రాష్ట్రీయం
రాష్ట్రాలకు తీరని నష్టం
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, జూన్ 30: పెట్రోల్, డీజిల్, నేచురల్ గ్యాస్‌లను జీఎస్‌టీ పరిధిలోకి తీసుకువస్తే రాష్ట్రానికి పెద్ద ఎత్తున నష్టం చేకూరుతుందని ఆర్ధిక మంత్రి యనమల రామకృష్ణుడు స్పష్టం చేశారు. పెట్రోలియం, గ్యాస్ ఉత్పత్తులను జీఎస్‌టీ పరిధిలోకి తీసుకువచ్చే యోచనను తీవ్రంగా వ్యతిరేకిస్తున్నామన్నారు. తూర్పు గోదావరి జిల్లా కేంద్రం కాకినాడలో శనివారం తనను కలసిన విలేఖరులతో యనమల మాట్లాడారు. ఆంధ్రప్రదేశ్ సహా పలు రాష్ట్రాలు ఈ అంశాన్ని తీవ్రంగా వ్యతిరేకిస్తున్నట్టు చెప్పారు. పెట్రోల్, గ్యాస్‌లు జీఎస్‌టీ పరిధిలోకి వచ్చిన పక్షంలో రాష్ట్రాల రెవెన్యూ తీవ్రంగా పడిపోయే ప్రమాదం ఉందన్నారు. పెట్రోలియం, సహజవాయు నిక్షేపాలు మన రాష్ట్రం నుండే అధికంగా ఉత్పత్తి అవుతున్నప్పటికీ వాటిని ఇతర రాష్ట్రాలు బాగా వినియోగించుకుంటున్నాయన్నారు. ఇటువంటి పరిస్థితుల్లో పెట్రోలియం ఉత్పత్తులను జీఎస్‌టీ పరిధిలోకి తీసుకువస్తే అనేక సమస్యలు ఉత్పన్నమవుతాయని పేర్కొన్నారు. దేశంలో పెట్రోలియం, నేచురల్ గ్యాస్ ఉత్పత్తిలో ఆంధ్రప్రదేశ్ అగ్రస్థానంలో ఉందని తెలిపారు. గత ఏడాదిగా జీఎస్‌టీ అమలవుతోందని, దీని ప్రభావం కొన్ని రాష్ట్రాల్లో వ్యతిరేకంగానూ, కొన్నిచోట్ల అనుకూలంగానూ ఫలితాలు కనిపించాయన్నారు. జీఎస్‌టీ కారణంగా రాష్ట్రానికి రెవెన్యూ పెరుగుతోందన్నారు. కేంద్రం ఇచ్చే కాంపనే్సషన్ విషయంలో మాత్రం కొన్ని సమస్యలున్నాయని చెప్పారు. జీఎస్‌టీ అమలుచేసేటపుడు నష్టపరిహారం రాష్ట్ర ప్రభుత్వం నుండి వసూలు చేస్తున్నారని, అన్ని రాష్ట్రాల నుండీ నష్టపరిహారం వసూలు చేస్తున్నారన్నారు. 29 రాష్ట్రాలు, రెండు కేంద్ర పాలిత ప్రాంతాలు దేశంలో ఉన్నాయని, అన్ని రాష్ట్రాల నుండీ నష్టపరిహారం వసూలు చేసి కొన్ని రాష్ట్రాలకు మాత్రమే అందులో నుండి నిధులు మంజూరు చేస్తారని పేర్కొన్నారు. ఏ రాష్ట్రానికైతే ఆదాయం తక్కువ వస్తోందో ఆ రాష్ట్రానికే నష్టపరిహారం ఇస్తున్నారన్నారు. 14 శాతానికి పైగా రెవెన్యూ వృద్ధి రేటు ఉన్న రాష్ట్రాలకు నష్టపరిహారం ఇవ్వడం లేదని, 14 శాతం రెవెన్యూ గ్రోత్‌రేట్ కంటే తక్కువున్న రాష్ట్రాలకే నష్టపరిహారం ఇస్తున్నారని తెలిపారు. ఇది ఎంతమాత్రం పద్ధతి కాదని గతంలోనే చెప్పామన్నారు. మన దగ్గర వసూలు చేసిన సొమ్మునే మనకివ్వడం ఎంతమాత్రం సమర్ధనీయం కాదన్నారు.
కేంద్ర ప్రభుత్వం కన్సాలిడేటెడ్ ఫండ్ నుండి నేరుగా నష్టపరిహారం ఇవ్వాలి తప్పితే ఈ విధానం మాత్రం సమర్ధనీయం కాదని పేర్కొన్నారు. ట్రేడర్స్ విషయంలో అరెస్ట్ వారెంట్ విధానం కరెక్ట్ కాదని ఖండించారు. చక్కెరపై సెస్ వేసే యోచన విరమించుకోవాలని కేంద్ర ప్రభుత్వాన్ని యనమల కోరారు. వాస్తవానికి సెస్ వేసే అధికారం కేంద్ర, రాష్ట్ర ప్రభుత్వాలకు లేదన్నారు. సాధారణ పౌరులు నిత్య జీవితంలో వినియోగించే వస్తువులన్నీ తక్కువ స్లాబ్ విధానంలో ఉండాలని పేర్కొన్నారు. సింగిల్ స్లాబ్ విధానం వలన ప్రజలకు మేలు చేకూరుతుందా? లేదా? అన్న విషయాన్ని క్షుణ్ణంగా పరిశీలించాలని మంత్రి యనమల కేంద్రాన్ని కోరారు.
చిత్రం..విలేఖరులతో మాట్లాడుతున్న మంత్రి యనమల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.