపడ్డ కుమారుడు చివరివకు తన ఇద్దరు బిడ్డలకు విషమిచ్చి చంపి తాను తాగి ఆత్మహత్యాయత్నానికి పాల్పడ్డాడు. ఈ సంఘటనలో ఇద్దరు కూతుళ్లు మరణించగా, తండ్రి పరిస్థితి విషమంగా ఉంది. ఈసంఘటన చిత్తూరు రూరల్ మండలం బంగారెడ్డిపల్లి సమీపంలో శుక్రవారం రాత్రి చోటుచేసుకొంది. గుడిపాల మండలం పిళ్ళారిపల్లికి చెందిన చలపతిరెడ్డి (47) సుమారు 20 సంవత్సరాల క్రితం కుటుంబ సమేతంగా వచ్చి చిత్తూరులోని ఓటి చెరువువద్ద చిల్లర దుకాణం పెట్టుకుని జీవనం సాగిస్తున్నాడు. కాగా కుటుంబ కలహాల కారణంగా చలపతి భార్య సుమారు ఐదు సంవత్సరాల క్రితం ఆత్మహత్మకు పాల్పడింది. అప్పటి నుంచి చలపతి తన తల్లిదండ్రులు, ఇద్దరు కుమార్తెలతో కలిసి ఉంటున్నాడు. ఈక్రమంలో చలపతిరెడ్డి మద్యానికి బానిసయ్యాడు. తన స్వగ్రామంలో ఉన్న ఆస్తిని తన పేరు మీద రాయాలని చలపతిరెడ్డి తల్లిదండ్రులతో శుక్రవారం ఉదయం గొడవపడి తల్లిపై దాడికి పాల్పడ్డాడు. దీంతో చలపతిరెడ్డి తల్లి చిత్తూరు టూ టౌన్ పోలీసులను ఆశ్రయించింది. పోలీసులు తల్లిపై దాడికి పాల్పడ్డ చలపతిరెడ్డిని పిలిపించి కౌనె్సలింగ్ ఇచ్చి పంపారు. దీంతో మనస్థాపం చెందిన చలపతిరెడ్డి తన కుమార్తెలైన యోగేశ్వరి (15), కుసుమతి (9)లను శుక్రవారం రాత్రి ద్విచక్రవాహనంలో చిత్తూరు రూరల్ మండంల బంగారెడ్డిపల్లికి తీసుకెళ్లి అక్కడ వారికి శీతలపానీయంలో కలిపిన పురుగుల మందు ఇచ్చి తాను తాగి ఆత్మహత్యాయత్నానికి పాల్పడ్డాడు. శనివారం ఉదయం బంగారెడ్డిపల్లివాసులు గ్రామ సమీపంలో ముగ్గురు సొమ్మసిల్లి పడి ఉండటాన్ని గుర్తించి వెంటనే చిత్తూరు ఆసుపత్రికి తీసుకెళ్లారు. అప్పటికే యోగేశ్వరి, కుసుమతిలు మరణించారని వైద్యులు నిర్ధారించగా, చలపతిరెడ్డి పరిస్థితి విషయంగా ఉంటడంతో వేలూరు సిఎంసికి తరలించారు. ఈ మేరకు చిత్తూరు పోలీసులు కేసు నమోదు చేసి దర్యాప్తు చేస్తున్నారు. ఇదిలావుండగా చిత్తూరు ఆసుపత్రిలోని మృతదేహాలను రాష్ట్ర మహిళా కమిషన్ చైర్‌పర్సన్ సన్నపనేని రాజకుమారి, రాష్ట్ర తెలుగు మహిళా ఉపాధ్యాక్షురాలు విజయలక్ష్మి పరిశీలించి మృతుల బంధువులను పరామర్శించారు. ఈసందర్భంగా విలేఖరులతో మాట్లాడుతూ అన్యం పుణ్యం ఎరుగని పిల్లలను కడతేర్చడం దారుణమని నన్నపనేని అన్నారు. . టీవీ సీరియల్స్‌లో వస్తున్న కొన్ని సంఘటనలతో ప్రజలు పెడదోవ పడుతున్నారని ఆవేదన వ్యక్తం చేశారు. సినిమాలకు సెన్సార్ బోర్డు ఉన్నట్లే టీవీ సీరియల్స్‌కు కూడా ఒక బోర్డు ఏర్పాటు చేయాలని ప్రభుత్వాన్ని కోరనున్నట్లు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.