రాష్ట్రీయం
అదుపులేని అమ్మకాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 26: రాష్ట్రంలో మద్యం వల్ల సర్కారుకు ఏటా ‘కాసుల పంట’ (ఖజానాకు ఆదాయం) పెరుగుతుండగా, ఆనారోగ్యానికి గురై ప్రాణాలు కోల్పోయే వారి సంఖ్య పెరుగుతోంది. మద్యం (ఆల్కహాల్) తాగడం వల్ల వచ్చే రోగాల కారణంగా ఏటా 10 వేల మందికి పైగా ప్రాణాలు కోల్పోతున్నారు. అనేక వేల మంది జీర్ణవ్యవస్థ, కాలేయానికి సంబంధించిన వ్యాధులకు గురవుతున్నారు. అలాగే నరాల బలహీనత, మెదడుకు సంబంధించిన వ్యాధులకు కూడా గురవుతున్నారు. వీటన్నింటికీ మించి మద్యం తాగి వాహనాలు నడపడం వల్ల జరుగుతున్న ప్రమాదాల్లో వేలాది మంది ప్రాణాలు కోల్పోతున్నారు. మితిమీరిన వేగం ప్రమాదాలకు కారణమవుతోంది. 2016 లో దాదాపు 17 వేలపైగా ప్రమాదాలు జరగగా, 5వేల మందికిపైగా మరణించారు. 2017లో కూడా 16 వేలపైగా ప్రమాదాలు జరగగా 4800 మంది మరణించారని రోడ్డ్భుద్రతా శాఖ అధికారికంగానే ప్రకటించింది. గాయపడుతున్న వారి సంఖ్య ఏటా 10 వేలకు పైగా ఉంది. మద్యం సేవించి నడపడం వాహన ప్రమాదాలకు మరో ప్రధాన కారణం.
రాష్ట్ర ప్రభుత్వం గుడుంబాను (ఇల్లిసిట్ లిక్కర్-ఐడి) నిషేధించిన తర్వాత గుడుంబా తాగేవారు సాధారణ మద్యానికి (ఇండియన్ మేడ్ ఫారిన్ లిక్కర్) అలవాటు పడుతున్నారు. 2017-18 లో 266 లక్షల కేసుల లిక్కర్ (ఒక కేసులో 8.64 లీటర్ల లిక్కర్ ఉంటుంది) విక్రయం కాగా, 370 లక్షల కార్టన్ల
బీరు (ఒక కార్టన్‌లో 7.88 లీటర్ల బీరు) విక్రయం జరిగింది. గత నాలుగేళ్లలో లిక్కర్, బీరు అమ్మకాలు 30 శాతానికి పైగా పెరిగాయి. అంటే గుడుంబా స్థానాన్ని లిక్కర్, బీరు భర్తీ చేస్తున్నాయి. 2014-15 లో ప్రభుత్వానికి ఆబ్కారీ శాఖ ద్వారా రూ. 10238 కోట్ల ఆదాయం రాగా, 2017-18 సంవత్సరానికి ఇది రూ. 14,244 కోట్లకు పెరిగింది. నాలుగేళ్లలో సరాసరిన ఏటా 10 శాతం ఆదాయం పెరుగుతూ వస్తోంది. ప్రస్తుతం రాష్ట్రంలో 2216 పైగా లిక్కర్ దుకాణాలున్నాయి. దాదాపు ప్రతి దుకాణంలో పర్మిట్‌రూంలు ఉన్నాయి. అంటే దుకాణంలో కొన్న లిక్కర్‌ను ఇంటికి తీసుకువెళ్లాల్సిన అవసరం లేకుండా పర్మిట్‌రూంలో తాగేందుకు అవకాశం కల్పించారు.
