రాష్ట్రీయం
మేమూ సిద్ధమే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 25: ఎన్నికలు ఎప్పుడు వచ్చినా ఎదుర్కోవడానికి సిద్ధంగా ఉన్నామని ఏఐసీసీ ప్రధాన కార్యదర్శి ఆర్‌సి కుంతియా, టీపీసీసీ అధ్యక్షుడు ఎన్ ఉత్తమ్‌కుమార్ రెడ్డి ప్రకటించారు. సోమవారం గాంధీ భవన్‌లో టీపీసీసీ ముఖ్య నేతల సమావేశం జరిగింది. సమావేశానంతరం ఉత్తమ్, కుంతియా మీడియాతో మాట్లాడుతూ ముఖ్యమంత్రి కే చంద్రశేఖర్ రావు ఈ రోజే గవర్నర్‌ను కలిసి తన పదవికి రాజీనామా చేస్తానంటే వద్దంటామా? అని ప్రశ్నించారు. షెడ్యూలు ప్రకారం వచ్చే ఏడాది మేలో ఎన్నికలు జరిగినా, ఈ ఏడాది డిసెంబర్‌లో ఎన్నికలు జరిగినా, ఇప్పుడే పెట్టినా ఎదుర్కొవడానికి సిద్ధంగా ఉన్నామని స్పష్టం చేశారు. రాష్ట్ర ప్రజలు కూడా టీఆర్‌ఎస్ ప్రభుత్వానికి బుద్ధి చెప్పేందుకు ఎన్నికలు ఎప్పుడెప్పుడా? అని ఎదురు చూస్తున్నారని తెలిపారు. నిరంకుశ పాలనను తెలంగాణ ప్రజలు ఎంత మాత్రం సహించబోరని వారన్నారు. మూడు సర్వేలు చేయించామని, అన్ని సర్వేల్లోనూ టీఆర్‌ఎస్‌కు వందకుపైగా సీట్లు ఖాయమని తేలిందని సీఎం కేసీఆర్ చెప్పడాన్ని ప్రస్తావించగా ‘చిల్లర మాటలకు మేం సమాధానం చెప్పం’ అని
అన్నారు. నాలుగేళ్లుగా ఎప్పుడూ ప్రతిపక్షాలను పరిగణలోకి తీసుకోకుండా పాలన చేసిన ముఖ్యమంత్రి కేసీఆరేనని ఉత్తమ్ ధ్వజమెత్తారు. మాజీ మంత్రి దానం నాగేందర్ పార్టీ వీడడం బాధాకరమని ఆయన తెలిపారు. కాంగ్రెస్‌తో దశాబ్దాలుగా దానంకు సంబంధం ఉందని, టీఆర్‌ఎస్‌లో చేరినప్పుడు ఆయన ఆ పార్టీ రాసి ఇచ్చిన స్క్రిప్టును చదివారని ఆయన విమర్శించారు.
కాంగ్రెస్‌లో ఎక్కువగా రెడ్డి సామాజిక వర్గానికే ప్రాధాన్యం ఉంటుందన్న విమర్శలను కుంతియా తోసి పుచ్చారు. టీపీసీసీ వర్కింగ్ ప్రెసిడెంట్‌గా మల్లు భట్టివిక్రమార్క ఉన్నారని, ఏఐసీసీ కార్యదర్శిగా వీ. హనుమంత రావు ఇదివరకే ఉన్నారని, తాజాగా సంపత్ కుమార్‌ను నియమించడం జరిగిందని ఆయన గుర్తుచేశారు. పైగా ఇప్పటి వరకు పీసీసీకి 37 మంది అధ్యక్షులుగా బాధ్యతలు నిర్వర్తిస్తే అందులో 27 మంది రెడ్డియేతరులేనని కుంతియా పేర్కొన్నారు.
చిత్రం..గాంధీభవన్‌లో సోమవారం మీడియాతో మాట్లాడుతున్న పీసీసీ అధ్యక్షుడు ఉత్తమ్ కుమార్ రెడ్డి. చిత్రంలో ఏఐసీసీ ప్రధాన కార్యదర్శి ఆర్‌సి కుంతియా తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.