రాష్ట్రీయం
దినచర్యలో భాగం కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 21: తెలుగు రాష్ట్రాల్లోని ప్రతి ఒక్కరూ తమ రోజువారీ కార్యక్రమాల్లో ‘యోగా’ను ఒక భాగంగా చేసుకోవాలని గవర్నర్ ఈఎస్‌ఎల్ నరసింహన్ పిలుపు ఇచ్చారు. అంతర్జాతీయ యోగా దినోత్సవం సందర్భంగా రాజ్‌భవన్‌లో ఏర్పాటు చేసిన కార్యక్రమంలో యోగాసనాల్లో పాల్గొన్నారు. ఈ సందర్భంగా మాట్లాడుతూ, భారతీయ సనాతన ధర్మంలో యోగా, ప్రాణాయామం అతిముఖ్యమైనవని, వీటిని సాధన చేయడంవల్ల ప్రతి ఒక్కరూ ఆరోగ్యాన్ని కాపాడుకోవచ్చునని అన్నారు. గవర్నర్ సలహాదారులు ఏపీవీఎన్ శర్మ, ఏకే మహంతి, ముఖ్యకార్యదర్శి హరిప్రీతి సింగ్‌తో పాటు రాజ్‌భవన్ అధికారులు, సిబ్బంది, పోలీసు సిబ్బంది పాల్గొన్నారు.
గచ్చిబౌలి స్టేడియంలో ఏర్పాటు చేసిన ప్రధాన కార్యక్రమంలో కేంద్ర జాతీయ రహదారులు, నౌకాయాన మంత్రి మన్ సుఖ్ ఎల్ మాండవియా పాల్గొన్నారు. భారతీయ సంస్కృతి, సాంప్రదాయం ప్రపంచానికి అందించిన గొప్పవరం ‘యోగా’ అన్నారు. ప్రపంచంలోని 175 దేశాల్లో ప్రజలు యోగా ప్రాక్టీస్ చేస్తున్నారన్నారు. ముఖ్యఅతిథిగా హాజరైన ఉపముఖ్యమంత్రి మహమూద్ అలీ మాట్లాడుతూ, యోగావల్ల సంపూర్ణ ఆరోగ్యం చేకూరుతుందన్నారు. ముస్లింలు రోజూ చేసే నమాజ్‌లో వివిధ భంగిమలు యోగాసనాలవంటివేనని తెలిపారు. ఈ కార్యక్రమంలో రాష్ట్ర మంత్రులు మహేందర్‌రెడ్డి, లక్ష్మారెడ్డి, ఢిల్లీలో తెలంగాణ ప్రభుత్వం తరఫున పనిచేస్తున్న ప్రత్యేక ప్రతినిధి ఎస్. వేణుగోపాలాచారి తదితరులు పాల్గొన్నారు.
జాతీయ గ్రామీణాభివృద్ధి, పంచాయతీరాజ్ సంస్థలో ఏర్పాటు చేసిన కార్యక్రమాన్ని ఈ సంస్థ డైరెక్టర్ జనరల్ డాక్టర్ డబ్ల్యు ఆర్ రెడ్డి ప్రారంభించారు. ఆర్ట్ ఆఫ్ లివింగ్ గురువు స్వామి పతంజలీ ఈ కార్యక్రమాన్ని నిర్వహించారు. అరణ్య భవన్‌లో సిబ్బందితో యోగా గురువు జయప్రకాశ్ నంబార్ యోగా చేయించారు. తెలంగాణ రాష్ట్ర పర్యాటక అభివృద్ది సంస్థ బుద్ధవిగ్రహం వద్ద యోగా తరగతులు నిర్వహించారు. తెలంగాణ రాష్ట్ర ఇన్‌స్టిట్యూట్ ఆఫ్ రూరల్ డెవలప్‌మెంట్‌లో సిఈఓ పౌసమీబసు నేతృత్వంలో జరిగింది. సింగరేణి కంపెనీలోని అన్ని గనుల్లో లక్షా 26వేల మంది కార్మికులు, అధికారులు పాల్గొన్నారు. హైదరాబాద్‌లోని వివిధ సంస్థలు, అన్ని జిల్లాల్లో భారీ ఎత్తున యోగాదినోత్సవం నిర్వహించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.