పేరుకే నిషేధం
రాష్ట్రప్రభుత్వ అధీనంలో ఉన్న శాఖల్లో మద్యపాన నిషేధానికి ఆబ్కారి శాఖ (ప్రొహిబిషన్ అండ్ ఎక్సైజ్) అత్యంత ముఖ్యమైంది. మద్యపాన నిషేధం అని శాఖ పేరులోనే ఉన్నప్పటికీ ఎక్కడా నిషేధం ఆనవాళ్లు కానరావడం లేదు. ఆబ్కారీ వ్యాపారం మాత్రం బ్రహ్మాండంగా కొనసాగుతోంది. గుడుంబాను నిషేధించడంతో హైదరాబాద్‌తో పాటు గ్రామాల్లో గుడుంబా తయారీ నిలిచిపోయింది.
మద్య విమోచన కమిటీ ఎక్కడ?
డాక్టర్ వైఎస్ రాజశేఖరరెడ్డి సమైక్య రాష్ట్ర ముఖ్యమంత్రిగా ఉండగా మద్య విమోచన కమిటీని ఏర్పాటు చేశారు. ప్రముఖ సంఘసేవకుడు మల్లికార్జున శర్మ చైర్మన్‌గా ఏర్పాటైన కమిటీ మూడేళ్లపాటు పదవిలో ఉంది. ఈ కమిటీ మద్య విమోచన కోసం గ్రామాల్లో తిరుగుతూ ప్రజల్లో అవగాహన కల్పించేందుకు ప్రయత్నించింది. తెలంగాణ రాష్ట్రం ఏర్పాటు తర్వాత మద్య విమోచన కమిటీని ఏర్పాటు చేయలేకపోయారు. ఇదే విషయాన్ని ఎక్సైజ్ శాఖ ఉన్నతాధికారి ఒకరిని ఆంధ్రభూమి ప్రశ్నిస్తే, అది ప్రభుత్వ పాలసీఅని, ప్రభుత్వమే నిర్ణయం తీసుకోవాలన్నారు.
మంచిది కాదు: డాక్టర్ శ్రీనివాస్
మద్యం (ఆల్కహాల్) తాగడం ఆరోగ్యానికి మంచిది కాదని ప్రముఖ గ్యాస్ట్రో ఎంటరాలజిస్ట్ డాక్టర్ జి.ఆర్. శ్రీనివాస్ రావు తెలిపారు. ఆల్కహాల్ వల్ల స్వల్పకాలిక, దీర్ఘకాలిక సమస్యలు వస్తాయన్నారు. స్వల్పకాలిక సమస్యల్లో మానసికస్థితి దెబ్బతినడం, ఆవేశానికి గురికావడం, తగాదాలకు పాల్పడటం, ప్రమాదాలకు గురికావడం జరుగుతుందన్నారు. దీర్ఘకాలిక సమస్యల్లో లివర్ చెడిపోవడం, కామెర్లు రావడం, క్లోమగ్రంథి పనిచేయకపోవడం వల్ల ఆహారం జీర్ణంకాకపోవడం, రకరకాల క్యాన్సర్లు రావడం, అన్నవాహిక దెబ్బతినడం, గుండెసంబంధిత వ్యాధులకు గురవుతారన్నారు.
ప్రజల్లో చైతన్యం అవసరం : మల్లికార్జున శర్మ
మద్యం వల్ల కలిగే నష్టాల గురించి ప్రజల్లో అవగాహన పెరగాల్సి ఉందని ‘ఆంధ్రప్రదేశ్ మద్య విమోచన కమిటీ’ మాజీ చైర్మన్ మల్లికార్జున శర్మ అభిప్రాయపడ్డారు. మంగళవారం ఆయన ఆంధ్రభూమి ప్రతినిధితో మాట్లాడుతూ, ప్రభుత్వం ఒకేసారి మద్య నిషేధాన్ని అమలు చేయలేదని, అయితే దశలవారీగా దీన్ని అమలు చేయవచ్చన్నారు. తనతోపాటు కమిటీలో ఉన్న 10 మంది సభ్యులు కలిసి రాష్ట్ర వ్యాప్తంగా పర్యటించామన్నారు. అసలు మద్యానికి సంబంధించిన శాఖను కేంద్రప్రభుత్వం స్వాధీనం చేసుకుని దేశం మొత్తంమీద ఒకే రకమైన విధానాన్ని అమలు చేస్తే బాగుంటుందని అభిప్రాయపడ్డారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.